បន្តរៀន

អ្នកមិនបានចុះឈ្មោះចូលទេ
ចុះឈ្មោះឥឡូវនេះក្នុងវេបសាយ(តាក)ដើម្បីតាមដានភាពល្អប្រសើររបស់អ្នក ប្រមូលពិន្ទុ និងការចូលរួមក្នុងការប្រកួតប្រជែង បន្ទាប់ពីមានការចុះឈ្មោះរួចហើយ អ្នកនឹងទទួលបានវិញ្ញាបនបត្រអ៊ីនធឺណិតក្នុងប្រធានបទដែលអ្នកសិក្សាវា

ផ្នែកបច្ចុប្បន្ន model:

មេរៀន ការយកវូហ្ទុ

ការយកវូហ្ទុ និងការជម្រះសម្អាត គឺស្ថិតក្នុងចំណោមទង្វើកុសលដ៏ប្រសើរ និងឧត្តុង្គឧត្តមបំផុតមួយ។ នៅក្នុងមេរៀននេះ អ្នកនឹងសិក្សាពីឧត្តមភាពនៃការយកវូហ្ទុ និងរបៀបនៃការយកវូហ្ទុ។

  • ដឹងពីឧត្តមភាពនៃការយកវូហ្ទុ
  • ដឹងពីរបៀបយកទឹកវូហ្ទុ

count: ចំនួនសិស្សផ្សេងទៀតដែលបានបញ្ចប់មេរៀននេះ។

ឧត្តមភាពនៃការយកវូហ្ទុ

ការយកវូហ្ទុ និងការជម្រះសម្អាត គឺស្ថិតក្នុងទង្វើកុសលដ៏ប្រសើរថ្លៃថ្លាដែលលើកឋានៈរបស់ជនមូស្លីម។ ពិតណាស់ អល់ឡោះជាម្ចាស់ទ្រង់លុបលាងបាបកម្ម និងកំហុសឆ្គងរបស់ខ្ញុំបម្រើទ្រង់ នៅពេលណាដែលគេយកវូហ្ទុដោយចិត្តជ្រះថ្លាក្នុងការនៀតរបស់គេដោយរំពឹងចង់បានផលបុណ្យពីទ្រង់។ រ៉ស៊ូលុលឡោះ ﷺ លោកបានមានប្រសាសន៍ថា៖ “កាលណាអ្នកឥស្លាម (ឬអ្នកមានជំនឿ)យកវូហ្ទុ នៅពេលដែលគាត់លាងមុខរបស់គាត់ រាល់អំពើបាបដែលគាត់បានមើលនឹងភ្នែករបស់គាត់នឹងត្រូវជ្រុះចេញពីផ្ទៃមុខរបស់គាត់ជាមួយនឹងតំណក់ទឹក(ឬជាមួយនឹងតំណក់ចុងក្រោយនៃទឹក)។ នៅពេលដែលគាត់លាងដៃទាំងពីររបស់គាត់ រាល់អំពើបាបនានាដែលបានប្រព្រឹត្តដោយដៃរបស់គាត់បានកាន់ នឹងត្រូវជ្រុះចេញតាមទឹក(ឬជាមួយតំណក់ចុងក្រោយនៃទឹក)។ ហើយនៅពេលដែលគាត់លាងជើងទាំងពីររបស់គាត់ រាល់អំពើបាបដែលជើងរបស់គាត់បានដើរទៅប្រព្រឹត្ត នឹងត្រូវបានជ្រុះចេញជាមួយនឹងទឹក(ឬជាមួយតំណក់ចុងក្រោយនៃទឹក) រហូតដល់ទីបំផុត គាត់បានចេញពីវូហ្ទុដោយភាពជ្រះស្អាតពីបាបកម្មទាំងឡាយ”។ (មូស្លីម៖២៤៤)

តើខ្ញុំត្រូវយកវូហ្ទុ និងបំបាត់ហាហ្ទាសតូចដោយរបៀបណា?

