Umeshaingia

Jisajili sasa kwenye jukwaa la Taa ili uanze kujifunza, na fuatialia maendeleo yako, na kukusanya pointi, na uingie kwenye mashindano.Baada ya kujisajili, utapata cheti cha kielektroniki katika mada ambazo utajifunza.

Somo Kushuhudia ya kwamba hakuna mungu isipokuwa Mwenyezi Mungu

Uislamu ulizipa shahada mbili ambazo ni kusema kwamba: “Ninashuhudia kwamba hakuna mungu isipokuwa Mwenyezi Mungu, na ninashuhudia kwamba Muhammad ni Mtume wa Mwenyezi Mungu” cheo kikubwa na kitukufu zaidi. Katika somo hili, utajifunza maana ya kushuhudia kwamba, “Hakuna mungu isipokuwa Mwenyezi Mungu,” cheo chake na nguzo zake.

Kujua maana ya kushuhuda kwamba hakuna mungu isipokuwa Mwenyezi Mungu.
Kujua cheo cha kushuhuda kwamba hakuna mungu isipokuwa Mwenyezi Mungu.
Kuzijua nguzo za kushuhuda kwamba hakuna mungu isipokuwa Mwenyezi Mungu.

:idadi wanafunzi wengine walimaliza somo hili

Tajrama ya somo hili inapatikana katika lugha zifuatazo:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Uislamu ulilipa neno la Tauhid, yaani “Hakuna mungu isipokuwa Mwenyezi Mungu" cheo kikubwa zaidi na kitukufu zaidi.

Cheo cha "Laa ilaaha illallah (Hakuna mungu isipokuwa Mwenyezi Mungu)

Neno hili ndiyo wajibu wa kwanza kwa Muislamu. Kwa hivyo, anayetaka kuingia katika Uislamu, ni lazima aliamini na kulitamka.

Atakayelisema akiwa na yakini nalo, akitaka kwa hilo uso wa Mwenyezi Mungu, litakuwa ni sababu ya kuokoka kwake kutokana na Moto. Kama alivyosema Nabii, rehema na amani za Mwenyezi Mungu ziwe juu yake; “Kwa kweli, Mwenyezi Mungu alimharamishia Moto mwenye kusema, 'hakuna mungu isipokuwa Mwenyezi Mungu,' akitaka kwa hilo uso wa Mwenyezi Mungu.” (Al-Bukhari 425, na Muslim 33)

Yeyote anayekufa akiwa na neno hili, akiliamini, basi yeye ni miongoni mwa watu wa Peponi. Kama alivyosema Nabii, rehema na amani za Mwenyezi Mungu ziwe juu yake, “Mwenye kufa hali ya kuwa anajua kwamba hakuna mungu isipokuwa Mwenyezi Mungu, ataingia Peponi.” (Ahmad 464)

Na kwa sababu ya hilo, kushuhudia kuwa, "Hakuna mungu isipokuwa Mwenyezi Mungu," ndiyo wajibu mkuu zaidi na muhimu zaidi.

Maana ya Laa ilaha illa Allah "Hakuna mungu isipokuwa Mwenyezi Mungu"

Inamaanisha kwamba hakuna mwabudiwa wa haki isipokuwa Mwenyezi Mungu peke yake. Na hilo ni kukataa uungu kwa kila kisichokuwa Mwenyezi Mungu, aliyetakasika, Mtukufu, na kumthibitishia hilo Mwenyezi Mungu peke yake, asiyekuwa na mshirika.

Neno 'mungu' linamaanisha mwabudiwa ambaye nyoyo zinamnyenyekea zikimtukuza, kumuomba, kumwogopa, na kumtaraji. Kwa hivyo, atakayenyenyekea kitu, akakidhalilikia, akakipenda na akakitaraji, basi hakika atakuwa amekichukulia kuwa ni mungu na mwabudiwa. Na waabudiwa hao wote ni batili isipokuwa mungu mmoja tu. Naye ni Mola Mlezi, Muumbaji, aliyetakasika, Mtukufu.

