Umeshaingia

Jisajili sasa kwenye jukwaa la Taa ili uanze kujifunza, na fuatialia maendeleo yako, na kukusanya pointi, na uingie kwenye mashindano.Baada ya kujisajili, utapata cheti cha kielektroniki katika mada ambazo utajifunza.

Somo Hukumu na adabu za kusoma Qur-ani Tukufu

Qur-an Tukufu ni maneno ya Mwenyezi Mungu Mtukufu, na ni haki kwa wale wanaoisoma kujua hukumu na adabu zake.

Kujifunza kuhusu hukumu na adabu za kusoma Qur-ani Tukufu.

:idadi wanafunzi wengine walimaliza somo hili

Tajrama ya somo hili inapatikana katika lugha zifuatazo:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Adabu za kusoma Qur-ani Tukufu

Kusoma Qur'ani kuna adabu zinazopaswa kuzingatiwa ili usomaji huo ukubalike na mtu aweze kupata thawabu kwa hilo. Baadhi ya adabu hizo huwa kabla ya kusoma, na baadhi yake huwa wakati wa kusoma.

Hukumu ya kuhifadhi Qur-ani

Kuihifadhi Qur-ani yote moyoni ni wajibu wa kutoshelezana juu ya Umma kwa mujibu wa makubaliano ya wanazuoni. Kwa hivyo, wakifanya hivyo wanaoweza kutosheleza miongoni mwa Waislamu, basi dhambi inawaondokea wengineo.

Lakini, kila Muislamu analazimika kuhifadhi katika Qur-ani kile ambacho kwacho Swala yake itakuwa sahihi, ambacho ni Al-Fatiha.

Inapendekezwa kwa Muislamu kuhifadhi kile kilicho rahisi kwake katika Qur-ani na kuendelea kukizidisha, kwani kuna fadhila kubwa na malipo makubwa katika kuhifadhi Qur-ani Tukufu.

Imesimuliwa kutoka kwa Aisha, radhi za Mwenyezi Mungu ziwe juu yake, kuwa: Nabii, rehema na amani za Mwenyezi Mungu zimshukie, alisema, "Mfano wa yule anayeisoma Qur-ani na akaihifadhi kwa moyo, atakuwa pamoja na malaika waandishi, watukufu." (Bukhari 4937)

Hukumu ya kusoma Qur-ani Tukufu

Inapendekezwa kwa Muislamu kuisoma Qur-ani Tukufu, na azidishe kufanya hivyo namna awezavyo. Mwenyezi Mungu Mtukufu amesema: "Hakika wale wanaosoma Kitabu cha Mwenyezi Mungu, na wakashika Swala, na wakatoa kwa siri na kwa dhahiri katika tulivyowaruzuku, hao hutaraji biashara isiyobwaga." [Fatir 29]

Hukumu ya kunyamaza na kusikiliza Qur-ani inaposomwa

Inamlazimu Muislamu asikilize na anyamaze Qur-ani inaposomwa ikiwa ni katika swala ya lazima na katika hotuba ya Ijumaa kwa mujibu wa kauli yake Mwenyezi Mungu Mtukufu: "Na isomwapo Qur-ani, isikilizeni na mnyamaze ili mpate kurehemewa." (Al-A'raf: 204)

Na inapendekezwa kusikiliza na kunyamaza Qur-ani inaposomwa katika hali zisizokuwa hizi. Kwa sababu ya hilo, kuna kuyafanyia adabu nzuri na kuyaheshimu maneno ya Mwenyezi Mungu Mtukufu.

Hukumu ya kuifanyia kazi Qur-ani Tukufu

Inamlazimu kila mmoja kuiamini Qur-ani Tukufu, na kuzifanyia kazi hukumu zake kwa kuhalalisha halali zake, kuharamisha haramu zake, kusimamia kwenye makatazo yake na kutekeleza maamrisho yake.

