Tewayingidde

Wewaandiise kati ku mukutu gwa Taa otandike okuyiga, ogoberere enkulaakulana yo, okunngaanye obubonero era oyingire empaka, oluvannyuma lw'okwewandiisa, ojja kufuna satifikeeti ey'omutimbagano ku miramwa gy'osomye

Omusomo Esswala eza kyeeyagalire

Esswala ez'etteeka mu sswala ezisaalibwa mu lunaku n'ekiro ziri ttaano zokka, naye waliwo esswala omusiraamu zaakubirizibwa okusaala asobole okwongera ku bimusembeza eri Allah. Mu musomo guno, ogenda kutegeera esswala ezisinga okuba enkulu mu sswala eza kyeeyagalire

Okutegeera esswala eza kyeeyagalire ezisaalibwa ne sswala ez'etteeka.
Okutegeera ebikwaata ku sswala y'okusaba enkuba
Okutegeera ebikwaata ku sswala y'okwebuuza ku Allah.
Okutegeera ebikwaata ku sswala ya kalasa mayanzi.
Okutegeera esswala esaalibwa ng'ejuba esisinkanye n'omweezi.

count: Omuyizi omulala yamaliriza omusomo guno

Enzivuunula z'omusomo guno ziri mu nnimi zino wammanga:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Kikakata ku musiraamu mu buli lunaku n'ekiro okusaala esswala ttaano zokka, wamu n'ekyo, obusiraamu bukubiriza omusiraamu okusaala esswala eza kyeeyagalire, era zzo zireetera omuddu okuba ng'ayagalwa nyo eri Allah we, era zzo zijjuza ebituli ebibeera mu sswala ez'etteeka. swahaba ayitibwa Abu hurayira atugamba nti, Nabbi Muhammad okusaasira ebyengera n’emirembe bibeere ku yye yagamba: "Allah kyaagenda okusooka okubala ku muddu yenna ku lunaku lw’enkomerero mu mirimu gye y'esswala. N'agamba nabbi: Agamba Allah ow'ekitiibwa ba malayika be yadde nga yye yaasinga okumanya: mutunule mu sswala y'omuddu wange, nzijuvu oba nkendeevu? Bweeba nzijuvu, ejja muwandiikibwaako nti nzijuvu, bweenaba erinamu obukendeevu nga abagamba: mutunule mulabe oba omuddu wange alinayo emirimu egya kyeeyagalire gyeyakola? bwanaaba agirina nga abagamba: mujjulirize omuddu wange ewali obukendeevu mu zetteeka nga mujja mu sswala eza kyeeyagalire, oluvanyuma Allah ajja kukola bwaatyo ne ku mirimu egisigadde" (eri mu kitabo kya abi dauda:864)

Sunna zebayita rawaatibu (ezisaalibwa n'ezetteeka)

Zaatumibwa erinya eryo kubanga zzo zibeera n'esswala ez'etteeka wamu; era lwaakuba ng'omusiraamu azekwaatako nyo.

Nabbi muhammadi okusaasira ebyengera n’emirembe bibeere ku yye yagamba: "teri musiraamu asaala ku lwa Allah eraaka kkumi nabbiri (12) buli lunaku nga za kyeeyagalire okujjako nga Allah amuzimbira enyumba mu jjana" (kitabo kya muslim:728)

Sunna zebayita rawaatibu

Eraaka bbiri oluberyeberye lwa subuhi (kumakya)

Eraaka nya nga tonnasaala zuhuri (ku musanvu), nga azisaala bbiri bbiri, oluvanyuma asaala eraaka bbiri oluvanyuma lwa zuhuri.

Eraaka bbiri oluvanyuma lwa magaribi (ku emu akawungeezi)

Eraaka bbiri oluvanyuma lwa Isha (ku bbiri ekiro)

Esswala ya witiri

Eyitibwa bweetyo olw'ensonga nti eraaka zaayo zibeera za nsunsuuba, era nga y'emu ku sswala za sunna ezisinga okuba ez'enkizo, nabbi muhammad okusaasira ebyengera n’emirembe bibeere ku yye yagamba: "musaale esswala ya witiri abange mwe abagoberezi ba kulaane" (kitabo kya imaam tirmidhi: 453, ne ibun maaja: 1170)

Obudde bwaayo obusinga obulungi, y'enkomerero y'ekiro, omusiraamu asaanidde okugisaala akaseera konna oluvanyuma lw'okusaala Isha okutuusizza ddala emmambya ng'esaze.

Eraaka z'esswala ya witiri

Eraaka ezisembayo obutono mu witir ebeera emu, era nabbi muhammadi okusaasira ebyengera n’emirembe bibeere ku yye yasaala nga eraaka ssatu, ttaano, musanvu, mwenda, oba kkumi n'emu.

Ensaala y'esswala ya witiri

Ekisinga obulungi ekisembayo obutono raaka ssatu, asaala eraaka bbiri n'atoola ssalaam, olwo n'ayongerako endala emu naddamu n'atoola ssalaam. Era akkirizibwa mu raaka esembayo nga tannakutama oba ng'amaze okuwanika emikono gye okutuuka mu kifuba n'asaba edduwa ya kunuutu.

