መግባት መግባት

ሎግ ኢን አላደረክም

መማር ለመጀመር፣ እድገትን ለመከታተል፣ ነጥቦችን ለመሰብሰብ እና ወደ ውድድር ለመግባት አሁኑኑ በታ ፕላትፎርም ይመዝገቡ፡ ከተመዘገቡ በኋላ ለሚማሯቸው ርዕሶች የኤሌክትሮኒክስ ሰርተፍኬት ይደርስዎታል።

መግባት

የአሁኑ ክፍል ::ሞዴል

ትምህርት ውርስ በኢስላም

አለትምህርቱ ማብራሪያ

በዚህ ትምህርት ውስጥ የውርስ ስርአት በእስልምና ውስጥ ያሉትን ገፅታዎች ትማራላችሁ።

ዓላማዎች

1 በእስልምና ውስጥ ከውርስ ጋር የተያያዙ የህግ ብያኔዎችን (ሁክሞችን) ታውቃላችሁ።2 የውርስ ምሰሶዎችን እና ቅድመ ሁኔታዎችን ታውቃላችሁ።3 ሊቃውንት ስምምነት ላይ የደረሱባቸው ወራሽ ወንዶች እና ሴቶች እነማን እንደሆኑ ትለያላችሁ።

533 ሌላ ተማሪ ይህን ትምህርት አጠናቀቀ

የዚህ ትምህርት ትርጉም በሚከተሉት ቋንቋዎች ይገኛል።

العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

ውርስ የሰው ልጆች በጥንት ጊዜም ሆነ በአሁኑ ጊዜ የተቀበሉት አለማቀፋዊ ስርአት ነው። ምክኒያቱም የገንዘብ ባለቤት ለመሆን ለሚወደው እና እሱን ለማግኘት ለሚመኘው የሰው ልጅ ተፈጥሮ ተስማሚ የሆነ እና የሟቹን ሰው ውርስ የመከፋፈል ችግር የሚቀርፍ ነው።

ከውርስ ጋር ተያያዥ የሆኑ የእስልምና ህግጋት የሚታወቁት የአውራሹ እና የወራሾቹ ሁኔታ እንዲሁም ድርሻቸውንከመመርመር ጋር የተያያዘ መሆኑ ነው። የእስልምና የውርስ ስርአት የተሟላ እና የሚደንቅ ስርአት ነው። የእስልምና የውርስ ስርአት ከሚያስገኛቸው ጥቅሞች መካከል አንዱ በወራሾች መካከል ጠብ እና ጥላቻን የሚያስቀር መሆኑ ነው። ምክኒያቱም ወራሾቹ ውርሱ በአሏህ ትዕዛዝ መሰረት እንደተከፋፈሉ ሲያውቁ ነፍሶቻቸው ይረጋጋሉ፤ በክፍልፋዩም ይረካሉና ነው። እንዲሁም የእስልምና የውርስ ስርአት ከሚያስገኛቸው ጥቅሞች መካከል የሁሉንም ወራሾች መብት የሚያስጠብቅ መሆኑ ነው። ከውርሱ አንድም ክፍልፋይ አይቀርባቸውም።

የውርስ ምሰሶዎች

1 አውራሽ

2 ወራሽ

3 ውርሱ

አውራሽ

አውራሽ ሟች ሰው ነው። ወይም ደግሞ ውርስ ትቶ የሞተ ሰው ነው።

ወራሽ

ከውርስ ምክኒያቶች በአንዱ ከአውራሹ ሰው መውረስ የሚገባው በህይወት ያለ ወይም በህይወት እንዳለ የታመነበት ሰው ነው።

ውርሱ

ይህ አውራሹ ሰው በውርስ መልኩ እንዲተላለፍ ትቶት የሄደው ገንዘብ ወይም ንብረት ነው።

የውርስ ቅድመ ሁኔታዎች

1 ውርሱን የሚሰጠው ሰው መሞት ወይም ለረዥም ጊዜ በመጥፋቱ ምክኒያት በህግ ደረጃ ሞቷል ተብሎ ብይን የተላለፈበት ሰው ነው።

2 አውራሹ በሚሞትበት ጊዜ ወራሹ በህይወት ያለ መሆን አለበት።___________________

3 አንድ ሰው ለውርስ የሚያበቁትን ምክኒያቶች ማወቅ አለበት። በለምሳሌ ዝምድና ፣ ጋብቻ ወይም ደግሞ ወላዕ (ህብረ ስምምነት) ናቸው።

