Ɓangaren yanzu model
Darasi Sallar mara lafiya da na matafiyi
Sallah wajibi ne akan kowana musulmi a cikin kowana yanayi muddin yana cikin hankalinshi kuma ya san abunda yakeyi, sai dai musulunci addini ne mai la'akari da yanayin mutane da bukatunsu, daga cikin hakan akwai yanayin rashin lafiya da kuma tafiya.
An sunnantawa matafiyi yayin kai komonshi ko yayin zamanshi na wani lokaci wanda ya kasa kwanaki huɗu da ya taƙaita salloli masu raka'ah hurhuɗu zuwa raka'a biyu. sai ya sallaci azahar da la'asar, da isha raka'a bibbiyu maimakon raka'a hurhuɗu sai dai idan ya sallace su tare da limami mazauni to anan zaiyi koyi da shi cikin sallarshi sai ya sallace su raka'a hurhuɗu kaman shi.
An shar'anta wa matafiyi barin sunnoni ratibai sai dai na sallar asubahi, kuma an shar'anta mishi kiyaye sallar witiri da tsayuwar dare.
Ya halatta a gare shi da ya haɗa tsakanin sallar azahar da ta la'asar da kuma tsakanin Magariba da isha'i a cikin lokacin ɗaya daga cikin su. musamman idan hakan ya kasance a yayin da yake zirga-zirga ne a cikin tafiyarshi, wannan kuma sauƙi ne daga wurin Allah da rahama da kuma yaye ƙunci.
Tsayuwa na faɗuwa akan mara lafiyan da ba zai iya tsayuwa ba, ko tsayuwar zata ba shi wahala ko kuma zata iya jinkirta samun lafiyarshi, sai yayi sallah a zaune, idan kuma ba zai iya ba, to yayi a bisa gefenshi, Manzon Allah tsira da amincin Allah su tabbata a gare shi yace: "Kayi sallah a tsaye, idan ba za ka iya ba to kayi ta a zaune, idan kuma ba zaka iya ba to kayi ta a bisa gefenka" (Bukhari: 1117).