នៀត(តាំងចិត្ត)

នៅពេលដែលអ្នកមូស្លីមចង់យកទឹកវូហ្ទុ ចាំបាច់លើគេត្រូវនៀតយកទឹកវូហ្ទុ បានន័យថា គេត្រូវមានបំណងប៉ងគិតនៅក្នុងចិត្តរបស់គេថា គេធ្វើនេះគឺដើម្បីបំបាត់ហាហ្ទាសរបស់គេ។ ហើយការនៀត វាគឺជាលក្ខខណ្ឌមួយនៅគ្រប់ទង្វើទាំងអស់ ដូចដែលព្យាការី ﷺ លោកបានមានប្រសាសន៍ថា៖ “ពិតប្រាកដណាស់ រាល់ទង្វើទាំងឡាយ គឺអាស្រ័យលើការនៀត”។ (ពូខរី៖១, មូស្លីម៖១៩០៧)។ បន្ទាប់មក គេត្រូវយកទឹកវូហ្ទុតាមលំដាប់លំដោយជាបន្តបន្ទាប់គ្នាដោយមិនត្រូវឲ្យមានគម្លាតគ្នារយៈពេលយូរឡើយ។

សូត្រ بسم الله

លាងប្រអប់ដៃទាំងពីរ

ស៊ូណិតគប្បីលាងប្រអប់ដៃទាំងពីរចំនួនបីដងជាមួយនឹងទឹក។

ខ្ពុរមាត់

ស៊ូណិតគប្បីខ្ពុរមាត់ចំនួនបីដង ហើយចាំបាច់(វ៉ាជិប)តែមួយដងទេ។

បឺតទឹកបញ្ចូលក្នុងច្រមុះ រួចញើសបញ្ចេញមកវិញ

ហើយស៊ូណិតបឺតទឹកបញ្ចូលច្រមុះឲ្យបានជ្រៅ លើកលែងតែអ្នកដែលខ្លាចមានបញ្ហាពេលធ្វើបែបនេះ ឬអ្នកដែលបួស។ ស៊ូណិតគប្បីធ្វើបែបនេះចំនួនបីដង ហើយចាំបាច់(វ៉ាជិប)តែមួយដងទេ។

លាងមុខ

ដោយត្រូវលាងចាប់ពីជើងសក់ផ្នែកខាងលើថ្ងាស់ រហូតដល់ក្រោមចង្ការ និងពីត្រចៀកម្ខាងរហូតដល់ត្រចៀកម្ខាងទៀត។ ត្រចៀកទាំងពីរមិនមែនស្ថិតនៅក្នុងរង្វង់មុខនោះទេ ហើយស៊ូណិតគប្បីលាងមុខចំនួនបីដង ហើយចាំបាច់(វ៉ាជិប)តែមួយដងទេ។

លាងដៃទាំងពីរ

លាងដៃទាំងពីរចាប់ពីចុងម្រាម រហូតដល់កែងដៃទាំងពីរ ហើយកែងដៃទាំងពីរ ក៏ស្ថិតនៅក្នុងកន្លែងដែលត្រូវលាងផងដែរ។ ស៊ូណិតគប្បីលាងពីខាងស្ដាំមុន និងគប្បីលាងចំនួនបីដង ហើយចាំបាច់(វ៉ាជិប)តែមួយដងទេ។

ជូតក្បាល

ជូតក្បាលដោយការផ្សើមទឹកនឹងដៃ បន្ទាប់មក ជូតទៅលើក្បាលចាប់ពីគល់សក់ផ្នែកខាងមុខ រហូតដល់ជើងសក់ផ្នែកខាងក្រោយនៃក។ ហើយស៊ូណិតគប្បីជូតត្រលប់មកគល់សក់ផ្នែកខាងមុខវិញត្រង់កន្លែងដែលចាប់ផ្ដើម។ គេមិនប្រើស៊ូណិតឲ្យជូតក្បាលចំនួនបីដងដូចសរីរាង្គផ្សេងៗទៀតនោះទេ។ ផ្ទុយទៅវិញ ត្រូវជូតតែមួយដងប៉ុណ្ណោះ។

ជូតត្រចៀកទាំងពីរ

ជូតត្រចៀកទាំងពីរបន្ទាប់ពីជូតក្បាលរួច ដោយត្រូវយកម្រាមចង្អុលទាំងពីរដាក់ចូលទៅក្នុងត្រចៀក ហើយជូតផ្នែកខាងក្រៅនៃស្លឹកត្រចៀកនឹងមេដៃ។

លាងជើងទាំងពីរ

លាងជើងទាំងពីររហូតដល់ភ្នែកគោល ហើយស៊ូណិតគប្បីចាប់ផ្ដើមលាងពីខាងស្ដាំមុនដោយលាងចំនួនបីដង តែចាំបាច់(វ៉ាជិប)តែមួយដងប៉ុណ្ណោះ។ ប្រសិនបើគេពាក់ស្រោមជើង ច្បាប់អនុញ្ញាតឲ្យជូតលើស្រោមជើងបានដោយត្រូវមានលក្ខខណ្ឌ។

វីឌីអូពន្យល់ពីរបៀបយកទឹកវូហ្ទុ

អ្នកបានបញ្ចប់មេរៀនដោយជោគជ័យ


ចាប់ផ្តើមប្រឡង