Ang kasalukuyang seksyon:
Ang aralin Ang Salah ng isang manlalakbay at may karamdaman
Ang Salah ay ubligado sa isang Muslim sa lahat ng kanyang kalagayan hangga't umiiral ang kanyang isipan at kamalayan, gayunpaman isinasaalang-alang ng Islam ang bagay na kung saan ay nagkakaiba rito ang mga kalagayan ng mga tao at kanilang mga pangangailangan, at nabibilang doon ang kalagayan ng may karamdaman at ang manlalakbay.
Nakabubuti para sa isang manlalakbay habang nasa kalagayan ng kanyang paglipat o pansamantalang pagtigil nang hindi bababa sa apat na araw na paikliin ang Salah na binubuo ng apat na Rak'ah sa dalawang Rak'ah. Kaya magsasagawa siya ng Salat Ad-Dhuhr, Asr at `Isha' ng dalawang Rak'ah sa bawa't isa kapalit ng apat na Rak'ah maliban kung isasagawa niya ito na kasama ang Imam na nakadestino, sa gayon kailangan niyang sumunod sa Salah niya at magsagawa siya ng Salah na apat na Rak'ah na katulad niya.
Itinatagubilin sa isang manlalakbay na iwan ang mga As-Sunan Al-Ratibah (Kusang-loob na pagdarasal na magkakasunod) maliban sa Sunnah ng Fajr. at itinatagubilin sa kanya ang pagpapanatili sa pagdarasal ng wit'r at qiyamu-llayl (pagdarasal sa gabi).
Pinahihintulutan siyang pag-isahin ang Dhuhr at Asr, ang Maghrib at `Isha' sa oras ng isa sa dalawa, lalo na kung iyon ay nasa kalagayan ng kanyang paglipat at paglalakbay, bilang pagpapagaan, habag at pag-aalis ng pahirap.
Mawawala ang pagka-ubligado ng pagtayo sa Salah para sa isang may karamdaman na hindi kayang tumayo, o ang pagtayo ay nagpapahirap sa kanya, o nagpapabagal sa kanyang paggamot. At siya ay magsasagawa ng Salah na nakaupo, at kung hindi niya kaya ay tumagilid siya. Sinabi niya, sumakanya ang pagpapala ng Allah at kapayapaan: "Magsagawa ka ng Salah na nakatayo, at kung hindi mo kaya ay umupo, at kung hindi mo pa rin kaya ay tumagilid." (Al-Bukhari: 1066).
