தற்போதைய model (மாதிரி) பிரிவு :
பாடம் பயணம் மற்றும் சுத்தம்
இப்பாடத்தைப் பூர்த்தி செய்யுங்கள், மற்றுமொரு மணவனை count பண்ணுங்கள்:
ஊரில் தங்கியிருக்கும் போது மனிதனுக்குக் கிடைக்கும் அதிகமான வசதிகள், மற்றும் பொருட்கள் நெருக்கத்திலியே சிரமமின்றி பெற்றுக் கொள்ளல் போன்ற நிலைகள் பயணங்களில் மாறிவிடுகின்றன. நபி (ஸல்) அவர்கள் கூறியதாக அபூ ஹுரைரா(ரலி) அவர்கள் கூறினார்கள் :''பயணம் வேதனையில் ஒரு பகுதியாகும். அது ஒருவரின் உணவையும் பானத்தையும் உறக்கத்தையும் தடுத்து விடுகிறது. எனவே, ஒருவர் தம் தேவையை முடித்ததும் விரைந்து தம் குடும்பத்தாரிடம் செல்லட்டும்.'' (புஹாரி 1804, முஸ்லிம் 1927). பயணிகள் அவசியம் அறிந்து கொள்ள வேண்டிய சுத்தம் போன்றவற்றின் சட்டதிட்டங்களும் இதில் உள்ளடங்குகின்றன.
நிழல் பெறும் இடங்கள், மரங்கள், ஓய்வெடுக்கவென பாதையோரங்களில் நிர்மாணிக்கப்பட்டுள்ள இடங்கள் போன்ற மக்கள் அதிகமாக வந்து போகும் இடங்களில் இயற்கைத் தேவையை நிறைவேற்றி, அசுத்தப்படுத்துவது ஹராமாகும்.
பாலைவனம் போன்ற இடங்களில் இயற்கைத் தேவையை நிறைவேற்றும் போது சிறுநீர் படாமலும் அதன் துளிகள் தெளிக்காமலும் இருக்க நீர் உரிஞ்சக் கூடிய தளர்வான இடத்தைத் தேடுவது விரும்பத்தக்கது என அறிஞர்கள் கூறுகின்றனர். எனவே கடினமான நிலப்பகுதி, காற்று வீசும் திசை போன்றவற்றைத் தவிர்ந்து கொள்ள வேண்டும்.
இயற்கைத் தேவை நிறைவேற்றும் நிலையில் மறைவெடுத்துக் கொள்ளல்
அப்துல்லாஹ் பின் ஜஃபர் (ரலி) அவர்கள் நபியவர்களைப் பற்றிக் கூறும்போது : "நபி (ஸல்) அவர்கள் இயற்கைக் கடனை நிறைவேற்றச் செல்லும் மறைவிடங்களிலேயே மேடு அல்லது பேரீச்சந்தோட்டம் ஆகியனவே அவர்களுக்கு மிகவும் விருப்பமானவையாக இருந்தன" எனக் கூறுகின்றார். (முஸ்லிம் 342). இதனால்தான் அதிகமாக மறைவெடுத்துக் கொள்வதற்காக "நபியவர்கள் இயற்கைத் தேவை நிறைவேற்றும் போது தரைக்கு நெருங்கும் வரை ஆடையை உயர்த்த மாட்டார்கள்" என சில அறிவிப்புக்களில் இடம்பெற்றுள்ளது. (அபூதாவூத் 14, திர்மிதி 14).
தயம்மும் என்பது இரு கைகளாலும் மண்ணில் அடித்து, பின் அதனால் முகத்தைத் தடவி, பின் இடது கையால் வலது கை மணிக்கட்டு வரையும், பின் வலது கையால் இடது கை மணிக்கட்டு வரையும் தடவிக்கொள்ளல் ஆகும்.
பாதணிகள் மீது மஸ்ஹு செய்தல் என்பது : இரு கால்களையும் மூடக்கூடிய அமைப்பிலுள்ள பாதணிகள் அல்லது சாக்ஸ்களை அணிந்த நிலையில் வுழூ செய்யும் ஒருவர் தலையை மஸ்ஹு செய்த பின் பாதணிகளைக் கலற்ற வேண்டிய அவசியமில்லை, அதற்கு மேலால் கால்களின் மேற்பகுதியில் மஸ்ஹு செய்யலாம்.
