រដូវកាល
ឥស្លាម ជាសាសនាដែលមានលក្ខណៈទូលំទូលាយ។ អាស្រ័យហេតុនេះហើយទើបអ្នកមានជំនឿ នៅគ្រប់ពេលវេលាទាំងអស់ គឺមានការគោរពសក្ការៈដែលនាំរូបគេទៅកាន់ប្រការទាំងនោះ។
ប្រធានបទរង
ក្បួនច្បាប់ក្នុងរដូវរងារ
ឥស្លាម ជាសាសនាដែលមានលក្ខណៈទូលំទូលាយ។ អាស្រ័យហេតុនេះហើយទើបអ្នកមានជំនឿ នៅគ្រប់ពេលវេលាទាំងអស់ គឺមានការគោរពសក្ការៈដែលនាំរូបគេទៅកាន់ប្រការទាំងនោះ។ ហើយរដូវរងារ ក៏ជារដូវកាលមួយដែលមាននូវក្បួនច្បាប់ជាច្រើនដែលគេត្រូវប្រតិបត្តិទាក់ទងនឹងការជម្រះសម្អាត ការប្រតិបត្តិសឡាត សម្លៀកបំពាក់ និងការធ្លាក់ភ្លៀងជាដើម។ នៅក្នុងជំពូកនេះ អ្នកនឹងសិក្សាពីក្បួនច្បាប់មួយចំនួនទាក់ទងនឹងបញ្ហានេះ។
ក្បួនច្បាប់នៃការធ្វើដំណើរ
ឥស្លាម គឺជាសាសនានៃជីវិត ព្រោះវាផ្សារភ្ជាប់ជាមួយនឹងគ្រប់ស្ថានភាពរបស់មនុស្ស មិនថាក្នុងពេលដែលគេមិនធ្វើដំណើរ ពេលដែលគេធ្វើដំណើរ ពេលដែលគេសម្រាកនៅស្ងៀម ពេលដែលគេមានចលនា។ ការធ្វើដំណើរ គឺជាផ្នែកមួយនៃជីវិតសង្គម។ ដូចនេះ វាគេចមិនផុតឡើយពីក្បួនច្បាប់ទាក់ទងនឹងប្រការមួយចំនួនដែលអល់ឡោះជាម្ចាស់ទ្រង់ទាមទារឲ្យយើងប្រតិបត្តិ និងអនុវត្តវា ឬក៏ក្បួនច្បាប់ទាក់ទងនឹងប្រការមួយចំនួនដែលអល់ឡោះទាមទារឲ្យយើងចៀសវាង និងបោះបង់វា។ នៅក្នុងជំពូកនេះ យើងនឹងសិក្សាពីចំណុចមួយចំនួនទាក់ទងនឹងក្បួនច្បាប់នៃការធ្វើដំណើរ។
ជំងឺរាតត្បាត និងជំងឺដង្កាត់ផ្សេងៗ
ការទទួលការសាកល្បងនឹងជំងឺរាតត្បាតផ្សេងៗ គឺស្ថិតក្នុងចំណោមការកំណត់របស់អល់ឡោះជាម្ចាស់ដែលទ្រង់បានបញ្ចុះទៅលើមនុស្សលោកទូទៅ ទាំងអ្នកមូស្លីម និងទាំងអ្នកមិនមែនមូស្លីម។ ក៏ប៉ុន្តែស្ថានភាពរបស់អ្នកមូស្លីមជាមួយនឹងការសាកល្បងផ្សេងៗ គឺពុំដូចស្ថានភាពរបស់អ្នកផ្សេងនោះឡើយ។ ជាការពិតណាស់ ពួកគេប្រាស្រ័យទាក់ទង(ប្រឈមមុខ)ជាមួយនឹងការសាកល្បងទាំងនោះទៅតាមអ្វីដែលព្រះជាម្ចាស់របស់គេបានបង្គាប់ប្រើ ដូចជាការមានភាពអត់ធ្មត់ និងការប្រកាន់យកហេតុជាបច្ច័យក្នុងការការពារពីគ្រោះ ក៏ដូចជាជំងឺរាតត្បាតទាំងនោះមុនពេលដែលវាកើតឡើង និងស្វែងរកការព្យាបាលប្រសិនបើជំងឺនោះធ្លាក់ទៅលើរូបគេ។
