Aƙidah
Musulunci Aƙida ne da kuma shari'a, Aƙida kuma ita ce tushen da addini yake ginuwa akan shi, kuma Aƙidar musulunci Aƙida ce bayyananniya kuma mai sauƙi, wacce take dacewa da lafiyayen hankali da kuma ingantacciyar fiɗira
Maudu'an gefe
Shaidawa guda biyu (Al-Shahadatani)
Musulunci ya sanya kalmar tauhidi La'ilaha illal lahu a matsayi mai girman gaske; Domin ita ce farkon abunda yake wajibi akan musulmi, saboda haka duk wanda ya buƙaci shiga musulunci dole ne ya ƙudurta ta ya kuma furuta ta. kuma duk wanda ya faɗeta yana mai sakankacewa da ita, yana mai neman yardan Allah da ita, zata kasance sababin tsiranshi daga wuta kamar yadda Annabi tsira da amincin Allah su tabbata a gare shi yace: "Lalle Allah Ya haramtawa wuta duk wanda yace la'ilaha illallahu yana mai neman yardan Allah da ita" [Bukhari: 415].
Imani
Dukkanin saƙonnin Annabawa zuwa mutanensu sunyi ittifaki akan bautawa Allah Shi kaɗai ba tare da wani abokin tarayya ba, da kuma kafurcewa duk wani abun bauta koma bayan Allah, kuma wannan shi ne haƙiƙanin ma'anar kalmar tauhidi wacce da ita ne kawai mutum yake shiga cikin addinin Allah.
Ibadah:
Ibadah ita ce: Sakakkiyar biyayya tare da soyayya da girmamawa da ƙasƙantar da kai, kuma haƙƙin Allah ne akan bayinshi, Ya keɓanta da ita shi kaɗai koma bayan waninShi, kuma ibadah ta ƙunshi dukkanin abunda Allah Yakeso Ya kuma yarda dashi na daga zantuka da ayyuka waɗanda Yayi umarni da su kuma Ya kwaɗaitar da mutane zuwa garesu, sawa'an ta kasance daga cikin ayyukan da suke zahiri ne kaman sallah da zakkah da hajji, ko daga cikin ayyukan da suke ɓoye irinsu ambaton Allah da zuciya, da tsoron Allah, da dogara a gare Shi, da neman agajinShi, da wanin haka.
