தற்போதைய model (மாதிரி) பிரிவு :
பாடம் இஸ்லாத்தில் பாகப்பிரிவினை
பாகப்பிரிவினை என்பது பண்டைய, நவீன சமூகங்கள் கடைபிடித்த ஒரு சர்வதேச மானிட ஒழுங்காகும். ஏனெனில் இது மனிதனின் சொத்துடமையாக்குதல், அதற்காக முயற்சித்தல் போன்ற இயற்கை உணர்வுகளுடன் ஒத்துப்போகக் கூடிய ஒன்றாகும். அதேபோன்று ஒருவரின் உடமைகளை அவரது மரணத்திற்குப்பின் கையாளும் பிரச்சினையையும் தீர்த்து வைக்கின்றது.
வாரிசாக விட்டுச் செல்பவரின் நிலைகள், வாரிசுக்காரர்கள், அவர்கள் ஒவ்வொருவருக்கும் உரிய பங்குகள் அனைத்தையும் ஒருங்கிணைந்த,ஈர்க்கும் வகையில் விரிவாகக் கையாண்டிருப்பதன் மூலம் இஸ்லாத்தின் பாகப்பிரிவினை சட்டதிட்டங்கள் தனித்துவம் பெறுகின்றன. இந்த விரிவான சட்டங்களின் சிறப்பியல்புகளில் ஒன்றுதான், மரணித்தவரின் உறவினர்களிடையே ஏற்பட வாய்ப்புள்ள பிரச்சினைகளின் காரணங்களை நீக்குவதாகும். ஏனெனில் வாரிசுக்காரர்கள் தமக்கு அல்லாஹ் வகுத்துள்ள பங்கு நிச்சயம் கிடைக்கும் என அறிந்து கொண்டால் அமைதியடைந்து, அவனது பங்கீட்டு முறையைப் பொருந்திக் கொள்வார்கள். இதில் வாரிசுக் காரர்கள் அனைவரினது உரிமைகளும் பாதுகாக்கபடுகின்றன. தாம் விரும்புவோரைத் தடுப்பதற்கும், விரும்புவோருக்குக் கொடுப்பதற்கும் அவர்களுடைய அபிப்பிராய, ஆய்வுகளுக்கு உட்பட்ட விடயமாக இது விட்டுவிடப்பட மாட்டாது, ஏனெனில் இது மோதலுக்கும் பாகுபாட்டிற்கும் காரணமாக இருக்கும்.
பாகப்பிரிவினையின் தூண்கள்
இது அனந்தரமாகப் பெறப்படும் சொத்துக்களைவிட்டுவிட்டு மரணிப்பவரை, அல்லது மரணித்ததாகக் கருதப்படுபவரைக் குறிக்கின்றது.
இது மரணித்தவருடன் உள்ள ஏதாவதொரு தொடர்பு காரணமாக அவர் விட்டுச் செல்லும் சொத்துக்களில் பங்கு பெறத் தகுதியுள்ள, உயிருடன் இருப்பவர், அல்லது உயிருடனிருப்பதாகக் கருதப்படுபவரைக் குறிக்கின்றது.
இது மரணித்தவர் விட்டுச் செல்லும் சொத்து, உடமைகளைக் குறிக்கின்றது. இதற்கு அரபு மொழியில் "தரிகத்", "மீராஸ்", "இர்ஸ்" போன்ற சொற்பிரயோகங்கள் பயன்படுத்தப்படுகின்றன.
பாகப்பிரிவினையின் நிபந்தனைகள்
அனந்தரச் சொத்தை விநியோகிப்பதன் ஒழுங்குமுறை
இஸ்லாமிய ஷரீஅத்தில் பாகப்பிரிவினை ஒழுங்கின் தனித்துவங்கள்
ஆண் வாரிசுக்கள்
ஒருமித்த கருத்தின் பிரகாரம் ஆண்களில் வாரிசுக்காரர்களாக வர முடியுமானவர்கள் பத்து வகையினராகும். அவர்கள் : மகன், மகனின் மகன்- அவ்வாறே தொடர்ந்து சென்றாலும் சரி- தந்தை, தந்தையின் தந்தை- அவ்வாறே தொடர்ந்து சென்றாலும் சரி- சகோதரன், சகோதரனின் மகன். தந்தையின் சகோதரர், தந்தையின் சகோதரரின் மகன், கணவன், அடிமையை உரிமையிட்டவர் ஆகியோராகும்.
பெண்களில் வாரிசுக்காரர்கள்
ஒருமித்த கருத்தின் பிரகாரம் பெண்களில் வாரிசுக்காரர்களாக வர முடியுமானவர்கள் ஏழு வகையினராகும். அவர்கள் : மகள், மகனின் மகள்- அவ்வாறே தொடர்ந்தாலும் சரி- தாய், தாயின் தாய்- அவ்வாறே தொடர்ந்தாலும் சரி-, சகோதரி, மனைவி, அடிமையை உரிமையிட்டவர்.
