Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Salloli Mustahabbai

Ababen da darasin ya ƙunsa

Salloli farillai a cikin yini da dare guda biyar ne kawai, amma kuma akwai wasu sallolin da anso musulmi ya dinga yinsu domin ya ƙara samun kusanci ga Allah Mai girma da ɗaukaka. A cikin wannan darasin zaka san mafi mahimmanci daga cikin waɗannan salloli mustahabban.

manufofi

Sanin sunnoni ratibai.
Sanin sallar roƙon ruwa.
Sanin sallar istikhara.
Sanin sallar duha.
Sanin sallar kisfewan Rana

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Sallolin da suke wajibi akan musulmi a cikin yini da dare guda biyar ne kawai, amma kuma duk da haka lalle shari'a tana kwaɗaitar da musulmi da ya dinga Salloli muatahabbai waɗanda zasu kasance sababin soyayyar Allah a gare shi, kuma su ne zasu cike tawayar da za a samu a Salloli farillai. Daga Abu Huraira Allah Ya kara mishi yarda lalle Annabi tsira da amincin Allah su tabbata a gare shi yace: "Farkon abunda za a fara yiwa bawa hisabi dashi a cikin ayyukanshi shi ne sallah. yace: Ubangijin mu Mai girma da ɗaukaka zai gayawa Mala'ikunshi, alhalin ya fisu sani ku duba cikin sallar bawaNa, shin ya cika shi ko ya tawaye shi? idan har ta kasance cikakkiya ce sai a rubuta ta cikakkiya, idan kuma wani abu ya tawaya daga gareta, sai Yace: Ku duba shin bawa Na yana da sallolin nafila ne? idan ya kasance yana dasu sai Allah Yace: Ku cikawa bawaNa farillanshi da nafilolinshi, daga nan kuma sai a karɓi sauran ayyukanshi" (Sunanu Abi Dawood: 864).

Sunnoni Ratibai

Kuma an sanya musu wannan sunan ne domin basa rabuwa da sallolin farilla, kuma domin yawanci musulmi yana tabbata akansu.

Manzon Allah tsira da amincin Allah su tabbata a gare shi yace: "Babu wani bawa musulmi da zai yiwa Allah sallah raka'a goma sha biyu na nafila ba na farilla ba a cikin kowace rana face Allah Ya gina mishi gida a cikin Aljannah" (Musulmi: 728).

Sunnoni Ratibai su ne:

Raka'a biyu gabanin sallar asubahi

Raka'a huɗu gabanin sallan azahar zai rabe tsakanin su da sallama, da kuma raka'a biyu bayanta

Raka'a biyu bayan sallar magariba

Raka'a biyu bayan sallan isha

Witiri

Kuma an saka mata wannan sunan ne domin adadin raka'o'inta guda ɗaya ne, kuma tana daga cikin mafifitan Sallolin nafila, Manzon Allah tsira da amincin Allah su tabbata a gare shi yace: "Ku dinga yin witiri ya ku mutanen Alkur'ani" (Attirmizi: 453, Ibnu Majah: 1170).

Kuma mafificin lokacinshi, shi ne ƙarshen dare, kuma musulmi zai iya sallatan ta a kowana lokaci daga bayan sallar isha har zuwa lokacin fitowan alfijir.

Adadin raka'o'in witiri

Mafi ƙarancin witiri raka'a daya ne, kuma Manzon Allah tsira da amincin Allah su tabbata a gare shi ya kasance yana yin witiri da raka'o'i uku, da biyar, da bakwai, da tara, da goma sha daya.

Siffar raka'o'in witiri

Mafi kƙarancin kamala a cikin sallar witiri shi ne ta kasance raka'a uku, sai musulmi ya sallaci raka'a biyu sai yayi sallama, sa'annan sai ya sallaci raka'a ɗaya yayi sallama. kuma anso mishi a cikin raka'ar ƙarshe gabanin ruku'u ko bayanshi da ya ɗaga hannayenshi zuwa kirjinshi sai yayi addu'ar Alƙunutu.

Sallar roƙon ruwa

Kuma ita wata sallah ce wacce Allah Ya shar'anta ta idan aka samu fari sai cutarwa ya samu mutane sakamakon ƙarancin ruwan sama, kuma anfiso a sallace ta a sarari da kuma dandali buɗaɗɗu idan har hakan ya samu, kuma ya halatta da a sallace ta a cikin masallaci.

