Sehemu ya sasa:
Somo Safari na usafi
:idadi wanafunzi wengine walimaliza somo hili
Katika safari, mengi katika yale ambayo mtu alikuwa akiyakuta katika makazi yake nyumbani na vitu vilivyo karibu naye hubadilika. Imesimuliwa kutoka kwa Abu Huraira, Mwenyezi Mungu amridhie, kutoka kwa Nabii, rehema na amani za Mwenyezi Mungu ziwe juu yake, kwamba alisema: "Safari ni aina ya adhabu kwa kuwa inamzuia mmoja wenu kula, kunywa na kulala vizuri. Hivyo basi, pindi mtu atakapomaliza mahitaji yake, basi na aharakishe kurejea kwa familia yake." (Al-Bukhari 1804, 3001, 5429, na Muslim 1927) Kwa hivyo, inampasa mtu anayekwenda safarini kujua mambo kadhaa miongoni mwa masuala ya usafi na mengineyo, ikiwa ni pamoja na:
Ni haramu kukidhia haja ya asili katika maeneo yanayotembelewa mara kwa mara na watu kama vile kivuli, miti, au eneo ambalo limeandaliwa kwa ajili ya kukaa hapo.
Wanazuoni walisema kwamba ikiwa alikuwa jangwani na mfano wake, na akataka kukidhi haja ya asili, basi inapendekezwa kwamba atafute mahali laini; ili asalimike kutokana na kujichafua na mkojo, na ili pia mkojo wake usimrukie. Basi asikidhie haja yake katika mahali pagumu, na vile vile asielekee upande ambapo upepo unatokea.
2. Kujisitiri wakati wa kukidhi haja ya asili
Na katika Hadithi ya Abdullah bin Ja'far, ambamo alimtaja Nabii, rehema na amani za Mwenyezi Mungu ziwe juu yake: “Na kilikuwa kitu anachopenda zaidi Mtume wa Mwenyezi Mungu,rehema na amani za Mwenyezi Mungu ziwe juu yake, kujisitiri kwacho wakati wa kukidhi haja yake ya asili ni mahali pa mwinuko (kama vile kilima) au mkusanyiko wa mitende." (Muslim 342) Na ilikuja katika Hadithi nyingine kwamba, “Alikuwa anapotaka kukidhi haja yake ya asili, hangeinua vazi lake mpaka awe karibu zaidi na ardhi." (Abu Dawud 14), kwa sababu hilo linasitiri zaidi.
Tayammam ni aina ya usafi kwa ajili ya swala wakati hakuna maji au ikiwa mtu hawezi kuyatumia. Hilo huwa kwamba Muislamu apige vumbi la ardhi kwa viganja vyake, kisha afute kwavyo uso wake, kisha akifute kwavyo kiganja chake cha kulia kwa kiganja chake cha kushoto, kisha afute kwavyo kiganja chake cha kushoto kwa kiganja chake cha kulia.
Kupangusa juu ya Khuff ni wakati mtu amevalia viatu vya ngozi nyepesi ambavyo vinafunika miguu, au amevalia soksi au mfano wake miongoni mwa vitu ambavyo vinafunika miguu yote, kwa sharti kwamba alivivaa hali ya kuwa yeye mwenyewe ni safi kutokana na hadathi kubwa na ndogo. Kwa hivyo, anapopangusa kichwa chake na masikio yake anapotawadha, haimlazimu kuvua Khuff zake ili aoshe miguu yake, badala yake atapangusa tu juu ya miguu yake kwa juu ya Khuff hizo.
