مكہ مكرمہ كی فضیلتیں: اس مقدس شہر كا عظیم مرتبہ اور بے شمار فضیلتیں ہیں ، انہیں میں سے چند یہ ہیں:

2-اس لئے كہ یہ اللہ كا حرم ہے

اللہ نے اس شہر میں مخلوق پر خون بہانے ، كسی پر ظلم ڈھانے، شكار كرنےیا اور اس كے درختوں كو اور اس كے گھاس كے كاٹنے كو حرام قرار دیا ہے ،اللہ تعالی نے فرمایا: (إِنَّمَا أُمِرْتُ أَنْ أَعْبُدَ رَبَّ هَذِهِ الْبَلْدَةِ الَّذِي حَرَّمَهَا وَلَهُ كُلُّ شَيْءٍ وَأُمِرْتُ أَنْ أَكُونَ مِنَ الْمُسْلِمِين) (النمل: 91).(مجھے تو بس یہی حکم دیا گیا ہے کہ میں اس شہر کے پروردگار کی عبادت کرتا رہوں جس نے اسے حرمت واﻻ بنایا ہے، جس کی ملکیت ہر چیز ہے اور مجھے یہ بھی فرمایا گیا ہے کہ میں فرماں برداروں میں ہو جاؤں)

2- اور اس میں كعبہ شریف ہے:

اوركعبہ وہ چوكور عمارت ہے جو مسجد حرام كے بیچ آنگن میں موجود ہے ،اور وہ قبلہ جس كی طرف منہ كركے مشرق و مغرب میں بسنے والے تمام مسلمان اپنی نمازوں میں اس كی طرف متوجہ ہوتے ہیں ،جسے ابراہیم خلیل اور ان كے فرزند اسماعیل علیہما السلام نے مل كر اللہ كے حكم سے تعمیر كیا ہے ،پھر بار بار اس كے عمارت كی تجدید كی گئی ،اللہ عزوجل نے فرمایا: (وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنتَ السَّمِيعُ الْعَلِيم) (البقرة: 127).(ابراہیم ﴿علیہ السلام﴾ اور اسماعیل ﴿علیہ السلام﴾ کعبہ کی بنیادیں اور دیواریں اٹھاتے جاتے تھے اور کہتے جارہے تھے کہ ہمارے پروردگار! تو ہم سے قبول فرما، تو ہی سننے واﻻ اور جاننے واﻻ ہے)اور جب مكہ كے قریش نے اس كی عمارت كو دوبارہ تعمیر كیا تو حجر اسود كو اس كی جگہ میں ركھنے كے لئے آپ صلی اللہ علیہ وسلم پر راضی ہوئے ۔

3-اس میں نماز ادا كرنے كا اجر كئی گنا:

رسول اللہ صلی اللہ علیہ وسلم نے فرمایا: " صَلَاةٌ فِي مَسْجِدِي هَذَا أَفْضَلُ مِنْ أَلْفِ صَلَاةٍ فِيمَا سِوَاهُ، إِلَّا الْمَسْجِدَ الْحَرَامَ، وَصَلَاةٌ فِي الْمَسْجِدِ الْحَرَامِ أَفْضَلُ مِنْ مِائَةِ أَلْفِ صَلَاةٍ فِيمَا سِوَاهُ ". (ابن ماجه 1406، أحمد 14694)(صحیح).(میری مسجد میں ایک نماز پڑھنی دوسری مسجدوں میں ہزار نماز پڑھنے سے افضل ہے سوائے مسجد الحرام کے، اور مسجد الحرام میں ایک نماز پڑھنی دوسری مسجدوں کی ایک لاکھ نماز سے افضل ہے)

4-جو اللہ كے حرمت والے گھر تك پہنچنے كی استطاعت ركھتا ہو اس پر اللہ نے حج كو فرض كیا ہے:

ابراہیم علیہ السلام نےلوگوں كو حج كرنے كے لئے پكارا ،تو لوگ ہر جگہ سے وفد در وفد آنے لگے، اور انبیاء علیہم السلام نےبھی اس كا حج كیا ،جیسا كہ اللہ كے رسول صلی اللہ علیہ وسلم نے اس كے متعلق خبر دی ہے ،اور اللہ تعالی نے ابراہیم سے اپںے حكم كے متعلق خبر دیتے ہوئے فرمایا : ‌(وَأَذِّن ‌فِي ‌ٱلنَّاسِ بِٱلۡحَجِّ يَأۡتُوكَ رِجَالٗا وَعَلَىٰ كُلِّ ضَامِرٖ يَأۡتِينَ مِن كُلِّ فَجٍّ عَمِيقٖ) (الحج:27).( اور لوگوں میں حج کی منادی کر دے لوگ تیرے پاس پا پیاده بھی آئیں گے اور دبلے پتلے اونٹوں پر بھی اور دور دراز کی تمام راہوں سے آئیں گے)

كامیابی سے آپ نے درس مكمل كیا