നിലവിലെ വിഭാഗം
പാഠം യാത്രയും ശുദ്ധീകരണവും
count മറ്റ് വിദ്യാർത്ഥികൾ ഈ പാഠം പൂർത്തിയാക്കി
ഒരു മനുഷ്യൻ തന്റെ യാത്രാവേളയിൽ ആകുമ്പോൾ അവന്റെ അവസ്ഥ തന്റെ താമസ വേളകളേക്കാൾ ഒരുപാട് വ്യത്യാസപ്പെട്ടിരിക്കും. അബൂ ഹുറയ്റ (റ) വിൽ നിന്നും, നബി(സ) പറഞ്ഞു: "ശിക്ഷയുടെ ഒരു ഭാഗമാകുന്നു യാത്ര. അത് നിങ്ങളുടെ ഉറക്കത്തെയും, ഭക്ഷണത്തെയും, പാനീയത്തെയും തടയുന്നു, അവൻ അവന്റെ ആവശ്യം നിറവേറ്റി കഴിഞ്ഞാൽ തന്റെ കുടുംബത്തിലേക്ക് വേഗത്തിൽ മടങ്ങട്ടെ" (ബുഖാരി 1804, 3001,5429 - മുസ്‌ലിം 1927). അതിനാൽ തന്നെ യാത്ര പോകുന്നവർ അതിലെ ശുദ്ധീകരണവുമായി ബന്ധപ്പെട്ട ഏതാനും കാര്യങ്ങൾ മനസ്സിലാക്കേണ്ടതുണ്ട്. അതിൽ പെട്ടതാണ്:
ആളുകൾ പതിവായി ഉപയോഗിക്കുന്ന തണലിടങ്ങൾ, മരച്ചുവടുകൾ, അല്ലെങ്കിൽ ഇരിക്കാൻ തയ്യാറാക്കിയ മറ്റ് സ്ഥലങ്ങൾ തുടങ്ങിയ സ്ഥലങ്ങളിൽ മലമൂത്ര വിസർജനം നടത്തുന്നതും മലിനമാക്കുന്നതും വിരോധിക്കപ്പെട്ടതാണ്.
ഒരാൾ മരുഭൂമി പോലെയുള്ള (ഒഴിഞ്ഞ പ്രദേശം) സ്ഥലത്ത് മലമൂത്ര വിസർജനം ഉദ്ദേശിക്കുകയാണെങ്കിൽ അവൻ മൂത്രത്തുള്ളികൾ തെറിച്ച് അവന്റെ മേൽ മാലിന്യം ആകാതിരിക്കാൻ വേണ്ടി ഉറപ്പ് കുറഞ്ഞ നിലം (മണൽ പോലെ ഉള്ളവ) തിരഞ്ഞെടുക്കുകയും ഉറപ്പുള്ള നിലവും (പാറ പോലെയുള്ളവ) കാറ്റ് വീശുന്ന സ്ഥലങ്ങളും ഒഴിവാക്കുകയും ചെയ്യണമെന്ന് പണ്ഡിതന്മാർ അഭിപ്രായപ്പെട്ടിട്ടുണ്ട്.
2. മലമൂത്ര വിസർജനം നടത്തുന്ന അവസരങ്ങളിൽ മറ സ്വീകരിക്കുക
ഒരു ഹദീസിൽ അബ്ദുല്ലാഹിബ്‌നു ജഅഫർ റസൂൽ(സ) യെ പരാമർശിക്കുന്നത് ഇങ്ങനെയാണ് : "പ്രാഥമിക കർമങ്ങൾ നിർവഹിക്കുമ്പോൾ മറ സ്വീകരിക്കുവാൻ വേണ്ടി അവിടുന്ന് ഏറ്റവും ഇഷ്ടപ്പെട്ടിരുന്നത് ഉയർന്ന സ്ഥലമോ (കുന്ന് / മൺകൂന/ കെട്ടിടങ്ങൾ) ഈത്തപ്പന തണ്ടോ ആയിരുന്നു." (മുസ്‌ലിം 342). മറ്റൊരു ഹദീസിൽ " അവിടുന്ന് മലമൂത്ര വിസർജനത്തിന് ഉദ്ദേശിച്ചാൽ തന്റെ വസ്ത്രത്തിൽ നിന്നും നിലത്തോട് അടുത്ത് നിൽക്കുന്നതല്ലാതെ ഉയർത്തില്ലായിരുന്നു" (അബൂ ദാവൂദ് 14). അത്രയും മറ സ്വീകരിച്ചിരുന്നുവെന്ന് സാരം.
വെള്ളം ലഭ്യമല്ലാതിരിക്കുകയോ അത് ഉപയോഗിക്കാൻ സാധിക്കാതിരിക്കുകയോ ചെയ്യുന്ന സാഹചര്യത്തിൽ നമസ്‌കാരം നിർവഹിക്കുന്നതിന് നടത്തേണ്ട ശുദ്ധീകരണത്തിന്റെ ഒരു ഇനമാണ് തയമ്മും. അതിന്റെ രൂപം: ഒരാൾ തന്റെ കൈകൾ കൊണ്ട് മണ്ണിൽ ഒരു പ്രാവശ്യം അടിക്കുക, ശേഷം അവകൊണ്ട് അവന്റെ മുഖം തടവുകയും അതിന് ശേഷം ഇടത് കൈകൊണ്ട് വലത് കൈപ്പത്തിയും ശേഷം വലത് കൈപ്പത്തി കൊണ്ട് ഇടത് കൈപ്പത്തിയും ചെയ്യുക.
കാലുറകളിൽ തടവൽ: ഇരു കാല്പാദങ്ങളും മറയുന്ന തരത്തിൽ ഉള്ള ഷൂ (തോല് കൊണ്ട് നിർമിച്ചത്) , ഷോക്‌സ്, അല്ലെങ്കിൽ അത് പോലെയുള്ളവ ഇരു അശുദ്ധികളിൽ നിന്നും ശുദ്ധമായ ശേഷമാണ് ധരിച്ചതെങ്കിൽ ഒരാൾ വുദുവിൽ തലയും ചെവികളും തടവിയ ശേഷം കാലുകൾ കഴുകാൻ അവന്റെ കാലുറകൾ അഴിക്കേണ്ടതില്ല. അവൻ തന്റെ കാൽ പാദങ്ങളുടെ മേൽ ഭാഗത്ത് കാലുറകളിന്മേൽ തടവിയാൽ മതിയാകുന്നതാണ്.
