Munasabobi
Musulunci cikakken addini ne wanda ya shafi dukkanin ababen alheri ga mutum, kuma shi saƙo ne zuwa dukkanin mutane, a ko ina suke, a kowana lokaci, kuma a kowana zamani, kamar yadda yake cikakke ne kuma gamamme, to kuma ya dace da kowana wuri da kuma kowana zamani, wannan ɓangaren ya shafi wasu mau'du'ai mahimmai waɗanda musulmi yake da buƙatansu a cikin yanayinshi da kuma munasabobinshi daban-daban.
Maudu'an gefe
Hukunce hukuncen lokacin Hunturu
Musulunci addini ne cikakke, kuma yana son dukkan rayuwa ta zama rayuwar da ke da alaƙa da Allah Mahaliccinta cikin manufofinta, da ayyukanta, da mahanganta. Don haka mumini a kowane lokaci yana da wata nau'in ibada da take kai shi ga haka. Lokacin hunturu kuma yanayi ne da ba a rasa hukunce-hukuncen shari'a da suka shafi batutuwa da dama a cikinshi, kamar tsarki, sallah, tufafi, ruwan sama, da sauransu. In sha Allahu zamu tattauna wasu hukunce-hukuncensa a cikin wannan ɓangaren.
Hukunce-hukuncen Tafiya
Musulunci addinin rayuwa ne, saboda haka ne yake da alaƙa da dukkanin yanayin rayuwar mutum, a yayin da yake zaune da lokacin da yayi tafiya, da natsuwarshi, da motsinshi, da gaskiyarshi da wasanshi, kuma tafiye-tafiye wani ɓangare ne na wannan rayuwar, kuma lalle ba zai rabu da wasu hukunce-hukunce waɗanda Allah Ta'ala Yake so daga gare mu da mu sansu mu kuma aikata su, ko kuma wasu ababen da Allah Yake son mu nisance su kuma mu barsu ba. A cikin wannan darasin da yardan Allah zamu duba wasu daga cikin hukunce-hukuncen tafiya.
Annoba Da Cututtuka
Jarrabawa da annoba suna daga cikin ƙaddarorin Allah Ta'ala waɗanda suke sauƙa akan mutane, musulminsu da kafuransu, sai dai yanayin musulmi a cikin jarrabawa ba kaman na waninshi ba ne, domin shi zai mu'amalance ta ne da abin da Ubangijinshi ya umarce shi da shi na daga haƙuri da kuma amfani da sabbuban shari'a wajen kore ta gabanin faruwanta da neman waraka daga gare ta idan ta same shi.
