Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Mummunan Nema da Hada-hadan kuɗi na haramun

Ababen da darasin ya ƙunsa

A cikin wannan darasin zamu san ma'anan Mummunan nema da sabbuban shi, da cutarwanshi, kuma zamu fahimci abun nufi da hada-hadan kuɗi wanda yake haramun.

manufofi

Sanin Mummunan nema da bayanin cutarwanshi.
Sanin Hada-hadan kuɗi na haram.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Daga cikin nema akwai wanda yake mai kyau na halal, daga cikinshi kuma akwai wanda yake mummuna mara kyau na haram, Allah Ta'ala Yace: (Ya ku waɗanda sukayi imani ku ciyar daga kyawawan ababen da kuka nema da kuma abunda muka fitar muku da shi daga cikin ƙasa, kuma kada ku ɗauka mara kyau mummuna kuna ciyarwa daga gare shi) (Albakara: 267).

Kuma a cikin hadisin Abu Hurairah Allah Ya kara mishi yarda, lalle Annabi tsira da amincin Allah su tabbata a gare shi yace: «Lalle wani zamani zai zowa mutane, mutum bai damu da abunda ya karɓa na daga dukiya ba, na halal ne ko na haram» (Bukhari: 2083).

Mummunan Nema

Shi ne cin dukiyar mutane da ƙarya ba tare da haƙƙi ba, ko kuma nema ta hanyar da aka hana a shar'ance.

Hanyoyin Mummunar Nema

Ta hanyar cin dukiyar mutane da ƙarya, daga cikin hakan akwai: ɗaukan dukiyar mutane a bisa zalumci, ko yaudara, ko ha'inci, ko cuta, ko kuma cin dukiyar mutane ba tare da son ransu ba.

Ta hanyar mu'amalolin da suke haramun ne a shari'a, daga cikin hakan akwai: Riba, Caca, sayar da ababen da suke haramun kaman giya da naman alade, da ganguna, da waninsu.

Sabbuban da suka kaiwa ga mummunan nema

Rashin tsoron Allah da jin kunyar Shi: Idan aka cire tsoron Allah da jin kunyanShi daga zuciyar bawa, to ba zai damu da cewa nemanshi na halal ne ko na haram ne ba.

Gaggawa cikin neman arziki: Wasu mutanen basu da haƙuri, kuma suna so su samu kuɗaɗe masu yawa a cikin ɗan ƙanƙanin lokaci, kuma babu shakka hakan zai kai su ga cin haram.

Kwaɗayi da rashin wadatar zuci: Daga cikin mutane akwai wanda bai yarda da abunda Allah Ya raba Ya ba shi na daga dukiyar halal ba, sai ya tafi neman ƙari koda ace da abunda Allah Ya haramta ne.

Cutarwan Mummunan Nema

Faɗawa cikin fushin Allah da kuma shiga wuta: daga Abu Umamata Allah Ya kara mishi yarda yace, Lalle Manzon Allah tsira da amincin Allah su tabbata a gare shi yace: «Duk wanda ya ƙwace haƙƙin wani mutum musulmi da rantsuwanshi na ƙarya haƙiƙa Allah Ya wajabta mishi wuta, kuma Ya harmta mishi Aljannah». sai wani mutum yace: koda abun ɗan kaɗan ne? yace: «Koda ya ƙanƙantanshi yake» (Muslim: 137).

Duhun zuciya da kasalan gaɓoɓi daga biyayya ga Allah Mai girma da ɗaukaka, da kuma ɗebe albarkah daga cikin dukiya da rayuwa.

Rashin karɓan Addu'a, daga Abu Hurairah Allah Ya kara mishi yarda yace, Lalle Manzon Allah tsira da amincin Allah su tabbata a gare «Ya ambaci wani mutum mai tsawaita tafiya, mai gashi a watse kuma mai ƙura, yana ɗaga hannayenshi zuwa sama, ya Ubangiji, ya ubangiji, kuma abincin shi haramun ne, abun shan shi haramun ne, tufafin shi haramun ne, kuma yayi guzuri da haramun, to ta yaya za a amsa mishi?!» (Muslim: 1015).

Samar da ƙiyayya da gaba a tsakanin mutane, da lalacewan Al-ummah, kuma wannan babu shakka shi ne sakamakon yin ta'addanci akan dukiyar mutane, da cin ta da ƙarya. Allah Ta'ala Yace: (Lalle shaiɗan yanaso ya sanya ƙiyayya da gaba a tsakanin ku ta hanyar giya da caca...) (Alma'idah: 91).

Nau'ukan ababen da suke haramun a hada-hadar dukiya

Ababen da suke haramun ne a karan kansu

Mu'amalolin da suke haramun ne

Ababen da suke haramun ne a karan kansu

Duk wani abunda shi kanshi haramun ne, kaman mushe, da naman alade, da munanan ababe, da najasa da makamancin hakan, kuma su ne ababen da rai yake tsanansu da ɗabi'arshi. Allah Ta'ala Yace: (Ka ce: «Bã ni sãmu, a cikin abin da aka yõ wahayi zuwa gare Ni, abin haramtãwa a kan wani mai ci wanda yake cin sa fãce idan ya kasance mũshe kõ kuwa jini abin zubarwa kõ kuwa nãman alade, to lalle ne shi ƙazanta ne, kõ kuwa fãsiƙanci wanda aka kurũrũta, dõmin wanin Allah da shi. » Sa'an nan wanda larũra ta kãmã shi, bã mai fita jama'a ba, kuma bã mai ta'addi ba, to, lalle Ubangijinka Mai gãfara ne, Mai jin ƙai)(Alma'idah: 145)

Mu'amalolin da suke haramun

Duk wata mu'amalar da ta saɓawa shari'a; kaman riba da caca, da yaudara, da damfara, da ha'inci da makamantansu na daga ababen da akwai zalumtan bayin Allah a cikinsu, da kuma cin dukiyar mutane da ƙarya. Kuma wannan nau'in babu shakka rai yanaso, saboda hakane aka tsawatar sosai akansu aka kuma bayyana uƙubar da zata hana mutum Faɗawa a cikinsu. Allah Ta'ala Yace:(Lalle waɗanda suke cin dukiyar maraya a bisa zalumci, to babu shakka wuta suke ci a cikinsu, kuma da sannu za a cusa su cikin wutan Sa'ira) (Annisa'i: 10). Kuma Allah Mai girma da ɗaukaka Yace: (Ya ku waɗanda sukayi imani ku ji tsoron Allah kuma ku bar abunda ya rage na daga riba idan har kun kasance muminai * Idan kuma ba haka ba to kuyi shirin yaƙi daga Allah da ManzonShi, amma kuma idan kuka tuba, to dukiyoyinku naku ne, kada kuyi zalumci kuma kada a zalumce ka)(Albakara: 278,279).

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa

Darrusa

Bakayi rajistan shiga ba

Ɓangaren yanzu model

Darasi Mummunan Nema da Hada-hadan kuɗi na haramun

Ababen da darasin ya ƙunsa

manufofi

An fassara wannan darasin da yaruka masu zuwa:

Mummunan Nema

Hanyoyin Mummunar Nema

Sabbuban da suka kaiwa ga mummunan nema

Cutarwan Mummunan Nema

Nau'ukan ababen da suke haramun a hada-hadar dukiya

Ababen da suke haramun ne a karan kansu

Mu'amalolin da suke haramun

Haƙiƙa ka kammala wannan darasin cikin nasara