በእስልምና መልዕክት መላካቸው

የአሏህ መልዕክተኛ (ሰ.ዐ.ወ) ነብይነት መጀመሪያ የጀመረው በእውነተኛ ህልም ነው። በእንቅልፋቸው ህልም አያዩም እንደ ንጋት ጮራ (ብርሃን) ሆኖ የመጣ ቢሆን እንጅ። ይህ ከሆነ በኋላ ስድስት ወራት አለፉ፤ ከዚያም ወህዩ (ራዕ) መገለጥ ጀመረ።

ሚስጥራዊ ዳዕዋ (ጥሪ)

ነብዩ (ሰ.ዐ.ወ) ከመካ ሰዎች የጥላቻ ተቃውሞ እንዳይገጥማቸው በማሰብ ወደ እስልምና በሚስጥር መጥራት ጀመሩ። እናም ለእሳቸው ቅርብ ለሆኑ ለቤተሰቦቻቸው ፣ ለጓደኞቻቸው ፣ መልካም ነገር ላዩባቸው እና እውነትንና መልካም ነገርን ይወዳሉ ላሏቸው ሰዎች እስልምናን አስተዋውቀዋል።

እስልምናን የተቀበለው የመጀመሪያው ሰው

እስልምናን በመጀመሪያ ደረጃ የተቀበሉት ሚስታቸው ኸድጃ ቢንት ኽወይሊድ (ረ.ዐ) ፣ ጓደኛቸው አቡበክር ሲዲቅ (ረ.ዐ) እና የአጎታቸው ልጅ አሊ ቢን አቢጧሊብ እና ነፃ ያወጡት ዘይድ ቢን ሐሪስ (ረ.ዐ) ናቸው።

የአሏህ መልዕክተኛ (ሰ.ዐ.ወ) ጥሪያቸውን ይፋ ባወጡ ጊዜ የቁረይሽ መሪዎች በጥላቻ ፊታቸውን ዘኦሩባቸው። ተቃውሟቸውንም በፌዝ ፣ በስላቅ ፣ በንቀት እና በክህደት የሞራላቸውን ጥንካሬ ሊያዳክሙ ሞከሩ ፣ የእስልምና ሃይማኖት አስተምህሮት ሊያንቋሽሹ ፣ ጥርጣሬን ሊያጭሩ ፣ የውሸት ወሬ በመንዛት ጥሪውን አስተባበሉ። እናም ጥሪያቸውን ከተው ጥቅማጥቅሞችን እንደሚሰጧቸው በመንገር ሊደራደሯቸው ፈለጉ።

ከመካ ውጭ ያደረጉት ዳዕዋ

ነብዩ (ሰ.ዐ.ወ) ከመካ ውጭ እስልምናን ለሰዎች ማስተዋወቅ ጀመሩ። እናም ለዚሁ አላማ ወደ ጧኢፍ ሄዱ። ከጧኢፍ ነዋሪዎች ተቃውሞ በገጠማቸው ጊዜ ወደ መካ ተመልሰው ለተለያዩጎሳዎች እና ለሐጅ ለሄዱ ሰዎች እስልምናን ማስተዋወቅ ቀጠሉ።

ሁላቱ የአቀባ የአብሮነት ቃልኪዳን

ነብዩ (ሰ.ዐ.ወ) በተላኩ በአስራ አንደኛው አመት ላይ መዲና ብለው የሰየሟት የያነዋ ያስሪብ ከተማ ውስጥ ስድስት ሰዎችን አገኙ። እስልምናን አስተዋወቋቸው ፣ እውነቱን ገለፁላቸው ወደ አምልኮተ አሏህም ጠሯቸው። እናም ቁርአንን ካነበቡላቸው በኋላ እስልምናን ተቀበሉ። እነሱም ወደ መዲና ተመልሰው እስልምና በመካከላቸው እስኪስፋፋ ድረስ ህዝባቸውን ማስተማር ቀጠሉ። ከዚያ በአስራ ሁለተኛው አመት 1ኛ የአቀባ ቃልኪዳን ተፈፀመ። ሁለተኛው የአቀባ የአብሮነት ቃልኪዳን በ13ኛ አመት በሚስጥር ተፈፀመ።የአላህ መልእክተኛ (ሶ.ዐ.ወ) አብረዋቸው የነበሩትን ሙስሊሞች ሁሉ ወደ መዲና እንዲሰደዱ ባዘዙ ጊዜ በቡድን ሆነው ተጓዙ።

