தற்போதைய model (மாதிரி) பிரிவு :
பாடம் ஏகத்துவ சாட்சி
இப்பாடத்தைப் பூர்த்தி செய்யுங்கள், மற்றுமொரு மணவனை count பண்ணுங்கள்:
லாஇலாஹ இல்லல்லாஹு (உண்மையாக வணங்கப்படத் தகுதியானவன் அல்லாஹ்வைத் தவிர யாருமில்லை) எனும் ஏகத்துவ வார்த்தைக்கு இஸ்லாம் பாரிய இடத்தை வைத்துள்ளது.
லாஇலாஹ இல்லல்லாஹ்வின் மகத்துவம்
இதனால்தான் லாஇலாஹ இல்லல்லாஹ் எனும் வார்த்தை அறிவது அனைத்துக் கடமைகளிலும் மகத்தானதும், மிக முக்கியமானதுமாகும்.
லாஇலாஹ இல்லல்லாஹ்வின் அர்த்தம்
இக்கலிமாவிலுள்ள இலாஹ் எனும் வார்த்தை உள்ளங்கள் கட்டுப்படக்கூடிய வணங்கப்படுபவன் என்ற அர்த்தத்தை உள்ளடக்குகின்றது. எனவே அவனை கண்ணியப்படுத்தி, அவனையே அழைத்து, அவனையே அஞ்சி, அவனிடமே ஆதரவும் வைக்க வேண்டும், அவனன்றி வேறொன்றுக்குக் கட்டுப்பட்டு, பணிந்து, நேசித்து ஆதரவும் வைத்தால் அப்பொருளை வணங்கப்படும் இறைவனாக எடுத்துக் கொண்டதாகி விடும் . ஒரேயொரு இறைவனைத் தவிர வணங்கப்படும் ஏனைய அனைத்தும் பொய்யானதாகும். அவன்தான் படைத்துப் பரிபாலிக்கும் உயர்ந்தவனாகிய அல்லாஹ்வாகும்.
அவன் மாத்திரமே வணக்கத்திற்குத் தகுதியானவன். வேறு யாருக்கும் அத்தகுதி அறவே கிடையாது. நேசம், கண்ணியப் படுத்தல், மகத்துவப்படுத்தல், பணிதல், தாழ்தல், அஞ்சுதல், பொறுப்புச் சாட்டுதல், பிரார்த்தித்தல் போன்ற அனைத்து வணக்கங்கள் மூலமும் உள்ளங்கள் அவனையே வணங்குகின்றன. எனவே அல்லாஹ்வின்றி யாரும் அழைக்கப்படலாகாது. அவனிடமே பாதுகாப்புத் தேடப்பட வேண்டும், அவனிடமே பொறுப்புச் சாட்டப்பட வேண்டும், அனுக்காகவே தொழுகை நிறைவேற்றப்பட வேண்டும், அவனிடம் நெருங்குவதற்காகவே அறுத்துப் பலியிடப்படல் வேண்டும். வணக்கங்களை முழுமையாக அவனுக்கு மாத்திரம் நிறைவேற்றுவது அவசியமாகும். அல்லாஹ் கூறுகின்றான் : "நேரிய வழிநின்று கலப்பற்றவர்களாக அவனுக்கே கட்டுப்பட்டு அல்லா்ஹ்வை வணங்குமாறே தவிர அவர்கள் ஏவப்படவில்லை". (அல்பய்யினா : 5)
லாஇலாஹ இல்லல்லாஹு எனும் வார்த்தையை சரியாக உண்மைப்படுத்தி, உளத்தூய்மையுடன் அல்லாஹ்வை வணங்குபவர் பாரிய ஈடேற்றத்தையும், மன அமைதியையும், மகிழ்ச்சியையும், நல்லதொரு வாழ்வையும் அடைந்து கொள்வார். வணக்க வழிபாடுகளில் அல்லாஹ்வை ஒருமைப்படுத்துவதன் மூலமன்றி உள்ளத்திற்கு உண்மையான மன அமைதியோ, நிம்மதியோ கிடைக்க மாட்டாது.
