തണുപ്പ് കാലത്ത് സാധാരണയായി തീ കയാണ് വേണ്ടി കത്തിക്കാറുള്ള തീ യും തീപിടുത്തതിന് കാരണമായേക്കാവുന്ന ഹീറ്ററുകളും ഉറങ്ങുന്നതിന് മുമ്പായി അണക്കേണ്ടതാണ്. അബൂ മൂസൽ അശ്അരി (റ) വിൽ നിന്നും, അദ്ദേഹം പറഞ്ഞു: മദീനയിലെ ഒരു വീട് രാത്രിയിൽ കത്തിനശിച്ചു, അവരെ കുറിച്ച് നബി(സ) യോട് പറയപ്പെട്ടപ്പോൾ അവിടുന്ന് പറഞ്ഞു: "തീർച്ചയായും ഈ തീ നിങ്ങളുടെ ശത്രുവാണ്, നിങ്ങൾ ഉറങ്ങുകയാണെങ്കിൽ നിങ്ങൾ അത് അണച്ച് കളയുക" (ബുഖാരി 6294). മറ്റൊരു ഹദീസിൽ "നിങ്ങൾ ഉറങ്ങുന്ന സമയത്ത് നിങ്ങളുടെ വീടുകളിൽ തീ (കത്തുന്ന നിലയിൽ ) ഉപേക്ഷിക്കരുത്" (ബുഖാരി 6293, മുസ്‌ലിം 2015) എന്ന് കാണാം.

1. ഇളം കാറ്റോ കൊടുങ്കാറ്റോ, ചൂട് കാറ്റോ തണുത്ത കാറ്റോ, വടക്കൻ കാറ്റോ തെക്കൻ കാറ്റോ, മഴയോട് കൂടിയതോ അല്ലാത്തതോ അതല്ലെങ്കിൽ മറ്റു വല്ല വിധേനെയും ഉള്ളതാണെങ്കിലും കാറ്റ് അയക്കുന്നതിലുള്ള അല്ലാഹുവിന്റെ കഴിവിനെ കുറിച്ച് അവൻ സംരിക്കണം. അല്ലാഹു പറയുന്നു: "ആകാശഭൂമികളുടെ സൃഷ്ടിപ്പിലും, രാപകലുകളുടെ മാറ്റത്തിലും, മനുഷ്യര്‍ക്ക്‌ ഉപകാരമുള്ള വസ്തുക്കളുമായി കടലിലൂടെ സഞ്ചരിക്കുന്ന കപ്പലിലും, ആകാശത്ത്‌ നിന്ന്‌ അല്ലാഹു മഴ ചൊരിഞ്ഞുതന്നിട്ട്‌ നിര്‍ജീവാവസ്ഥയ്ക്കു ശേഷം ഭൂമിക്ക്‌ അതു മുഖേന ജീവന്‍ നല്‍കിയതിലും, ഭൂമിയില്‍ എല്ലാതരം ജന്തുവര്‍ഗങ്ങളെയും വ്യാപിപ്പിച്ചതിലും, കാറ്റുകളുടെ ഗതിക്രമത്തിലും, ആകാശഭൂമികള്‍ക്കിടയിലൂടെ നിയന്ത്രിച്ച്‌ നയിക്കപ്പെടുന്ന മേഘത്തിലും ചിന്തിക്കുന്ന ജനങ്ങള്‍ക്ക്‌ പല ദൃഷ്ടാന്തങ്ങളുമുണ്ട്‌; തീര്‍ച്ച." (സൂ. ബഖറ 164)

അബ്ദുല്ലാഹ് ബിന്‍ സുബൈര്‍(റ) വിൽ നിന്നും; ഇടിമിന്നല്‍ ഉണ്ടായാല്‍ സംസാരം നിര്‍ത്തുകയും ഇപ്രകാരം പറയുകയും ചെയ്യുമായിരുന്നു: "സുബ്ഹാനല്ലദീ യുസബ്ബിഹു റഅ്ദു ബീഹംദിഹി, വല്‍ മലാഇകത്തു മിന്‍ ഖീഫത്തിഹി" ഈ വാചകം ഖുർആനിൽ നിന്നുള്ളതാണ്; "ഇടിനാദം അവനെ സ്തുതിക്കുന്നതോടൊപ്പം (അവനെ) പ്രകീര്‍ത്തിക്കുന്നു. അവനെപ്പറ്റിയുള്ള ഭയത്താല്‍ മലക്കുകളും (അവനെ പ്രകീര്‍ത്തിക്കുന്നു.) അവന്‍ ഇടിവാളുകള്‍ അയക്കുകയും, താന്‍ ഉദ്ദേശിക്കുന്നവര്‍ക്ക്‌ അവ ഏല്‍പിക്കുകയും ചെയ്യുന്നു. അവര്‍ (അവിശ്വാസികള്‍) അല്ലാഹുവിന്റെ കാര്യത്തില്‍ തര്‍ക്കിച്ച്‌ കൊണ്ടിരിക്കുന്നു. അതിശക്തമായി തന്ത്രം പ്രയോഗിക്കുന്നവനത്രെ അവന്‍." (സൂ. റഅദ് 13).

