kutaan ammaa model
Barnoota Hiikkaa
Islaamni jireenya maatii tiiiysuuf bolole, hariiroo bultii beellama Qur'aanni ulfaataa ja'een tiisse, beellamni ulfaataan kun hidhaa nikaahaati.
Islaamummaan hariiroo bultii tiissuu mirkaneessuu irraa, jaarsonni akka jaartiilee isaanii qabatan akka hin hiikne otoo jibbanii yookiin waa irraa jibbanillee, Rabbiin oltahe ni ja'e: Akkaataa gaariin isaan horadhaa. Yoo isaan jibbitan (obsaa); waan tokko isin jibbitanii Rabbiin isa keessa khayrii baay’ee godhuun ni kajeelama. [Annisaa'i: 19]. akka beellamni ulfaataan citinsaaf hin saaxilamneef, jaarsaa jaartii jiddu bu'uuf yaaluu Islaamni jajjabeessee dhoorke, jaartii jaarsa irratti balleessuun, Abii hureyraa irraa Rabbi irraa haa jaalatuu Ergamaan Rabbii s.a.w ni ja'e: "namni jaartii jaarsa irratti shawwade nurraahii miti" (Abuudaawuud 2175).
Qabatamummaa islaamaa
Islaamummaan hariiroon bultii akka itti fuftuuf osuma kajeeluu, garuu inni amantii qabatamaati, waan uumama namaa faalleessuu fi fedhii isaanii cabsuu fi isaan irratti dhiphisuun hin dhufu, inumaa haala fi miiraa fi haajaa isaanii eega, Rabbiin oltahe jireenyi bultii itti fufuun haala hedduu keessatti dhumuu irra barbaachisaa akka tahe ni beeka, hiikkaan yeroo garii barbaachisaa fi inumaa yeroo garii dirqama akka tahe ni beeka; kanaaf hiikkaa hayyamuu keessa ogummaa guddoo fi nama irratti ballisuutu keessa jira, akkuma miidhaa fi jabinni keessa jirutti.
Hiikkaan karaa godhamuu
Hiikkaan karaa godhamuu keessatti barruun hedduun Qur'aana kabajamaa fi sunnaa Nabii keessatti dhuftee jirt, aayatootaa fi hadiisonni murtii isaa seera qabsiisuu fi naamusa isaa ibsuuf dhufan, suuraa Qur'aanaa keessa takka suuraa hiikkaa ja'amte.
hiikkaa jachuun akka afaanitti
inni hidhaa hiikuu fi gadi lakkisuudha.
Hiikkaa akka shari'atti
inni jacha adda godhameen hatattamattii fi irkisuun hidhaa bultii hiikuudha; jachi adda godhame: kan ifa tahe; akka jacha hiikkaa, akeekkaan; akka jacha fagaataa fi haraamii fi gadi lakkisuu faadha, bikka jachaa ni bu'a; barruu fi akeekni hubatamu, addaan baasuu keessatti jachi "kullii" fi qaadiin "addaan baase" jachuun jacha hiikkatti ni dhaqqaba.
Bu'aa hiikkaa keessaa
Miidhaa hiikkaa keessaa
Gosoota hiikkaa
hiikkaa deebii
inni hiikkaa gurbaan jaartii isaa irratti yeroo duraatii fi lammadaa jaartii isaa irratti buusu, isa keessatti waan iddaa keessa jirtuun mirgi isii deebifachuu isaaf jira, isii hayyamsiiuun alatti, hidhaa harawatti haajamuun alatti.
hiikkaa fagaataa fagina xiqqaa
innis waan yeroo duraatii fi lammadaa tahu garuu erga iddaan dhumte booda, asitti hidhaa haarawaan malee isaaf deebi'uun hin tahu.
hiikkaa fagaataa fagina guddaa
innis yeroo sadaffaaf hiikuudha, jaarsi jaartii deebisuu hin dandahu erga isiin jaarsa biraa heerumtee hiikkatte yookiin irraa du'e booda mahrii fi hidhaa haarawaan malee, osoo walii galtee jaarasa duraatiif deebisuutiin hin tahinitti.
murtiileen deebii fi fagina xiqqaa fi fagina guddaa wajjiin wal qabatan fakkii mullattuu tolina shari'aa islaamaa argisiifti; hiikkaan dhuma dubbiitii miti, deebii fi fagina xiqqaa fi guddaa keessatti jaarsaa jaartiin keessa deebi'anii laaluu fi booddee itti yaaduuf carraa fi yeroo ni argatan, tasgabbiin rakkina irraa fagaatanii, akkasuma fagina guddaa keessatti duabartiin erga jaarasa isii kan lammadaa irraa hiikkattee, gamni lamaan walitti deebi'uun akka dandahamtuu fi filannoo gaarii akka tahe arguutu mala, inuma yeroo hedduu muuxannoon tun sababa bultii hundee jabduu irratti deebisanii dhaabuu taati,
iddaa
isiin -du'aa yookiin hiikkaan- erga adda bahanii yeroo shari'aan daangeessite tan dubartiin heeruma malee hanga dhumtuu eeguu qabdu.
jaartiin iddaa isii mana jaarsa isitti fixachuu mirga qabdi, nafaqaan isii isarratti jirti, akkasuma isii iddaa keessa jirtu jaarsi yoo irraa du'e dhaaluuf mirga qabdi, iddaa isii keessatti dhiiraaf qaadhimamuunis irratti haraam taha.