Mwenyezi Mungu Mtukufu amesema: "Wale tuliowapa Kitabu, wanakisoma kama ipasavyo kusomwa." (Al-Baqara: 121) Ibn Mas'ud na Ibn Abbas, Mwenyezi Mungu awe radhi nao, walisema: Wanaihalalisha halali yake na wanaiharamisha haramu yake, na wala hawaipotoshi nje ya maana zake. (Tafsir Ibn Kathir 403/1)

Imesimuliwa kutoka kwa Abdullah bin Masud, Mwenyezi Mungu amridhie, kuwa alisema: "Tulikuwa tunaposoma aya kumi za Qur-ani kutoka kwa Nabii, rehema na amani za Mwenyezi Mungu ziwe juu yake, hatukuwa tukijifunza aya kumi zilizoshuka baada yake mpaka tujue kilichomo ndani ya zile za kwanza." (Al-Hakim 2047)

Kuendelea kuisoma Qur-ani na kutoihama

Muislamu anapaswa kuisoma Qur-ani mara kwa mara, na hafai kumaliza siku nzima bila ya kusoma kitu katika Qur-ani ili asiisahau wala asiihame. Mwenyezi Mungu Mtukufu amesema: "Na Mtume alikuwa akisema: Ewe Mola wangu Mlezi! Hakika watu wangu wameifanya hii Qur-ani ni kihame." [Al-Furqan: 30]

Imesimuliwa kutoka kwa Abu Musa kutoka kwa Nabii, rehema na amani za Mwenyezi Mungu zimshukie, kuwa alisema, "Endeleeni kuisoma Qur-ani; kwa kuwa, ninaapa kwa Yeye ambaye nafsi yangu iko katika mkono wake! Hiyo (Qur-ani) hutoka (husahaulika) haraka zaidi kuliko ngamia ambao wamefunguliwa kutoka kwenye kamba zao." (Bukhari 5033)

Adabu za kabla ya kusoma Qur-ani Tukufu:

Kumkusudia Mwenyezi Mungu tu katika kuisoma; ili mtu apate radhi za Mwenyezi Mungu na thawabu zake. Mwenyezi Mungu Mtukufu amesema: "Nao hawakuamrishwa kitu ila wamuabudu Mwenyezi Mungu kwa kumtakasia Dini." [Al-Bayanah: 5] Adabu hii, kama inavyokuwa kabla ya kusoma Qur-ani, pia inakuwa wakati wa kuisoma.

Kujisafisha kutokana na hadathi mbili: kubwa na ndogo. Mwenyezi Mungu Mtukufu amesema: "Hapana akigusaye ila waliotakaswa." [Al-Haqqa: 79]

Kupiga mswaki ili mdomo wake uwe mzuri; kwa sababu hiyo ndiyo njia ya Qur-ani. Imesimuliwa kutoka kwa Hudhaifa, radhi za Mwenyezi Mungu ziwe juu yake, kuwa: Nabii, rehema na amani za Mwenyezi Mungu ziwe juu yake, alikuwa anaposimama usiku kwa ajili ya swala ya Tahajjud, anapiga mdomo wake mswaki." (Al-Bukhari 1136 na Muslim 255)

Kuelekea Qibla wakati wa kuisoma; kwa sababu upande huo ndio mtukufu zaidi. Imesimuliwa kutoka kwa Abu Huraira, Mwenyezi Mungu amuwiye radhi, kuwa alisema: Mtume wa Mwenyezi Mungu rehema na amani za Mwenyezi Mungu ziwe juu yake alisema: “Hakika, kila kitu kina bwana wake. Na bwana wa kukaa kwote ni kuelekea Qibla.” (Twabarani, 2354 na ina msururu mzuri wa wasimulizi)

Kujikinga kwa Mwenyezi Mungu: Amesema Mwenyezi Mungu Mtukufu: "Na ukisoma Qur-ani mwombe Mwenyezi Mungu akulinde na Shetani aliyelaaniwa." [An-Nahl: 98]

