موجودہ قسم طہارت (پاكی حاصل كرنا)
سبق: وضو
وضو كی فضیلت
وضو اور طہارت ان فضیلت والے عملوں میں سےہیں جو مسلمان كے درجات كو بلند كرتے ہیں ، جب بندہ اپنی نیت میں مخلص ہوتا ہے اور اللہ سے اجر كا طلب گار ہوتا ہے ،تب اللہ تعالی اس كے ذریعہ گناہوں اورغلطیوں كو مٹا دیتا ہے ،جیسا كہ اللہ كے رسول صلی اللہ علیہ وسلم نے فرمایا: «إذا توضأ العبد المسلم -أو المؤمن- فغسل وجهه، خرج من وجهه كل خطيئة نظر إليها بعينيه مع الماء -أو مع آخر قطر الماء-، فإذا غسل يديه خرج من يديه كل خطيئة كان بطشتها يداه مع الماء -أو مع آخر قطر الماء-، فإذا غسل رجليه خرجت كل خطيئة مشتها رجلاه مع الماء -أو مع آخر قطر الماء- حتى يخرج نقيًّا من الذنوب» (مسلم 244).(جب بندہ مسلمان یا مؤمن (یہ شک ہے راوی کا) وضو کرتا ہے اور منہ دھوتا ہے تو اس کے منہ سے وہ سب گناہ (صغیرہ) نکل جاتے ہیں جو اس نے آنکھوں سے کئے پانی کے ساتھ یا آخری قطرہ کے ساتھ (جو منہ سے گرتا ہے یہ بھی شک ہے راوی کا) پھر جب ہاتھ دھوتا ہے تو اس کے ہاتھوں میں سے ہر ایک گناہ جو ہاتھ سے کیا تھا، پانی کے ساتھ یا آخری قطرہ کے ساتھ نکل جاتا ہے پھر جب پاؤں دھوتا ہے تو ہر ایک گناہ جس کو اس نے پاؤں سے چل کر کیا تھا۔ پانی کے ساتھ یا آخری قطرہ کے ساتھ نکل جاتا ہے یہاں تک کہ سب گناہوں سے پاک صاف ہو کر نکلتا ہے)
میں كیسے وضو كروں اور حدث اصغر ختم كروں ؟
نیت
جب كوئی مسلمان وضو كرنےكا ارادہ كرے تو اس پر واجب ہے كہ اس كی نیت كرے ،اس معنی كے ساتھ كہ وہ رفع حدث كے فعل كا ذہنی و قلبی اعتبار سے قصد كرے ،اور تمام اعمال میں نیت شرط ہے ،جیسا كہ اللہ كے رسول صلی اللہ علیہ وسلم نے فرمایا: "إنما الأعمال بالنيات" (البخاري 1، مسلم 1907)،(عملوں كا دارومدار نیتوں پرہے ،پھر ترتیب كے ساتھ وضو كا آغاز كرے، تمام افعال كے درمیان زیادہ وقفہ نہ كركے پے در پے اعضائے وضو كو دھوئے ۔
دونوں ہتھیلیوں كو پانی سے تین بار دھوئے استحبابی طور پر
پانی سے كلی كرے، اس طور سے كہ منہ میں پانی ڈالے اور اندر ہی اندر اسے حركت دے ،پھر اسے باہر نكال دے ، اور ایسا تین بار كرنا اس كے لئے مستحب ہے ،اور ایك بار كرنا واجب ہے ۔
ناك میں پانی چڑھائے گا : یعنی ناك سے پانی كھینچے گا ، پھر اسے جھاڑے گا : یعنی ناك سے باہری ہوا كو عمل میں لاتےہوئے پانی كو باہر كی طرف پھینكے گا، اور اس كا اس میں مبالغہ كرنا مستحب ہے ،ہاں اگر اس سے نقصان لاحق ہو یا وہ روزہ سے ہو تو مبالغہ نہ كرے ،اور ایسا كرنا تین بار مستحب ہے ، اور ایك بار كرنا واجب ہے ۔
اپنا چہرہ دھوئے گا ، اوروہ پیشانی كے اوپری حصہ بال اگنے كی جگہ سے داڑھی كے ٹھوڑی تك ، اور ایك كان سے دوسرے كان تك ،اور دونوں كان چہرہ كا حصہ نہیں ہیں ،اور ایسا كرنا تین بار مستحب ہے ، اور ایك بار كرنا واجب ہے ۔
دونوں ہاتھوں كو اپنی انگلیوں كے كنارے سے لیكر كہنی تك دھوئے گا ،اور كہنی وہ جگہ ہے جہاں مونڈھے بازو سے ملتے ہیں ، اور دونوں كہنیاں دھونے میں داخل ہیں ،داہنے طرف سے اس كے دھونے كا آغاز كرنا مستحب ہے ، اور تین بار دھونا ، اور ایك بار دھونا واجب ہے ۔
اپنے سر كا مسح كرے گا،اس طور سے كہ اپنے دونوں ہاتھوں كو پانی سے گیلا كرےگا، پھر اپنے سر كے پیشانی كے آغاز یے سر كے آخری حصے تك جو گر دن سے جڑا ہوا ہے مسح كرے گا ، اور مسنون یہ ہے كہ گدی سے اپنے دونوں ہاتھوں كو پوچھتے ہوئے پیشانی كے تك واپس لائے جہاں سے كہ شروع كیا تھا،اور دیگر اعضاء كی طرح سے اسے تین بار كرنا مستحب نہیں ، بلكہ صرف ایك بار ہی كرے گا
اپنے دونوں كانوں كا مسح كرے گا ، اس طور سے كہ سر كا مسح ختم كرنے كے بعد اپنے دونوں شہادت كی انگلیوں كو اپنے دونوں كانوں كے اندر داخل كرے گا ، اور اپنے دونوں انگوٹھوں سے دونوں كانوں كے ظاہری (باہری) حصے پر مسح كرے گا۔
اپنے دونوں پیروں كو ٹخنوں كے ساتھ دھوئے گا ، یہ وہ دو ہڈیاں ہیں جو پیر سے پنڈلی كے ملنے كے وقت دونوں پیروں كے كنارے ابھرے ہوئے ہیں ،داہنے پیر سے شروع كرے گا ، اور تین بار دھونا مستحب ہے ،اور ایك بار دھونا واجب ہے ،اور اگر موزہ پہنا ہے تو موزے پر مسح كرنا چند شروط كے ساتھ جائز ہے ،
