Ɓangaren yanzu model
Darasi Saki
Musulunci ya Kwaɗaitu a bisa kiyaye rayuwar iyali, kuma ya kare alaƙan ma'aurata da alƙawarin da Alkur'ani ya wasafta shi da cewa lalle shi alƙawari ne mai kaushi, kuma wannan alƙawari mai kaushin shi ne ɗaurin Aure.
Kuma domin tabbatar da kiyaye alakar aure a cikin Musulunci, hakika Musulunci ya umurci magidanta da su riƙe matansu kada kuma su sake su ko da sun tsane su ko kuma sun tsani wani abu a tattare da su. Allah Ta’ala ya ce: {Kuma ku rayu da su da kyautatawa. To, idan kun ƙi su, to, akwai tsammanin ku ƙi wani abu, kuma Allah Ya sanya wani alheri mai yawa a cikinsa} [Nisa: 19]. Kuma domin kada alkawari mai kaushi ya samu damuwa, Musulunci ya yi gargaɗi da kakkausar murya kan yunƙurin haifar da fitina tsakanin ma'aurata ta hanyar ɓata mace ga mijinta. An karɓo daga Abu Hurairah Allah Ya yarda da shi ya ce: Manzon Allah tsira da amincin Allah su tabbata a gare shi ya ce: “Ba ya daga cikinmu duk wanda ya zuga mace a kan mijinta.” (Abu Dawud 2175). Ma'anar "ya zuga" a nan yana nufin yaudara da lalata.
Adalcin Musulunci
Duk da cewa Musulunci yana da sha'awar ci gaba da zamantakewar auratayya, amma shi addini ne na gaskiya wanda ba ya zuwa da wani abu da ya saɓa wa ɗabi'ar mutane ta hanyar danne buƙatunsu da takura musu. Maimakon haka, lalle shi addini ne wanda yake la’akari da yanayinsu, da yadda suke ji, da kuma buƙatunsu. Allah Ta’ala ya sani cewa ci gaba da rayuwar auratayya a lokuta da dama zai iya zama illa fiye da karasar da shi. Kuma Ya san cewa lalle saki na iya zama abun buƙata a wani lokacin, ko kuma dole; domin haka ne halatta saki ya kasance wata hikima ce mai girman gaske da kuma yalwata wa mutane, akan abunda zasu iya shiga ciki na daga ƙunci da cutarwa.
Shar'anta Saki
Akwai ayoyi da dama waɗanda suka zo akan halaccin saki a cikin Alkur'ani mai girma da kuma sunnar Annabi, kuma wasu ayoyi da hadisan sunzo suna masu bayyana hukunce-hukuncen shi da kuma laddubanshi, Kuma an sakawa ɗaya daga cikin surorin Alkur'ani ma surar saki.
Saki a harcen larabci
Shi ne warware ƙulli da kuma sakewa
Saki a shar'ance
Shi ne wargaza igiyan aure nan take da wani lafazi na musamman, kuma wannan lafazin: ya kan iya kasancewa a bayyane; kamar lafazin saki, ko a sakaye; kamar lafazin rabuwa da haramci ko nisanta da makamantansu, kuma rubutu ko nuni mai fahimtarwa zai iya maye gurbin wannan lafazi, kuma lafazin "Khul'u" ma yana daga cikin laffuzan saki, hakama fadin alkali na raba tsakaninku yayin raba aure.
Daga cikin amfanin saki
Daga cikin cutarwar saki
Nau'ukan Saki
Sakin da za a iya dawowa
Shi ne sakin da mutum zai yiwa matarshi a karon farko da na biyu, kuma sai ya kasance yana da haƙƙin dawo da ita muddin bata gushe tana cikin iddarta ba, ko ba tare da izininta ba, kuma ba tare da buƙatar sake daura sabon aure ba.
Sakin rabuwa (ƙaramar rabuwa).
Shi ne sakin da zai kasance a cikin karon farko ko karo na biyu amma kuma har bayan ƙarewan Iddah, to anan bata halatta a gare shi da ya dawo da ita sai dai da sabon ɗaura aure.
Sakin rabuwa (Babban rabuwa).
Shi ne sakin da yake kasancewa a karo na uku, kuma a cikin shi miji bai da haƙƙin dawo da matarshi sai dai da sabon ɗaura aure da sadaki bayan kuma ta auri waninshi sai suka rabu da shi -ba tare da kasancewa an tsara hakan don ta komawa mijin farkon ba- ko kuma mijinta na biyun ya rasu ya barta.
Babu shakka hukunce-hukuncen da suke da alaƙa da dawo da mace bayan sakanta, da waɗanda suke da alaƙa da ƙaramin rabuwa da na babban rabuwa dukkaninsu suna nuni ne zuwa ga kyawawan yanayin shari'ar Musulunci a bayyane, domin saki ba shi ne ƙarshen al'amari ba, kuma lokacin da miji yake da damar dawo da matarshi da yayin da akayi karamin rabuwa, kowanne daga cikin ma'auratan zai samu dama da isashshen lokaci domin lissafi da kuma sake nazari cikin ababen da suka faru cikin natsuwa nesa da matsala da kuma damuwa, hakama bayan miji na biyu ya saki mace a babban rabuwa, dukkanin ɓangarori biyun zasu iya ganin cewa komawa zuwa ga juna abu ne mai yiwuwa kuma ma basu da wani zaɓin da ya fishi, sau dayawa ma wannan dawowar take zamtowa ita ce sabibin sake gina zamantakewar aure a bisa ingantatttun ginshiƙu masu ƙarfin gaske.
Iddah
Shi ne lokacin da shari'a ta ƙayyadewa mace bayan rabuwa -da mutuwa ko da saki- wanda ya wajaba akanta da ta zauna ta jira a cikinshi ba tare da tayi aure ba har sai wannan lokacin ya wuce.
Mace tana da haƙƙin kammala iddarta a gidan mijinta kuma a wannan lokacin ciyar da ita yana kanshi, kamar yadda za ta gaje shi idan ya mutu a cikin wannan yanayin. Kuma ya haramta a gare ta da wasu maza su nemi aurenta a yayin da take cikin lokacin iddarta.