Kusoma, "Kwa jina la Mwenyezi Mungu, Mwingi wa rehema, Mwingi wa kurehemu" anapoanzia kusoma mwanzo wa sura. Imesimuliwa kutoka kwa Anas, Mwenyezi Mungu amridhie kuwa: Siku moja, Mtume wa Mwenyezi Mungu, rehema na amani za Mwenyezi Mungu ziwe juu yake, alikuwa ameketi miongoni mwetu. Na tazama! Alilala usingizi mfupi, kisha akainua kichwa chake hali ya kuwa anatabasamu. Tukasema, "Ni kitu gani kinakufanya kutabasamu, ewe Mtume wa Mwenyezi Mungu?" Akasema, "Ni Sura ambayo imeteremshwa juu yangu muda mfupi uliopita." Kisha akasoma, "Kwa jina la Mwenyezi Mungu, Mwingi wa rehema, Mwenye kurehemu. Hakika, tumekupa Al-Kawthar. Basi sali na uchinje kwa ajili ya Mola wako Mlezi. Hakika, anayekuchukia ndiye aliye mpungufu zaidi." (Al-Kawthar 2), (Muslim 400)

Adabu za wakati wa kusoma Qur-ani Tukufu

Kuisoma Qur-ani vyema na polepole. Mwenyezi Mungu Mtukufu anasema, "Na soma Qur-ani kwa utaratibu na utungo." (Al-Muzzammil: 4)

Kusoma Qur-ani kwa Tajwid. Anas, Mwenyezi Mungu amridhie, aliulizwa, "Kilikuwaje kisomo (cha Qur-ani) cha Nabii, rehema na amani za Mwenyezi Mungu zimshukie?" Akajibu,"Kilikuwa cha kuvuta." Kisha akasoma, "Kwa Jina la Mwenyezi Mungu, Mwingi wa Rehema Mwenye Kurehemu." Akavuta "Kwa Jina La Mwenyezi Mungu," na akavuta "Mwingi Wa Rehema," na akavuta "Mwenye Kurehemu." (Bukhari, 5046)

Kusoma kwa sauti nzuri. Imesimuliwa kutoka kwa Al-Baraa bin 'Aazib, Mwenyezi Mungu amridhie, kuwa alisema: Mtume wa Mwenyezi Mungu, rehema na amani za Mwenyezi Mungu ziwe juu yake, alisema: “Ipambeni Qur-ani kwa sauti zenu." (Abu Dawud 1468)

Kumuomba Mwenyezi Mungu rehema zake anaposoma aya ya rehema, na kujikinga kwa Mwenyezi Mungu anaposoma aya ya adhabu, na kumtakasa anaposoma aya ya kumtakasa. Katika Hadithi ya Hudhaifa na kuswali kwake pamoja na Mtume wa Mwenyezi Mungu, rehema na amani za Mwenyezi Mungu ziwe juu yake, alisema: "Kisha akaanza kusoma Al-Imran na akaisoma polepole. Akipita kwenye aya ya kumtakasa Mwenyezi Mungu, anamtakasa na akipita kwenye swali, anauliza na akipita kwenye kujikinga kwa Mwenyezi Mungu, anajikinga kwake." (Muslam 772)

Inapendekezwa kwamba asujudu anaposoma aya ambayo ndani yake kuna kusujudu. Imesimuliwa kutoka kwa Aisha, Mwenyezi Mungu amridhie, kuwa alisema: Mtume wa Mwenyezi Mungu, rehema na amani za Mwenyezi Mungu ziwe juu yake, alikuwa akisema mara kwa mara anaposoma aya yenye amri ya kusujudu akisema: "Umesujudu uso wangu kwa ajili ya yule ambaye ameuumba na akapasuwa masikio yake, na macho yake, kwa uwezo wake na nguvu zake." (Abu Dawud 1414)

Kuwa mnyenyekevu, mtulivu anaposoma. Mwenyezi Mungu Mtukufu amesema: "Na hiki Kitabu, tumekuteremshia wewe, kimebarikiwa, ili wazizingatie Aya zake, na wawaidhike wenye akili." [Swad: 29]

Umemaliza somo kwa ufanisi

Anza mtihani

Badilisha lugha

Endelea kujifunza

Recently viewed

Recent Members

Masomo