നിലവിലെ വിഭാഗം
പാഠം ത്വലാഖ് (വിവാഹ മോചനം)
count മറ്റ് വിദ്യാർത്ഥികൾ ഈ പാഠം പൂർത്തിയാക്കി
കുടുംബ ജീവിതം കാത്ത് സൂക്ഷിക്കാൻ ഇസ്‌ലാം അതിയായി പ്രോത്സാഹിപ്പിക്കുന്നുണ്ട്. ഖുർആൻ ഉറപ്പേറിയത് എന്ന് വിശേഷിപ്പിച്ച ഒരു കരാറിലൂടെ ദാമ്പത്യ ബന്ധത്തെ അത് സംരക്ഷിക്കുകയും ചെയ്യുന്നു. ആ ഉറപ്പേറിയ കരാർ അത് വിവാഹ കരാർ (നികാഹ്) ആണ്.
ഭാര്യയെ വെറുക്കുകയോ അവരിൽ നിന്ന് ചില കാര്യങ്ങൾ വെറുക്കുകയോ ചെയ്താലും വിവാഹമോചനം ചെയ്യരുതെന്ന് ഉപദേശിച്ചു കൊണ്ട് ഇസ്‌ലാം വിവാഹ ബന്ധത്തിന്റെ സംരക്ഷണത്തിന് ഊന്നൽ നൽകുന്നു. അല്ലാഹു പറയുന്നു: "അവരോട്‌ നിങ്ങള്‍ മര്യാദയോടെ സഹവര്‍ത്തിക്കേണ്ടതുമുണ്ട്‌. ഇനി നിങ്ങള്‍ക്കവരോട്‌ വെറുപ്പ്‌ തോന്നുന്ന പക്ഷം (നിങ്ങള്‍ മനസ്സിലാക്കുക) നിങ്ങളൊരു കാര്യം വെറുക്കുകയും അതേ കാര്യത്തില്‍ അല്ലാഹു ധാരാളം നന്മ നിശ്ചയിക്കുകയും ചെയ്തെന്ന്‌ വരാം. ". (നിസാഅ്: 19). ഈ ഉറപ്പുള്ള കരാർ തകർത്ത് കളയുന്ന നിലക്ക് ഒരു സ്ത്രീയെ ഭർത്താവിനെതിരെ പ്രേരിപ്പിച്ച് ഇണകൾക്കിടയിൽ ഭിന്നിപ്പുണ്ടാക്കാൻ ശ്രമിക്കുന്നതിനെതിരെ ഇസ്‌ലാം ശക്തമായി മുന്നറിയിപ്പ് നൽകുന്നു, . അബൂഹുറയ്‌റ(റ) വില നിന്നും, റസൂൽ (സ) പറഞ്ഞു: "ഒരു സ്ത്രീയെ അവളുടെ ഭർത്താവിനെതിരെ വഞ്ചിക്കുകയും ആശയക്കുഴപ്പത്തിലാക്കുകയും ചെയ്യുന്നവൻ നമ്മിൽ പെട്ടവനല്ല." (അബൂദാവൂദ് 2175).
ഇസ്‌ലാമിന്റെ പ്രായോഗികത
ത്വലാഖിന്റെ സാധുത
ത്വലാഖ് ഭാഷയിൽ
ത്വലാഖ് മതത്തിൽ.
ത്വലാഖിന്റെ നേട്ടങ്ങൾ
ത്വലാഖിന്റെ ദോഷങ്ങൾ
ത്വലാഖിന്റെ ഇനങ്ങൾ
ത്വലാഖ് റജഈ (മടക്കി എടുക്കാവുന്ന ത്വലാഖ്)
ചെറിയ ത്വലാഖ് ബാഇൻ (നിരുപാധികം തിരിച്ചെടുക്കാൻ പറ്റാത്തത്)
വലിയ ത്വലാഖ് ബാഇൻ (നിരുപാധികം തിരിച്ചെടുക്കാൻ പറ്റാത്തത്)
വിവാഹമോചനത്തിന്റെ തിരിച്ചെടുക്കാവുന്നത്, തിരിച്ചെടുക്കാൻ പറ്റാത്ത ചെറിയ വേർപിരിയൽ, തിരിച്ചെടുക്കാൻ പറ്റാത്ത വലിയ വേർപിരിയൽ എന്നീ മൂന്ന് രൂപങ്ങളുമായി ബന്ധപ്പെട്ട നിയമങ്ങൾ, ഇസ്‌ലാമിക ശരീഅത്തിന്റെ ഗുണങ്ങളുടെ വ്യക്തമായ പ്രകടനങ്ങളാണ്. വിവാഹമോചനം അന്തിമ തീരുമാനമല്ല. തിരിച്ചെടുക്കാവുന്നത്, തിരിച്ചെടുക്കാൻ പറ്റാത്ത ചെറിയ വേർപിരിയൽ എന്നിവയിൽ ഇണകളിൽ ഓരോരുത്തർക്കും പ്രശ്‌നങ്ങളുടെ സമ്മർദ്ദത്തിൽ നിന്ന് കരകയറാനും അനന്തരഫലങ്ങൾ സൂക്ഷ്മമായി പരിശോധിക്കാനും പുനർവിചിന്തനം ചെയ്യാനും അവസരവും മതിയായ സമയവും ലഭിക്കുന്നു. അതുപോലെ, വലിയ വേർപിരിയലിലൂടെയുള്ള വിവാഹമോചനം, രണ്ടാം ഭർത്താവിൽ നിന്നും വിവാഹമോചനത്തിന് ശേഷവും ഇരുകൂട്ടർക്കും നല്ല നിലയിൽ ഒരുമിച്ച് കൂടാൻ കഴിയുമെന്ന് മനസ്സിലാക്കുന്നതും നല്ല തീരുമാനമായി കാണാവുന്നതാണ്. ഈ അനുഭവം പലപ്പോഴും ദാമ്പത്യജീവിതം ഉറപ്പുള്ളതും ശക്തവുമായ അടിത്തറയിൽ പുനർനിർമ്മിക്കുന്നതിലേക്ക് നയിക്കുന്നു.
ഇദ്ദ
വിവാഹമോചിതയായ ഒരു ഭാര്യക്ക് തന്റെ ഇദ്ദ കാലയളവ് അവളുടെ ഭർത്താവിന്റെ വീട്ടിൽ ചെലവഴിക്കാനുള്ള അവകാശമുണ്ട്, അവൾക്കുവേണ്ടി ചിലവഴിക്കേണ്ടത് ഭർത്താവിന്റെ ബാധ്യതയാണ്. ഇദ്ദാ കാലയളവിൽ ഭർത്താവ് മരണപ്പെടുകയുയാണെങ്കിൽ അയാളുടെ അനന്തര സ്വത്തിനും ഭാര്യക്ക് അവകാശമുണ്ട്. എന്നാൽ അവളുടെ ഇദ്ദാ കാലത്ത് മറ്റു പുരുഷന്മാരുമായി വിവാഹാലോചന നടത്തുന്നത് അവൾക്ക് നിഷിദ്ധമാണ്.
