የአሁኑ ክፍል ::ሞዴል
ትምህርት ትምህርት፡ የጉዞ ሽርሽር እና ንፅህና
አንድ ሰው በጉዞ ላይ በሚቆይበት ቦታ የሚፈጠሩ ከስተቶች እና በዙሪያው ባሉ ነገሮች ምክኒያት የሰውየው ባህሪ ይለዋወጣል። አቡ ኹረይራ (ረ.ዐ) እንዳስተላለፈው ነብዩ (ሰ.ዐ.ወ) እንዲህ አሉ፡ ‹‹ጉዞ የመከራ ቁራጭ ነው አንዳችሁን ምግቡን መጠጡን እንቅልፉን ይከለክለዋል›› (አል-ቡኻሪ 1804 ፣ 3001 ፣ 5429 እና ሙስሊም 1927) ጉዞና ጉብኝት የሚያደርጉ ሰዎች ከንፅህና እና ሌሎች ጉዳዮች ጋር በተያያዘ የተወሰኑ ነገሮችን ማዎቅ አለባቸው። ከእነዚህም ውስጥ
እንደ ጥላ ፣ ዛፎች ወይም ሌሎች ለማረፊያነት የተከለሉ ቦታዎችን መበከል እና በእነዚህ ቦታ ላይ መፀዳዳት የተከለከለ ነው።
ተጓዙ በረባዳማ (በሜዳ ፣ በጫካ) ቦታ ውስጥ ከሆነና መፀዳዳት ከፈለገ ለስላሳ ቦታ መፈለግ ተመራጭ ነው ሲሉ ሊቃውንት ይናገራሉ። ከሽንት ብክለት ለመዳን እና ሽንቱ ወደ እራሱ ተመልሶ እንዳይረጨው፤ ከደረቅ መሬት እና ከሚነፍስ ንፋስ መራቅ አለበት።
2 በሚፅዳዱ ጊዜ ሃፍረተ ገላን መሸፋፈን
በአብዱሏህ ኢብን ጃዕፈር (ረ.ዐ) ሐዲስ ውስጥ ነብዩ (ሰ.ዐ.ወ) ‹‹የአሏህ መልዕክተኛ (ሰ.ዐ.ወ) ለተፈጥሮ ጥሪ መልስ ለመስጠት ደባቃ ቦታ ወይም የተምር ዛፎች ክምችትን ይወዱ ነበር።›› (ሙስሊም 342) በሌላ ሐዲስ እንደተገለፀው ደግሞ፡ ‹‹ነብዩ (ሰ.ዐ.ወ) ጉዳያቸውን ሊያስታግሱ ሲፈልጉ ልብሳቸውን ከፍ አያደርጉትም፤ እንዲያውም ልብሳቸው ከመሬቱ ጋር ይገጥም ነበር።›› (አቡዳውድ 14) ለዚህ ምክኒያቱ መሸሸግ እና ከሰው እይታ መራቅ ነው።
ተየሙም ሶላት ለመስገድ ውሃ በሌለ ጊዜ ወይም (በህመም ምክኒያት) ውሃን ለመጠቀም ባልተቻለ ጊዜ የሚደረግ አንዱ የንፅና ዘዴ ነው። የሚደረገውም፡ ሙስሊም ሰው መሬቱን በእጆቹ መታመታ ያደርጋል፤ ከዚያም በእጆቹ ፊቱን ያብሳል። በማስከተልም በግራ እጁ ቀኝ እጁን፤ በቀኝ እጁ ደግሞ የግራ እጁን ያብሳል ማለት ነው።
ኹፍ (ካልስ) ላይ ማበስ፡ እንደ ካልሲ ጥልቅ የሚል ሆኖ እግርን የሚሸፍን ከቆዳ የተሰሩ ጫማዎች ወይም ካልሲዎች ወይም ደግሞ መሰል ነገሮች ላይ ሲሆን ንፁህ ሆኖ ሙሉ እግርን የሚሸፍን እና ከትንሹ እና ከትልቁ ሐደስ (ብክለት-ንፅህና ጉድለት) የጠራ ከሆነ ነው። የላይኛውን የእግሩን ክፍል ካልሲው (ሁፉ) ላይ ማበስ ነው።
