kutaan ammaa model
Barnoota Mata dureen salaataa nama dhukkubuufii karaa deemuu.
haala hunda keessatti waan sammuun fayyaa qabaattee ufbeekeen salaanni muslimarratti diqama. garuu islaamummaan haalaafii rakkoo namaa ilaalcha keessa galcha. san keessaa haala dhukkubsataatiifii kara deemaati.
kara deemaan yeroo deemsarra jiruufii yeroo boqonnaa xiqqoof guyyaa afuurii gadiitiif qubate salaata raka'aa afurii lamatti gabaabsuun hayyamameef. zuhrii asriifii ishaa'ii bakka raka'aa afurii lamalama salaata. amoo yoo imaama karaa hindeemnetti hidhate guuteetuma afur salaata.
kara deemaan sunnaalee fardii jalaa nidhiisa tan salaata fajrii malee. salaata halkanii witrii ammoo irratti tiiyfama (hindhiisu).
kara deemaan zuhriif asrii akkasuma magriibaaf ishaa'ii yeroo takkoo isaan lameeniitti walitti qabuu nidandaya. keeysaawuu yeroo deemsarra jiru yoo tahe. kuni laaffisiinsaafii rahmata Rabbirraa taheedha.
dhukkubsataan yoo dhaabbatee salaatuu dadhabe yookaa itti ulfaate yookaa dhukkuba isarra tursiise taa'eeti salaata. yoo hindandayin cinaacharratti ciisee salaata. Nabiin s.a.w. akki jedhe "dhaabbadhuu salaati, yoo hindandayin taaii salaati, yoo hin dandayin cinaacharratti ciisii salaati" bukhaarii 1117.
