ENZIKIRIZA
Obusiraamu nzikiriza n'amatteeka. Enzikiriza gwe musingi eddiini kwe yeesigamiziddwa. Enzikiriza y’Obusiraamu nzikiriza entegeerekeka era ennyangu, ekwatagana n’ebirowoozo ebituufu n’obutonde obulungi.
Emiramwa emitonotono
OKUJULIRA OKW'EMIRUNDI EBIRI
Obusiraamu bwafuula ekigambo kya Laa ilaaha illa Allah (Teri asinzibwa mu butuufu okujjako Allah) mu kifo ekisiinga enkizo n'ekitiibwa, anti gw'emulimu ogusooka og'obwetteeka eri omusiraamu, oyo ayagala okusiramuka alina okukiriza ekigambo ekyo n'okukyaatula, era oyo yenna akyogera n'obukakafu mu kyo, ng'anoonya kusiimisa Allah. kijja kubeela ensonga y'okuwona kwe okuva eri omuliro era Nabbi Muhammad ebyengera n'emirembe bibeere ku yye, yagamba: (Allah yaziyiza omuliro ku yeena agamba nti Laa ilaaha illa Allah (Teri asinzibwa mu butuufu okujjako Allah), ng'anoonyamu kusiimisa Allah. (Bukhari 415)
Obukkiriza
Obubaka bwa ba Nabbi bonna eri abantu baabwe bwakwatagana eri okusinza Allah yekka nga tagattibwaako kintu kyonna, n'okuwakanya byonna ebisinzibwa ebitali Allah obwo nno nga bwe bwennyini bw'amakulu g'ekigambo eky'okwawula Allah, era nga ky'ekigambo omuntu kyayingira nakyo mu ddiini ya Allah.
Okusinza
Okusinza kwe; Okugondera okujjuvu n'okwagala n'okugulumiza n'okugoonda, era mugabo gw'Allah eri abaddu be, gweyawulidde Allah yekka nga tewali mulala, mulimu buli kimu Allah kyayagala ne kyasiima, mu bigambo ne mu bikolwa byeyaragira ebyeyolefu nga esswala ne zakka ne hijja, n'emirimu egyekweese nga okujjukira Allah n'omutima n'okumutya n'okumweesigamira n'okumusaba obuyambi, nebirara.
