dapat patayin ang apoy na madalas sinisindihan sa taglamig Bago matulog. at kagaya nito ang mga pampainit na puweding dahilan ng sunog, batay sa salaysay ni abi musa al-ash-ari -kaluguran nawa siya ng Allah- na sinabi niya: nasunog ang isang bahay sa madinah sa may-ari nito sa gabi, at nabanggit ang nangyari sa kanila sa propeta ﷺ, at sinabi niya: "tunay na ang apoy na iyan ay kaaway ninyo, kaya kung matutulog kayo ay patayin ninyo ito". Al-bukharie (6294), at Muslim (2016), at sa ibang hadith: "huwag ninyong iwanan ang apoy sa mga bahay ninyo habang kayo ay natutulog". Al-bukharie (6293), at Muslim (2015).

1- Alalahanin ang kakayahan ng Allah sa pagpapagalaw ng hanging; mainit at malamig. mahina at malakas, hilaga at timog, sinusunod ng ulan at pagtigil nito, at ibapa bukod dito, sinabi ng Allah: {Tunay na sa pagkalikha sa mga langit at lupa, sa pagsasalit-salitan ng gabi at maghapon, sa mga sasakyang-dagat na naglalayag sa dagat kalakip ng ipinakikinabang nito sa mga tao, sa anumang pinababa ni Allāh mula sa langit na tubig saka nagbigay-buhay Siya sa pamamagitan nito sa lupa matapos ng kamatayan nito at nagkalat Siya rito ng bawat gumagalaw na nilalang, at sa pagpihit sa mga hangin at mga ulap na pinagsisilbi sa pagitan ng langit at lupa ay talagang mga tanda para sa mga taong nakapag-uunawa} [Al-baqarah: 164).

Sa salaysay ni Abdullah bin Zubair: Kung narinig niya ang kulog, iiwan niya ang pag-uusap, at sinasabi niya: "luwalhati sa kanya na nagluluwalhati ang kulog sa pagpuri sa kanya, at ang mga anghel dahil sa takot sa kanya", at ang salita na ito ay sa Qur'ãn: {Nagluluwalhati ang kulog kalakip ng pagpupuri sa Kanya at ang mga anghel dahil sa pangagamba sa Kanya. at Nagpapadala Siya ng mga kidlat at papatamaan niya ang sinumang kanyang maibigan habang sila ay nakikipagtalo hinggil kay Allāh gayong Siya ay matindi ang kapangyarihan} [Ar-Ra'd: 13].

Inilarawan ng Makapangyarihang Allah ang ulan bilang pinagpala, sinabi ng kataas-taasan at kapitaptagan (Allah): {Nagbaba Kami mula sa langit ng isang tubig na puno ng biyaya} [Qãf: 9], at ilan sa mga gagawin sa sandaling pagbagsak nito ay: 1- maglabas ang tao ng isang bahagi ng kanyang katawan upang matamaan ito ng ulan, ayun sa isinalaysay ni anas -kaluguran nawa siya ng Allah- na sinabi niya: inabutan kami ng ulan kasama ng Sugo ng Allah ﷺ, sinabi niya: at binuksan ng Sugo ng Allah ﷺ ang kanyang damit upang matamaan siya ng ulan, kaya sinabi namin: O Sugo ng Allah, bakit mo iyan ginawa? sinabi niya: "dahil ito ay kagagaling lang sa kanyang panginoon", Muslim (898).

2- Ang pananalangin, at napatunayan sa ilang mga kasabihan na ito ay lugar(panahon) ng pagtanggap.

Kapag lumakas ang Ulan at natatakot na makapinsala ito, kanais-nais na manalangin na nakataas ang dalawang kamay, at ilan sa mga napatunayang mga panalangin: "Allãhoma hawãlaynã wa lã alaynã, Allãhomma alal ãkãmi waz-zirãbi, wabutõnil awdiyati, wamanãbiti-s Shajari", (Al-bukharie 1014, at Muslim 897). (“O Allah! hayaang (bumuhos) ang ulan sa aming kapaligiran at huwag sa amin (ang bagsak ng ulan), O Allah! hayaang ito’y bumuhos sa mga burol at bundok at sa kalagitnaan ng mga lambak at mga bulubunduking lugar").