ውርሱ የሚከፈልበት ቅደም ተከተል

1 ሟቹን ለመቅበር ማዘጋጀት

2 እዳውን መክፈል

3 ኑዛዜውን መፈፀም

4 ውርሱን ለወራሾቹ ማከፋፈል

በእስልምና ህግ ውስጥ ከውርስ ጋር ተያያዥ የሆኑ አህካሞች (ብያኔዎች)

1 ይህ ከአሏህ ነው። ስለ ፍጡራኖቹ የበለጠ ያውቃል፤ ለእነሱ የተሻለውን እና የሚስማማቸውንም ያውቃል። አሏህ እንዲህ አለ፡ "ሁሉን የፈጠረ አምላክ እሱ እውቀተ ረቂቁ ፣ ውስጥ አዋቂው ሲሆን ሚስጥርን ሁሉ አያውቅምን?" (ሱረቱል ሙልክ 14)

2 አውራሹ እንደፈለገው ውርሱን የማከፋፈል መብት አይሰጠውም። ምክኒያቱም በስሜቱ ተገፋፍቶ ሊሆን ይችላል። ወይም ደግሞ ልጓም በሌለው ጥልቅ ውዴታ ወይም ንዴት ላይ ወድቆ ሊሆን ስለሚችል ያለ በቂ ምክኒያት ውርሱ የሚገባቸው እንዳያጡ ወይም አንዱ በአንዱ ላይ አብልጦ እንዳይጎዳ የሚያደርግ መሆኑ ነው።

3 ሃብቱን የሚያከፋፍል እና በውርሱ ብዙ ሰዎች እንዲሳተፉበት እንጅ የጥቂት ሰዎች እጅ ላይ እንዳይከማች ማድረግ ያስፈልጋል።

4 ውርሱን ለቤተሰቡ እኩል በማካፈል የቤተሰቡን እና የአባላቱን አንድነት እና ጥምረት መጠበቅ አለበት።

5 እያንዳንዱ ወራሽ ከውርሱ የሚያገኘውን ድርሻ ለመወሰን ፍላጎቶቻቸውን ከግምት ውስጥ ማስገባት እና ማነፃፀር ያስፈልጋል። ሆኖም የሴት ልጅ ድርሻ የወንድ ልጁ ድርሻ ግማሽ ነው። ምክኒያቱም የኋለኛው ይበልጥ የገንዘብ ፍላጎቶች አሉበትና ነው። በእርግጥ የቤት ወጭዎችን የሚሸፍነው እሱ ነው።የእህቱ ወጭዎች የሚሸፈኑት በእሷ ሳይሆን ባሏ በሆነው ሰው ነውና።

6 የዝምድና ደረጃን ከግምት ውስጥ በማስገባት አንዳንድ ወራሾች ከሌሎቹ የተሻለ ምርጫ መስጠት ያስፈልጋል። በአውራሹ ሰው እና በወራሹ መካከል ባለው የጥቅም ግኑኝነት ምክኒያት ወንድ ከአያቱ ይልቅ አባቱ የቅድሚያ ቅድሚያ ያገኛል። እንዲሁም ሴት ከአያቷ ይልቅ እናቱ የቅድሚያ ቅድሚያ ታገኛለች።

7 ውርስ በእስልምና የህግ ስርአት ውስጥ ግዴታ ነው። አውራሹ ከወራሾቹ አንዱን ከመውረስ የመከልከል መብት የለውም።

ወንድ ወራሾች

ሊቃውንት የተስማሙባቸው ወንድ ወራሾች በቁጥር አስር ናቸው። እነሱም፡- ልጅ ፣ የልጅ ልጅ ፣ አባት ፣ የወንድ አያት እና ቅድመ አያት ፣ ወንድም ፣ የወንድም ልጅ ፣ የአባት አጎት ፣ የአባት አጎት ወንድ ልጅ ፣ ባል እና በሟቹ ነፃ የተደረገ አገልጋይ ወይም ባሪያ ናቸው።

ሴት ወራሾች

ከሴቶች መካከል ሊቃውንት የተስማሙባቸው ሰባት ሴት ወራሶች አሉ። እነሱም ሴት ልጅ ፣ የወንድ ልጅ ሴት ልጅ፣ እናት ፣ ፣ የሴት አያት ፣ እህት ፣ ሚስትእና በሟች ነፃ የተባለች ሴት ባሪያ ወይም አገልጋይ ናቸው።

ትምህርቱን አጠናቅቀሃል

ፈተና ጀምር

ቋንቋ መቀየር

መማርዎን ይቀጥሉ

Recently viewed

Recent Members

ትምህርቶች