Kuma an shar'anta wa masu sallah da su fito zuwa gare ta suna masu natsuwa masu ƙasƙantar da kai zuwa ga Allah, masu tuba zuwa gare Shi, kuma lalle su kasance sun aiwatar da sababin da zai jawo musu rahamar Allah; Kaman istigfari, da mayar da zalumci zuwa ma'abotanta, da kyautata wa mutane, da makamancinsu.

Siffar sallan roƙon ruwa

Sallan roƙon ruwa tamkar sallar eidi take raka'a biyu ne, limami zai bayyana karatu a cikinsu, kuma an shar'anta ƙara kabbarori a farkon kowace raka'a, sai liman yayi kabbarori shida kafin karatun fatiha a raka'a ta farko banda kabbarar harama, sai yayi kabbara biyar a raka'a ta biyu banda kabbarar tasowa daga sujjada. Bayan Sallar limami zaiyi huɗuba guda biyu yana mai yawaita neman gafara a cikinsu yana kuma matsawa Allah da Addu'a.

Sallar Istikhara

Kuma ita ce sallar da aka shar'antawa musulmi yayin da ya himmatu da aikata wani abunda aikata shi yake halal amma kuma bai san da cewa shin akwai alheri a cikinshi ko babu alheri ba.

Yadda ake sallatar ta

Idan musulmi ya himmatu da aikata wani abunda yake halal ne aikata shi amma bai san akwai alheri a cikinshi ko babu ba, to anso mishi a wannan lokacin da yayi sallah raka'o'i biyu, sai yayi addu'a a bayansu da Addu'ar da tazo daga Manzon Allah tsira da amincin Allah su tabbata a gare shi wacce ya koyawa sahabbanshi, kuma ita ce: "Ya Allah lalle ni ina neman zaɓinka da saninka, kuma ina neman ƙaddarawarKa da ikonka, kuma ina roƙonKa daga falalarKa mai girma, domin lallai kai kana ƙaddara kuma ni bana ƙaddarawa, kuma kai masani ne ni kuma bani da sani, kuma kai masanin abunda yake ɓoye ne, ya Allah idan har kasan da cewa wannan abun alheri ne a gare ni, a cikin addini na, da rayuwa ta, da ƙarshen lamarina, toh ka ƙaddara mini shi, ka kuma sauƙaƙa mini shi, sa'annan ka sanya mini albarkah a cikinshi, sa'annan kuma idan kasan cewa lalle wannan abun sharri ne a gare ni, a cikin addini na, da rayuwa ta, da kuma ƙarshen lamarina, toh ka kawar da shi daga gare ni kuma ka kawar dani daga gare shi ka kuma ƙaddara mini alheri a duk inda yake sa'annan ka yardan mini da shi" sai ya ambaci buƙatarshi" (Bukhari: 6382).

Addu'ar sallan istikhara

Sallar Duha

Kuma tana daga cikin salloli mustahabbai waɗanda lada mai ɗimbin yawa yazo a cikin bayanin falalarta, kuma mafi ƙarancinta raka'a biyu ne, lokacinta kuma shi ne daga ɗagowan rana bayan fitowanta har zuwa kusa da lokacin zawalinta da kuma shigan lokacin sallar azahar.

Sallar kisfewan rana

Kisfewan wata ko rana wani yanayi ne wanda ya saɓawa al'ada wanda yake faruwa da tafiyan hasken rana ko na wata gaba ɗaya ko wani bangare, kuma ita wata aya ce daga cikin ayoyin Allah wacce take nuna ikonshi da sarautarshi, kuma take faɗakar da mutum take kuma farkar dashi daga rabkananshi domin ya ji tsoron azabar Allah ya kuma tsammaci rahamarShi.

Manzon Allah tsira da amincin Allah su tabbata a gare shi yace: "Lalle rana da wata ba sa kisfewa domin mutuwar wani daga cikin mutane, sai dai su wasu ayoyi ne daga cikin ayoyin Allah, to idan kuka gansu sai ku tashi kuyi sallah" (Bukhari: 1041).

Siffar sallan kisfewan rana ko wata

Sallan kisfewan rana ko wata raka'a biyu ne, sai dai an shar'anta maimaita ruku'u a cikinsu; bayan mai sallah ya ɗago daga ruku'u a cikin raka'ar farko, zai sake karatun fatiha da kuma abunda ya sawwaƙa na daga Alkur'ani, sa'annan sai ya sake ruku'u ya ɗago daga ruku'un, sa'annan sai yayi sujjada ma guda biyu; toh wannan ita ce cikakkiyar raka'a daya, kuma bayan ya taso daga sujjada sai ya aikata kwatankwacin abunda ya aikata a raka'ar farko cikin raka'a ta biyu.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa