نۆۋەتتىكى بۆلەك :ئىمان
دەرس كىتابلارغا ئىمان كەلتۈرۈش.
ئاللاھنىڭ ئەلچىلىرىگە بەندىلىرىگە يەتكۈزۈش ئۈچۈن كىتاپلارنى نازىل قىلىغانلىقىنى، ھەمدە بۇ كىتابلارنىڭ ئاللاھ تائالا ئۆزىگە لايىق كېلىدىغان ھالەتتە سۈزلىگەن سۇزى ئىكەنلىكىنى، ۋە بۇ كىتابلاردا ئىككىل دۇنيادا كىشىلەرگە ھەقىقەت نۇر ۋە يېتەكچىلىك نىڭ بارلىقىنى كەسكىن تەستىقلاش.
كىتابلارغا ئىمان ئىتىشنىڭ ئەھمىيىتى
كىتابلارغا ئىمان ئىتىش ئىماننىڭ ئاساسلىرىنىڭ بىرىدۇر، ئاللاھ تائالا مۇنداق دېدى: ئى ئىمان ئېيتقانلار! ئاللاھقا، ئاللاھنىڭ پەيغەمبىرىگە، ئاللاھ ئۇنىڭغا نازىل قىلغان كىتابقا ۋە ئىلگىرى ئاللاھ نازىل قىلغان كىتابلارغا ئىمان كەلتۈرۈڭلار» [نىسا سۈرىسى:136]. شۇڭا ئاللاھ تائالا ئۇزىگە ئىمان ئېيتىشقا، ۋە پەيغەمبىرىگە ئىمان ئېيتىشقا، ۋە ئۇنىڭ ئەلچىسىگە نازىل قىلىنغان كىتابقا ئىمان ئېيتىشقا بۇيرۇدى. ئۇ بولسىمۇ قۇرئان كەرىم دۇر. شۇنداقلا قۇرئاندىن ئىلگىرى نازىل قىلىنغان كىتابلارغىمۇ ئىمان ئېيتىشقا بۇيرۇدى.
پەيغەمبەر ئەلەيھىسسالام ئىمان ھەققىدە مۇنداق دېدى: «ئاللاھقا ۋە ئۇنىڭ پەرىشتىلىرىگە، كىتابلىرىغا، ئەلچىلىرىگە ۋە ئاخىرەت كۈنىگە ئىمان ئىتىشىڭ. ۋە تەقدىرنىڭ ياخشى-يامانلىقىغا ئىمان ئىتىشىڭ» (مۇسلىم:8).
كىتابلارغا ئىمان ئىتىش نېمەلەرنى ئۆز ئىچىگە ئالىدۇ؟
قۇرئاندىن ئىلگىركى كىتاپلارغا كۈز قارشىمىز قانداق؟
مۇسۇلمان مۇسائەلەيھىسسالامغا نازىل قىلىنغان تەۋرات، ۋە ئىسائەلەيھىسسامغا نازىل قىلىنغان ئىنجىل، ئاللاھ تەرىپىدىن بەرھەق نازىل قىلىنغانلىقىغا ئىشىندۇ، ئۇ ئىككى كىتاب كىشىلەر ئۈچۈن دۇنيا تىرىكچىلىكى ۋە ئاخىرەت ھاياتىنى ئاىدۇڭلاشتۇرۇپ يىتەكلەىدىغان. كۆپلىگەن ھۆكۈملەر. ۋەزە نەسىھەتلەر ۋە خەۋەرلەرنى ئۆز ئىچىگە ئالغان، لىكىن ئاللاھ تائالا بىزگە قۇرئان كەرىمدە كىتاب ئەھلىدىن بۇلغان يەھۇدىيلار ۋە خىرىستىيانلار كىتابلىرىنى بۇرمىلاپ، ئۇلارغا قوشاپ ۋە ئازايتقانلىقىنىدىن خەۋەر بەردى، ئۇ كىتاپلار ئاللاھ نازىل قىلغان پېتى قالمىغان.
ھازىرقى تەۋرات مۇسا ئەلەيھىسسالامغا نازىل قىلىنغان پېتى ئەمەس، چۈنكى يەھۇدىيلار ئۇنىڭ نۇرغۇن ھۆكۈملىرىنى ئۆزگەرتىپ بۇرمىلاپ ئويۇنچۇق قىلىۋالغان. ئاللاھ تائالا مۇنداق دېدى: «ئەھلى كىتابتىن بىر تۈركۈمى كىتابتا بولمىغان نەرسىلەرنى سىلەرنىڭ كىتابتا بار ئىكەن دەپ ئويلىشىڭلار ئۈچۈن تىللىرىنى تولغاپ تۇرۇپ ئوقۇيدۇ ۋە ئۇنى ئاللاھ تەرىپىدىن نازىل بولغان دەيدۇ. ھالبۇكى، ئۇ ئاللاھ تەرىپىدىن نازىل بولغان ئەمەس، ئۇلار بىلىپ تۇرۇپ ئاللاھ نامىدىن يالغاننى توقۇيدۇ» [ئال ئىمران سۈرىسى:78].
