ప్రధాన విశ్వాసం (అఖీదా)
ఇస్లాం ఒక విశ్వాసం, ఈ విశ్వాసమే ధర్మం యొక్క పునాది, ఇస్లాం యొక్క విశ్వాసం చాలా స్పష్టమైనది, అర్ధం చేసుకోవడంలో అత్యంత తేలికైనది, బుద్ధిమంతులకు మరియు సరైన నైజం కలవారికి అనుకూలమైనది.
ఉప అంశాలు
రెండు సాక్ష్యాలు
ఏకత్వాన్ని సూచించే “లా ఇలాహ ఇల్లల్లాహ్” అనబడే ఈ ప్రాధమిక విశ్వాస వచనాని(కలిమ)కి ఇస్లాం అత్యున్నత స్థానం ఇచ్చి ఉన్నది, ఈ కారణంగానే ఒక వ్యక్తి సత్యధర్మమైన ఇస్లాం లో ప్రవేశించాలంటే ఈ వచనాన్ని సంపూర్తిగా విశ్వసించాలి మరియు నోటితో ఉచ్చరించాలి. మనస్పూర్తిగా విశ్వసిస్తూ ఈ వాక్యాన్ని ఉచ్చరించిన వ్యక్తికి ఇది అతనికి నరకం విముక్తికి కారణం అవుతుంది. ఈ విషయాన్నే ప్రస్తావిస్తూ దైవ ప్రవక్త ముహమ్మద్ (స) వారు ఇలా సెలవిచ్చారు : “అల్లాహ్ యొక్క సంతుష్ఠత కోరుకుంటూ “లా ఇలాహ ఇల్లల్లాహ్” అని పలికిన వ్యక్తి పై అల్లాహ్ నరకాగ్నిని నిషేదించాడు. (బుఖారీ - 415)
విశ్వాసం
దైవప్రవక్తలందరూ కూడా తమ ప్రజలకు ఒకే రకమైన సందేశాన్నిఅందిస్తూ వచ్చారు, అదేమంటే ఏ భాగస్వాములూ లేని ఏకైకుడైన ఆ అల్లాహ్ ను మాత్రమే ఆరాధించండి మరియు ఆయన తప్ప ఇతర ఆరాధించబడేవాటిని విశ్వసించకండి. లా ఇలాహ ఇల్లల్లాహ్ ముహమ్మద్ రసూలుల్లాహ్ యొక్క యదార్ధం ఇదే, ఈ వాక్యం ద్వారానే ఒక వ్యక్తి దైవధర్మంలో ప్రవేశిస్తాడు.
ఆరాధన (ఇబాదత్)
ఆరాధన (ఇబాదత్) అంటే: ప్రేమ, గౌరవం మరియు వినమ్రతతో కూడిన సంపూర్ణ విధేయత. ఇది తన దాసులపై అల్లాహ్ కు ఉన్న హక్కు. ఇది కేవలం ఆయనకు మాత్రమే ప్రత్యేకం, ఇతరులెవరికీ ఇందులో భాగం లేదు. అల్లాహ్ ఆదేశించిన మరియు ప్రోత్సహించిన, ఆయనకు ఇష్టమైన మరియు ఆయనను ప్రసన్నం చేసే ప్రతి మాట మరియు ప్రతి కార్యం ఇందులో భాగమే. అది నమాజు, జకాతు మరియు హజ్ వంటి బహిర్గత ఆచరణలు అయినా సరే, లేదా హృదయపూర్వకముగా అల్లాహ్ ను స్మరించడం, ఆయనకు భయపడటం, ఆయనపైనే భరోసా (తవక్కుల్) ఉంచడం మరియు ఆయన సహాయాన్ని అర్థించడం వంటి అంతర్గత పనులైనా సరే ఇవన్నీ ఆరాధన కిందకే వస్తాయి.
