Ang kasalukuyang seksyon:
Ang aralin Ang pagsasaksi na walang Diyos -na may karapatan sambahin- mailban sa Allah
Ibang estudyante ay nakumpleto ang aralin na ito
Nagtakda ang Islam para sa Salita ng Kaisahan na laa ilaaha illa Allah -walang diyos na may karapatan sambahin maliban sa Allah- ng pinakadakila na katayuan at pinakamarangal nito
Ang katayuan ng La ilaaha illa Allah (Walang Diyos -na karapat-dapat sambahin- maliban sa Allah)
At dahil doon! katotohanang ang pagsasaksi na walang Diyos -na karapat-dapat sambahin- maliban sa Allah ay siyang pinakadakila at pinakamahalaga sa mga obligasyon.
Ang kahulugan ng La ilaaha illa Allah (Walang diyos -na karapat-dapat sambahin- maliban sa Allah)
At ang Diyos: Ang ibig sabihin nito ay ang sinasamba na siyang pinagkukumbabaan ng mga puso, samakatuwid ay dinadakila niya ito, dinadalanginan, kinatatakutan at inaasam-asam, kaya ang sinumang nagpakumbaba sa isang bagay at nagpaka-aba dito at minahal ito at inasam, sa gayon tunay na itinuring niya itong isang diyos at sinasamba, at ang lahat ng mga sinasamba na iyon ay walang kabuluhan maliban sa isang Diyos, at ito ay ang Panginoon, ang Tagapaglikha na Tigib ng Biyaya at Kataas-taasan.
Samakatuwid Siya na Tigib ng Kaluwalhatian at Kataas-taasan ang karapat-dapat sa pagsamba walang iba bukod sa Kanya, at Siya ang sinasamba ng mga puso bilang pagmamahal, pagpipitagan at pagdakila, at bilang pagkaaba, pagpapakumbaba, pagkatakot at pag-aasa sa Kanya, at pagpapanalangin sa Kanya, kaya walang dinadalanginan maliban sa Allah, at walang hinihingan ng saklolo maliban sa Kanya, at walang inaasahan kundi Siya, at walang iniaalay na pagdarasal maliban para sa Kanya, at walang kinakatay na hayop bilang sakripisyo kundi para sa Kanya, kaya kinakailangang iukol ang katapatan ng pagsamba para sa Kanya lamang na Tigib ng Kaluwalhatian at Kataas-taasan. Batay sa sinabi ng Kataas-taasan: {At walang ipinag-utos sa kanila kundi upang sumamba sa Allah ng buong katapatan sa Kanya sa pananampalataya}. (Al-Bayyinah: 04)
At sinuman ang sumamba sa Allah na Kataas-taasan ng may katapatan sa Kanya, nagpapatotoo sa kahulugan ng La ilaaha illallah (Walang Diyos -na karapat-dapat sambahin- maliban sa Allah), sa gayon magtatamasa siya ng dakilang kaligayahan, kaluwagan, kasiyahan at marangal na buhay na masagana, samakatuwid ang mga puso ay walang totoong katahimikan, ni kapanatagan at kapayapaan ng isip maliban sa pagbubukod-tangi sa Allah na Kataas-taasan sa pagsamba. Batay sa sinabi ng Kataas-taasan: {Ang sinumang gumawa ng matuwid maging lalaki man o babae habang siya ay mananampalataya, sa gayon pagkakalooban Namin siya ng magandang buhay}. (An-Nahl: 97)
