EBISEELA
Obusiraamu ddiini ekwata ku buli kintu ekirungi eri omuntu, era bubaka bubuna eri omuntu wonna wabeera ali ekiseera kyonna. Nga bweburi nti bubaka bujjuvu era nga bubuna, butukana nabuli kifo nekiseera. Ekitundu kino kirimu emitwe egyalondebwa omusiraamu gye yeetaaga mu mbeera nebiseera ebyenjawulo.
Emiramwa emitonotono
AMATEEKA AGAFUGA OBUDDE BWO BUTITI (OBUNYOGOVU)
Obusiraamu ddiini ebuna , era eteeka teeka obulamu bwomuntu bwonna okuba obulamu obukwatagana n’Omutonzi waabwo, era obulamu obwekika ekya waggulu mu biruubirirwa byabwo, era obw’amagezi mu bintu byabwo. N’olwekyo, omukkiriza buli kiseera abeera nokusinza okumutuusa ku ekyo, era ekiseera eky’obutiti sizoni etabulamu mateeka gabusiraamu agarina akakwate ku miryango ejiwerako, mu kwetukuza, mu kusaala, mu kwambala, enkuba, n’ebirala, era Tujja kwogera, Katonda bw’anaaba ayagadde,kugamu ku mateeka mu muko guno.
Amateeka agafuga engendo
Obusiraamu nzikiriza ya bulamu bwonna, era ekwaata ku mbeera z'omuntu zonna, ng'ali ku butaka oba ng'atambudde, mu kutebenkera kwe ewamu n'emukuseetuka okuva mu kifo okudda ewalala, mu mbeera z'okukakasa n'ezolusaago, era engendo kitundu ku bulamu bw'omuntu obwa bulijjo, era na bweekityo nazo zirina amateeka agazifuga mu bintu Allah by'ayagala tutambulireko n'okukola mu zzo, oba mw'ebyo by'ayagala tweewale , era mu kitundu kino tugenda kulaba amateeka ago agafuga engendo.
Kawumpuli n'endwadde
okugezesebwa ne kawumpuli bye bimu ku bigezo bya Allah ebituuka ku bantu, abasiraamu n’abatali basiraamu. Kyokka embeera y’Omusiraamu n’okugezesebwa ya njawulo ku y’abalala. ayita mu mbera yokugezesebwa ng’agoberera ebyo Allah by’amulagira okukola: nga okugumiikiriza, no'okusaawo amakubo agalagirwa mu diini mu kuziyiza oburwadde nga tebunnabaawo, n’okwejanjaba okuwona nga abufunye.