Yeye aliyetakasika, Mtukufu, ndiye anayestahiki kuabudiwa na si mwingine. Naye ndiye ambaye nyoyo zinamuabudu kwa upendo, heshima, kumtukuza, kujidhalilisha, kumnyenyekea, kumhofu, kumtegemea, na kumuomba dua. Basi hapaswi kuombwa yeyote isipokuwa Mwenyezi Mungu, na wala hauombwi msaada isipokuwa kwake, wala hategemewi isipokuwa Yeye tu, wala haiswaliwi swala isipokuwa kwa ajili yake tu, wala hakichinjwi chochote isipokuwa kwa ajili yake tu. Kwa hivyo, ni wajibu kumuabudu Yeye aliyetakasika, Mtukufu kwa ikhlasi. Kama alivyosema Mtukufu, "Na hawakuamrishwa isipokuwa kwamba wamwabudu Mwenyezi Mungu kwa kumtakasia Yeye Dini." (Al-Bayyinah: 4)

Na mwenye kumuabudu Mwenyezi Mungu Mtukufu kwa ikhlasi, akihakikisha maana ya "hakuna mungu isipokuwa Mwenyezi Mungu," atapata furaha kubwa, na kufungukiwa, na maisha matukufu na mema. Kwani, nyoyo hazina utulivu wa kweli, wala kutua na kupata raha ya kiakili isipokuwa kwa kumfanyia Mwenyezi Mungu Mtukufu peke yake ibada. Kama alivyosema Yeye Mtukufu, "Mwenye kufanya mema, naye ni mwanamume au mwanamke, hali ya kuwa ni Muumini, basi tutamhuisha maisha mema." (An-Nahl: 97).

Nguzo za Laa ilaaha illa Lllah (hakuna mungu isipokuwa Mwenyezi Mungu)

Nguzo ya kwanza ni "hapana mungu." Nayo ni kukataa kuabudu asiyekuwa Mwenyezi Mungu Mtukufu, na kubatilisha ushirikina, kukufuru kila kitu kinachoabudiwa badala ya Mwenyezi Mungu, sawa kiwe ni mwanadamu, mnyama, sanamu, nyota au chochote kile.

Nguzo ya pili ni "isipokuwa Mwenyezi Mungu." Nayo ni kumthibitishia Mwenyezi Mungu peke yake ibada, na kumpwekesha Yeye aliyetakasika kwa kila aina ya ibada, kama vile swala, dua na kumtegemea.

Na kila aina ya ibada inapaswa kufanywa kwa ajili ya Mwenyezi Mungu peke yake, ambaye hana mshirika. Kwa hivyo, mwenye kumfanyia asiyekuwa Mwenyezi Mungu kitu, basi atakuwa amemshirikisha Mwenyezi Mungu. Kama alivyosema Yeye Mtukufu; "Na anayemuomba pamoja na Mwenyezi Mungu, mungu mwinginewe; hana ushahidi wa hili, basi bila ya shaka hesabu yake iko kwa Mola wake Mlezi. Kwa hakika, makafiri hawafanikiwi." (Al-Mu’minun: 117)

Maana ya "hapana mungu isipokuwa Mwenyezi Mungu" na nguzo zake ilikuja katika kauli yake Mola Mtukufu, "Basi anayemkufuru Taghut, na akamuamini Mwenyezi Mungu, bila ya shaka amekamata kishikio madhubuti, kisichovunjika." (Al-Baqara: 256) Kwa hivyo, kauli yake, "Basi anayemkufuru Taghut," ndiyo maana ya nguzo ya kwanza "hakuna mungu." Na kauli yake, "na akamuamini Mwenyezi Mungu" ndiyo maana ya nguzo ya pili, "isipokuwa Mwenyezi Mungu."

Umemaliza somo kwa ufanisi

Anza mtihani

Badilisha lugha

Endelea kujifunza

Recently viewed

Recent Members

Masomo