Esswala y'okusaba enkuba

Eno ye sswala Allah jeyateekawo ng'esaalibwa nga ensi ekaze, ng'abantu bafunye obuzibu olw'enkuba entono, esaalibwa mu kyeererezi oba wabweeru bwekiba kisobose, naye nga kikkirizibwa okugisaalira mu muzikiti munda

Abasaaze bakubirizibwa okugenda webanasaalira nga betowaze, bakkakamu ng'ate bagonvu, mu mbeera ey'okweenenyeza Allah ng'ate bakoze ebireeta ekisa kya Allah gyebali: ng'okweenenya, okuzzaayo byebaalyazamanya, okusaddaaka, okuyisa obulungi abantu n'ebirala

Ensaala y'esswala y'okusaba enkuba

Esswala y'okusaba enkuba, ebeera ng'esswala ya iddi, ya raaka bbiri ez'omulwaatu mu kusoma, era kikkirizibwa okukuba takibiira esuka mu emu ku ntandikwa ya buli raaka, akuba takibiira mukaaga mu raaka esooka oluvanyuma lwa takibiira ey'emizizo, n'emuyookubiri n'akuba takibiira ttaano oluvanyuma lwa takibiira y'okusituka. Abuulirira abasiraamu mu khutuba bbiri oluvanyuma lwe sswala, ayitiriza mu zzo okweenenyeza Allah, n'okuyitiriza okusaba edduwa.

Esswala y'okweebuuza ku Allah (istikhaara)

Yeeyo esswala omusiraamu gy'asaala singa aba alina ensonga emukutteko (ng'ekkirizibwa mu busiraamu) naye nga tamanyi oba erimu ekirungi oba nedda.

Esaalibwa ddi

Omusiraamu singa aba amaliridde okukola ensonga nga tamanyi nungi gyaali oba nedda, akubirizibwa okusaalayo raaka bbiri, asaba oluvanyuma lwaazo ng'akozesa edduwa nabbi muhammad okusaasira ebyengera n’emirembe bibeere ku yye gyeyasomesa ba swahaba be egamba nti: "Allahuma inni astakhiiruka bi-ilmika, wa-astakdiruka bikud-ratika, wa-as-aluka min fadhlika al-adhwiimi, fa-innaka tak-diru wala ak-diru, wa ta-alamu wala a-alamu wa an-ta allaamul guyuub, Allahuma in kun-ta ta-alamu anna hadhal-amru khayirun li fi diini wa ma-ashi wa aakibati amrii fa-kdiruhu li, wa in-kun-ta ta-alamu anna hadha al-amru sharru li fii diini wa ma-aashi wa akibati amri fa-s-rif-hu anni wa-s-rif-ni an-hu, wa-kdur liya al-khayiru hayithu kaana". Etegeeza nti: "Allah wange nkwebuzaako ku kumanya kwo, era kulw'obuyinza nkusaba obusobozi, era nga nkusaba ku lw'obulungi bwo obw'amanyi, mazima ddala gwe asalawo nze sisobola kusalawo kintu, era omanyi naye nze simanyi, era ye gwe amanyi ebyekweese, Allah wange bwooba omanyi nti ensonga eno nungi gyendi, mu ddiini yange, embeera yange, wamu n'enkomerero yange, kinsobozese Allah, ate bwooba nga omanyi nti ensonga eno mbi gyendi mu ddiini yange, obuwangaazi wamu n'enkomerero yange, ginzijirewo ate era nange ojinzijeko, era onsobozese okufuna ebirungi wonna webiba biri, era ontebenkeze ne kyooba ongeredde" oluvanyuma n'ayogera ekyetaago kye. (Hadith eri mu kitabo kya bukhari: 6382)

Edduwa esomebwa mu sswala y'okwebuuza ku Allah.

Esswala ya dhuha (ey'obudde bw'okumakya)

Y'emu ku sswala eza kyeeyagalire eziriko empeera ey'amanyi, ekitono enyo zibeera raaka bbiri, n'ekiseera kyaayo: okuva ng'enjuba ejjeeyo amafumu gaayo agasooka okutuusa ng'enaatera okusala okudda ku ludda gyeegwa mu kaseera k'omuttuntu.

Esswala y'okubikkibwa kw'enjuba oba omweezi

Kyebayita (kusuufu) y'embeera y'okubikkibwa kw'ekitangaala ky'omusana oba omweezi gwonna oba ekitundu ku ggwo etali ya bulijjo, era kko kabonero mu bubonero bwa Allah obulaga obufuzi bwe wamu n'obuyinza bwe, n'okulabula omuntu n'okumuzuukusa ave mu bugayaavu bwe, olwo nno asobole okutya ebibonerezo bya Allah era asuubire n'empeera ze.

Nabbi muhammadi okusaasira ebyengera n’emirembe bibeere ku yye yagamba nti: "mazima ddala enjuba n'omweezi tebibikkibwa lwa kufa kwa muntu yenna, naye bbwo bwombiriri bubonero mu bubonero bwa Allah, bwemuba mubulabye musituke musaale.

Ensaala y'esswala y'okubikkibwa kw'enjuba

Esswala ya kusuufu erina eraaka bbiri, okujjako nti mu yyo mulimu okuddingana okukutama mu raaka emu, omusaaze bw'asituka okuva ku kukutama okusooka mu raaka esooka, addamu n'asoma suurati al-faatiha n'ekyo kyaaba asobodde mu kulaane, oluvanyuma addamu n'akutama era bwaamaliriza n'asituka okuva mu kukutama, olwo n'alyooka avunnama envunnama bbiri, eno eba raaka nnamba esooka, era bw'asituka okuva mu kuvunnama, asituka okugenda ku raaka ey'okubiri n'akola nga bweyakoze mu raaka esooka.

Mazima omusomo ogumaliriza bulungi

Tandika ekibuuzo

Kyusa olulimi

Sigala ng'oyiga

Recently viewed

Recent Members

Emisomo