تەۋرات ھەققىدە دىيىلگەندەك ھازىرقى ئىنجىلمۇ ئىسا ئەلەيھىسسالامغا نازىل قىلىنغان ئىنجىل ئەمەس. چۈنكى خىرىستىيانلار ئىنجىلنى بۇرمىلاپ، ئۇنىڭ نۇرغۇن ھۆكۈملىرىنى ئۆزگەرتىۋەتتى. ئۇلۇغ ئاللاھ ئۇلار ھەققىدە مۇنداق دېدى: «بىز خىرىستىيانمىز دىگەنلەردىنمۇ مۇستەھكەم ئەھدە ئالغان ئىدۇق. ئۇلار (ئىنجىلدا) ئۆزلىرىگە قىلىنغان نەسىھەتنىڭ بىر قىسمىنى ئۇنتۇدى، شۇڭا ئۇلارنىڭ ئارىسىغا قىيامەتكە قەدەر ئاداۋەت ۋە دۈشمەنلىك سالدۇق. شۇ كۈندە ئاللاھ ئۇلارغا قىلمىشلىرىنى ئېيتىپ بېرىدۇ» [مائىدە سۈرىسى:14].
شۇڭلاشقا بىز بۈگۈن تەۋرات ۋە ئىنجىلنى ئۆز ئىچىگە ئالغان كىتاب ئەھلىنىڭ قولىدىكى مۇقەددەس كىتاب دەپ ئاتالغان نەرسىنىڭ نۇرغۇن چىرىك ئېتىقاد، يالغان خەۋەر ۋە يالغان چۆچەكلەرنى ئۆز ئىچىگە ئالىدىغانلىقىنى بايقايمىز.
ھازىر تېپىلىدىغان تەۋرات ۋە ئىنجىلنىڭ گەرچە قۇرئان ئېيتقاندەك بۇرمىلانغان ۋە ئۆزگەرتىلگەنلىكىگە ئىشىنىدىغان بولساقمۇ، يەنىلا مۇسۇلمان ئۇ كىتابلارنى ھۆرمەتلەپ ھاقارەتلىمەسلىك لازىم. چۈنكى ئۇنىڭدا ئاللاھنىڭ سۆزلىرىنىڭ بۇرمىلانمىغان قالدۇقلىرى باردۇر.
قۇرئان كەرىمگە بولغان مەجبۇرىيىتىمىز نېمە؟
ئائىشە رەزىيەللاھۇ ئەنھادىن پەيغەمبەر ئەلەيھىسسالامنىڭ ئەخلاقى تۇغۇرلۇق سورالغاندا، «ئۇنىڭ ئەخلاقى قۇرئان دېگەن» (مۇسنەد ئەھمەد: 24601).
بۇ ھەدىسنىڭ مەنىسى: پەيغەمبەر ئەلەيھىسسالام ھاياتىدا ۋە ئىش-ھەرىكەتلىرىدە قۇرئاننىڭ قانۇن ۋە ھۇكۇملىرىگە ئەمەلىي تەتبىقدۇر. پەيغەمبەر ئەلەيھىسسالام قۇرئاننىڭ كۆرسەتمىسىگە مۇكەممەل ئەگىشىشنى ۋۇجۇتقا چىقاردى، ئۇ ھەر بىرىمىزگە ياخشى ئۈلگە. ئاللاھ ئېيتقاندەك: «سىلەرگە- ئاللاھنى ئاخىرەت كۇننى ئۇمىد قىلغان ۋە ئاللاھنى كۆپ ياد ئەتكەنلەرگە- رەسۇلۇللاھ ئەلۋەتتە ياخشى ئۈلگىدۇر» [ئەھزاب سۈرىسى:21].
دۇنيانىڭ ھەر قايسى جايلىرىدا قۇرئاننى يادلىغۇچىلارنىڭ تىلى باشقا ۋە ئەھۋاللىرى بىرخىل ئەمەس تۇرۇغلۇق، قۇرئاننى يادلاش ۋە تىلاۋەت قىلىشنىڭ ئاسانلاشتۇرلىشى ئاللاھنىڭ بۇ قۇرئاننى ساقلىغانلىقىنىڭ ئەڭ چوڭ دەلىلىدۇر.