മഴയെ അനുഗൃഹീതമായ (മുബാറക്) എന്നാണ് അല്ലാഹു വിശേഷിപ്പിച്ചത്, അവൻ പറയുന്നു: "ആകാശത്തുനിന്ന്‌ നാം അനുഗൃഹീതമായ വെള്ളം വര്‍ഷിക്കുകയുംചെയ്തു" (സൂ. ഖാഫ് 9). അത് വാർഷിക്കുമ്പോൾ ചെയ്യേണ്ടത്: തന്റെ ശരീരത്തിൽ നിന്ന് അല്പമെങ്കിലും വെളിവാക്കി മഴ കൊള്ളേണ്ടതാണ്. അനസ്(റ) പറയുന്നു: ‘ഒരിക്കല്‍ ഞങ്ങള്‍ നബി (സ) യോടൊപ്പം ഉള്ളപ്പോള്‍ ഞങ്ങള്‍ക്ക് മഴ ലഭിച്ചു. അപ്പോള്‍ നബി (സ) തന്റെ വസ്ത്രം അല്‍പം പൊക്കിക്കൊണ്ട് മഴ നനഞ്ഞു. അപ്പോള്‍ ഞങ്ങള്‍ ചോദിച്ചു: ‘പ്രവാചകരേ, താങ്കള്‍ എന്താണ് ഇങ്ങനെ ചെയ്യുന്നത്?’ അവിടുന്ന് പറഞ്ഞു: ‘അത് അതിന്റെ രക്ഷിതാവിൽ നിന്നും ലഭിച്ച പുതു മഴയാണല്ലോ ”(മുസ്‌ലിം 898 ).

2. പ്രാർത്ഥന നടത്തുക, അത് പ്രാർത്ഥനക്ക് ഉത്തരം കിട്ടുന്ന സമയമാണെന്ന് ധാരാളം അഥറുകളിൽ വന്നിട്ടുണ്ട്.

മഴ അധികരിക്കുകയും അത് ഉപദ്രവമായിത്തീരുകയും ചെയ്യുമെന്ന് ഭയപ്പെട്ടാൽ കൈകൾ ഉയർത്തിക്കൊണ്ട് അല്ലാഹുവോട് പ്രാർത്ഥിക്കണം. ഈ സമയത്തുള്ള പ്രാർത്ഥനയായി പ്രമാണങ്ങളിൽ വന്നതാണ് : "اللَّهُمَّ حَوَالَيْنَا وَلاَ عَلَيْنَا، اللَّهُمَّ عَلَى الآكَامِ وَالظِّرَابِ، وَبُطُونِ الأَوْدِيَةِ، وَمَنَابِتِ الشَّجَرِ" (അല്ലാഹുമ്മ ഹവാലയ്നാ വ ലാ അലൈനാ. അല്ലാഹുമ്മ അലല്‍ ആകാമി വളിറാബി, വബുത്വൂനില്‍ അവ്ദിയതി, വമനാബിതിശ്ശജർ) - (ബുഖാരി 1014, മുസ്‌ലിം 897) അർത്ഥം - ((അല്ലാഹുവേ! (ഈ മഴയെ) ഞങ്ങളുടെ ചുറ്റുഭാഗങ്ങളിലേക്ക് നീ ആക്കേണമേ. ഇതിനെ ഞങ്ങളുടെ മേല്‍ (ഒരു ശിക്ഷയായി) നീ ആക്കരുതേ, അല്ലാഹുവേ, (ഈ മഴയെ) മേച്ചില്‍ സ്ഥലങ്ങളിലും മലകളിലും താഴ്വരകളിലും മരങ്ങളുടെ വേരുകളിലും നീ ആക്കേണമേ)). എന്നത്.