لمونځ دا مهال برخه
درس د مسافر او مریض لمونځ:
مونځ په هر مسلمان باندې واجب دې په هر حالت کې،تر څو پورې چې د هغه عقل کار کوي،البته اسلام د خلکو د احوالو او ضرورت خیال ساتلی،مثلا د مرض او سفر حالت
د سفر په حالت کې د مسافر لپاره یا کوم ځاي کې چې د څلورو ورځو نه کم اقامت کوي،جایز دي چې د څلور رکعته په ځاي دوه رکعته قصر مونځ وکړي،نو د ماسپښين،مازیګر،ماښوستن مونځ به دوه دوه رکعته کوي،د څلور رکعته په ځای باندې،البته که د مقیم امام په اقتدا کې يې کوي نو د هغه متابعت واجب دی،نو څلور رکعته به کوي
د مسافر لپاره جایز دي چې سنن رواتب پریږدي،البته د سحر دوه رکعته سنت به نه ترک کوي،او د وتر او تهجدو د مونځ پابندي به کوي.
د مسافر لپاره جایز ده چې د ماسپښین او مازیګر مونځ یو ځاي جمع کړي،او د ماښام او ماښوستن،د یو مونځ په وخت کې،خصوصا کله چې هغه په سفر روان دی،دا د الله له طرفه اساني او رحمت دی،او د مشقت ختمول دي.
کوم مریض چې مونځ په ولاړه نشي کولی د هغه څخه قیام ساقط دی،یا دا چې ودریدل ورته مشقت دی،یا د علاج د تاخیر سبب ګرځي،نو په ناسته به مونځ کوي،که په ناسته یې نشو کولی نو په جانب،رسول الله فرمايي:په ولاړه مونځ وکړه،که نشې کولی،نو په ناسته،که دا هم قدرت نلرې،نو په یو جانب.