قۇرئان كەرىمنىڭ ئەۋزەللىكى ۋە ئالاھىدىلىكى:
قۇرئان كەرىم ئاللاھنىڭ بىزنىڭ ئۈلگىمىز ۋە پەيغەمبىرىمىز مۇھەممەد ئەلەيھىسسالامغا نازىل قىلغان سۆزىدۇر، شۇڭا مۇئمىن بۇ كىتابنى ئۇلۇغلايدۇ ۋە ئۇنىڭ ئەھكاملىرىغا ئەمەل قىلىشقا، ۋە ئۇنى تىلاۋەت قىلىقا ۋە ئۈستىدە توختۇلۇشقا تىرىشىدۇ. قۇرئان كەرىم بىز ئۈچۇن دۇنيادا يىتەكچى بۇلۇشقا ۋە ئاخىرەتتە نىجاتلىقىمىزنىڭ سەۋەبى بۇلۇشقا كۇپايە قىلغۇچىدۇر. قۇرئان كەرىمنىڭ ئۆزىگە خاس نۇرغۇن ئەۋزەللىكى ۋە كۆپ خىل ئالاھىدىلىكى بار بۇلۇپ، ئىلگىركى سماۋى كىتاپلاردىن پەرىقلىقدۇر، ئۇنىڭ جۈملىسىدىن:
1- قۇرئان كەرىم ئىلاھىي ھۆكۈملەرنىڭ خۇلاسىسىنى ئۈز ئىچىگە ئالغان
ئۇ ئىلگىرىكى كىتابلاردا يالغۇز ئاللاھقا ئىبادەت قىلىش بۇيرۇقىغا مۇناسىۋەتلىك بايانلارنى قوللاش ۋە تەستىقلاش ئۈچۈن كەلگەن. ئاللاھ تائالا مۇنداق دېدى: «ئى مۇھەممەد بىز ساڭا ئۆزىدىن ئىلگىركى كتاپلارنى تەستىقلىغۇچى ۋە ئۇلارغا شاھىت بۇلغۇچى قۇرئاننى نازىل قىلدۇق» [مائىدە سۈرىسى:48] ئۈزىدىن ئىلگىركى كىتاپلارنى تەستىقلىغۇچى دىگەننىڭ مەنىسى: ئۇ ئىلگىرىكى كىتابلاردا خەۋەر قىلىنغان ۋە ئۇلاردا كەلگەن ئەقىدىلەرگە مۇۋاپىق كىلىدۇ. ئۇنىڭدىن بۇرۇنقى كىتابلارغا شاھىت دىگەننىڭ مەنىسى: ئىلگىركى كىتاپلارغا ھۆكۇمىرانلىق قىلغۇچى ۋە گۇۋاھچى دېمەكتۇر.
2- ھەر خىل تىللىق ۋە ئوخشىمىغان مىللەتلەردىن ئىبارەت بارلىق كىشلەرگە ئۇنىڭغا ئەمەل قىلىش ۋاجىپدۇر.
ئۇنىڭ مۇقتازاسىغا ئەمەل قىلىش، كىشلەرنىڭ ۋاقتى قۇرئان نازىل بولغان ۋاقىتتىن قانچىلىك كېچىكىشىدىن قەتئىينەزەر، ئالدىنقى كىتابلارغا ئوخشىمايدىغىنى شۇكى، ئۇلار مەلۇم بىر دەۋردە مۇئەييەن خەلق ئۈچۈندۇر. ئاللاھ مۇنداق دېدى: «ئى مۇھەممەد بۇ قۇرئان ماڭا سىلەرنى ۋە تا قيامەتكىچە قۇرئان يەتكەن كىشلەرنى ئاگاھلاندۇرۇشۇم ئۈچۈن نازىل قىلىندى دېگىن» [ئەنئام سۈرىسى:19].
3- ئاللاھ تائالا قۇرئاننى ساقلاشقا كاپالەتلىك قىلدى
ئۇنىڭغا بۇرمىلاشنىڭ قولى يەتمىدى، شۇنداقلا ئۇنىڭغا مەڭگۇ يەتمەيدۇ، ئاللاھ ئېيتقاندەك: «قۇرئاننى ھەقىقەتەن بىز نازىل قىلدۇق ۋە چۇقۇم ئۇنى قۇغدايمىز» [ھىجرە سۈرىسى:9]. ئۇنىڭ بارلىق خەۋەرلىرى راست بولغاچقا تەستىقلاش ۋاجىپتۇر.
