Somo: Wudhuu

Umeshaingia

Jisajili sasa kwenye jukwaa la Taa ili uanze kujifunza, na fuatialia maendeleo yako, na kukusanya pointi, na uingie kwenye mashindano.Baada ya kujisajili, utapata cheti cha kielektroniki katika mada ambazo utajifunza.

Kuingia

Kujisajili

Sehemu ya sasa:

Somo Wudhuu

Wudhuu na usafi ni miongoni mwa matendo bora na adhimu. Katika somo hili, utajifunza kuhusu fadhila na sifa za wudhuu.

Kujua fadhila ya wudhuu.
Kujua jinsi ya kutawadha.

:idadi wanafunzi wengine walimaliza somo hili

Tajrama ya somo hili inapatikana katika lugha zifuatazo:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Fadhila ya wudhuu

Wudhuu na usafi ni miongoni mwa matendo bora zaidi yanayoinua hadhi ya Muislamu. Mwenyezi Mungu hufuta dhambi na maovu kupitia kwayo kila wakati mja anapokuwa na nia ya dhati ya kutaka malipo kwa Mwenyezi Mungu. Amesema Mtume wa Mwenyezi Mungu, rehema na amani za Mwenyezi Mungu ziwe juu yake: "Wakati mja Mwislamu au Muumini anapotawadha, na akaosha uso wake, linatoka kila kosa alilotazama kwa macho yake mawili pamoja na maji au pamoja na tone la mwisho la maji (hayo). Na anapoiosha mikono yake miwili, linatoka kila kosa alililokosa kwa kushika na mikono yake miwili pamoja na maji au pamoja na tone la mwisho la maji (hayo). Na anapoiosha miguu yake miwili, linatoka kila kosa aliloliendea kwa miguu yake pamoja na maji au pamoja na tone la mwisho la maji (hayo) mpaka atoke akiwa safi kabisa kutokana na madhambi (yote).” (Muslim 244)

Je, ninatawadha vipi na ninaondoa vipi hadathi ndogo?

Nia

Muislamu akitaka kutawadha ni lazima akusudie kufanya hivyo, kwa nia ya moyoni na akilini kwa kitendo chake cha kuondosha uchafu (hadathi). Na nia ni sharti katika matendo yote, kama Mtume wa Mwenyezi Mungu, rehema na amani ziwe juu yake, alivyosema: “Hakika matendo yanategemea nia tu.” (Al-Bukhari 1, Muslim 1907) Kisha anaanza kutawadha kwa utaratibu ufuatao, kwa kufululiza, bila ya kutenganisha kwa muda mrefu baina ya vitendo.

Anasema: Kwa jina la Mwenyezi Mungu

Kuosha vitanga viwili

Inapendekezwa kwamba aoshe mikono yake kwa maji mara tatu.

Kusukutua mdomo

Atasukutua mdomo wake kwa maji, nalo hili ni kuingiza maji mdomoni na kuyazungusha humo sawasawa, kisha ayatoe. Inapendekezwa afanye hivyo mara tatu, lakini mara moja tu ndio wajibu.

Kupandisha maji puani na kuyatoa

Atapandisha maji puani, kisha ayatoe kwa kusukuma nje hewa inayotoka puani. Na inapendekezwa azidishe katika kufanya hivyo isipokuwa ikiwa hilo litamletea madhara au ikiwa atakuwa amefunga saumu. Na inapendekezwa kwamba arudie hilo mara tatu, lakini mara moja tu ndiyo wajibu.

Kuosha uso

Ataosha uso wake kutoka juu ya paji la uso, kutokea kwenye sehemu ambayo nywele zinaishia hadi chini ya kidevu, na kutokea kwenye sikio moja hadi sikio lingine. Maskio sio kiungo katika uso. Na inapendekezwa kwamba afanye hivyo mara tatu, lakini mara moja tu ndio lazima.

Kuosha mikono

Ataosha mikono yake kuanzia ncha za vidole mpaka kwenye kiwiko. Kiwiko ni pale ambapo dhiraa inaungana na mkono wa juu, na viwiko vyenyewe vinajumuishwa katika kuosha huko. Inapendekezwa aanze na sehemu ya kulia na kurudia kuosha mara tatu, lakini mara moja tu ndio wajibu.

Kupangusa kichwa

Atapangusa kichwa chake kwa kulowesha mikono yake kwa maji, kisha atapangusa kichwa chake kuanzia sehemu ya mbele ya kichwa hadi nyuma ya kichwa kwenye sehemu iliyo karibu na shingo. Ni Sunna kupangusa kwa kurudisha mikono yake mbele ya kichwa tena. Na haipendekezwi kurudia hili mara tatu, kama ilivyo katika sehemu zingine, badala yake alifanye mara moja tu.

Kupangusa masikio

Baada ya kupangusa kichwa chake, atapangusa masikio yake kwa kuingiza vidole vyake viwili vya shahada kwenye masikio yake , na kupangusa sehemu ya nje ya masikio yake kwa vidole gumba.

Kuosha miguu

Ataosha miguu yake pamoja na visigino, ambayo ni mifupa miwili iliyojitokeza kwenye kila upande wa mguu ambapo muundi unakutana na wayo. Ataanza na sehemu ya kulia na inapendekezwa kurudia kuosha mara tatu, lakini mara moja tu ndio wajibu. Ikiwa amevaa soksi, inaruhusika kwake kupangusa tu juu yake, lakini kwa kuzingatia masharti ya kufanya hivyo.

Maelezo ya kuona ya jinsi ya wudhuu

Umemaliza somo kwa ufanisi

Anza mtihani

Badilisha lugha

Endelea kujifunza

Recently viewed

Recent Members

Masomo