ወደ መዲና ከተሰደዱ በኋላ የእስልምና ህግጋት ልክ እንደ ዘካ ፣ ፆም ፣ ሐጅ ፣ ጅሃድ ፣ የሶላት ጥሪ ፣ በመልካም ማዘዝ እና ከክፉ ነገር መከልከል እና ሌሎች እስላማዊ ህግጋቶች መገለጣቸውን ቀጠሉ።

ከሒጅራ (ከስደቱ) በኋላ የተከሰቱ ወሳኝ ክስተቶች

ነብዩ (ሰ.ዐ.ወ) ወደ መዲና ከተሰደዱ በኋላ የተከሰቱ በጣም ወሳኝ ከስተቶች እንደሚከተለው እጥር ምጥን ባለመልኩ ቀርበዋል።

የሂጅራ የመጀመሪያው አመት

የሒጅራ ሁለተኛው አመት

የዘካ (ምፅዋት) ፣ ፆም እና አሏህ ለምዕመናን በቁረይሽ ከሃዲያን ላይ ድልን የተጎናፀፉበት ታላቁ የበድር ጦርነት የተደነገገበት ነው።

የሒጅራ ሶስተኛው አመት

የኡሁድ ጦርነት የተካሄደበት ጊዜ ሲሆን ቀስተኞች ምርኮ ለመሰብሰብ ብለው የነብዩ (ሰ.ዐ.ወ) ትዕዛዝ በመጣስ ከተራራው ወርደው ሽንፈትን ተከናንበዋል።

የሒጅራ አራተኛ አመት

የበኑ ነዲር አይሁዶች ከሙስሊሞች ጋር የነበራቸውን ስምምነት በመጣሳቸው ምክኒያት የአሏህ መልዕክተኛ (ሰ.ዐ.ወ) ያስወጧቸው መሆኑን ተከትሎ የበኑ ነዲር ጦርነት የተካሄደበት ነው።

የሒጅራ አምስተኛ አመት

የበኒ ሙስጦሊቅ ጦርነት ፣ የዐህዛብ ጦርነት እና የበኒ ቁረይዛ ጦርነት የተካሄደበት ጊዜ ነው።

የሁደይቢያ የሰላም ስምምነት በሙስሊሞች እና በቁረይሾች መካከል የጠካሄደበት ነው።

የሁደይቢያ የሰላም ስምምነት በሙስሊሞች እና በቁረይሾች መካከል የጠካሄደበት ነው።

የሒጅራ ሰባተኛው አመት

የኸይበር ጦርነት የተካሄደበት እና የዐሏህ መልዕክተኛ (ሰ.ዐ.ወ) እና ሙስሊሞች መካ ገብተው ኡምራ ቀዳ ያደረጉበት አመት ነው።

የሒጅራ ስምንተኛ አመት

በሙስሊሞች እና በሮሞች መካከል ሙዕጣህ ጦርነት የተካሄደበት ፣ መካን ድል ያደረጉበት እና በሐውዚን እና ሰቂፍ ጎሳዎች ላይ የሁነይን ጦርነት የተካሄደበት አመት ነው።

የሒጅራ ዘጠንኛው አመት

የተቡክ ጦርነት የመጨረሻው ጦርነት የተካሄደበት ነው። ይህዝብ እንደራሴዎች (ተወካዮች) ወደ ነብዩ (ሰ.ዐ.ወ) የመጡበት እና ብዙ ሰዎች በገፍ (በብዛት) ወደ አሏህ ሃይማኖት የገቡበት አመት ነው። ይህ አመት የእንደራሴዎች አመት ተብሎ ይጠራል።

የሂጅራ አስረኛው አመት

ሐጀተል ወዳዕ (የስንብት በሐጅ)አንድ መቶ ሽህ የሚበልጡ ሙስሊሞች ከነብዩ (ሰ.ዐ.ወ) ጋር ሐጅ ያደረጉበት አመት ነው።

በአስራ አንደኛው የስደት አመት በ12ኛው ረቢኡል አወል ወር ሰኞ ቀን የአሏህ መልዕክተኛ ይችን አለም ተለዩ።

ነብዩ (ሰ.ዐ.ወ) የሞቱት በስልሳ ሶስት አመታቸው ነው። አርባ አመት ነብይ ከመሆናቸው በፊት እና ሃያ ሶስት አመት አስራ ሶስቱን መካ ውስጥ እና አስሩን መዲና ውስጥ ነብይ እና መልዕክተኛ ሆነው ኖረዋል።

ትምህርቱን አጠናቅቀሃል