जाडोमा न्यानोपनको लागि प्राय जसो आगो वा हिटरहरू बालिने गरिन्छ, त्यसलाई सुत्नुअघि निभाउनु पर्छ, नत्र यो आगलागीको कारण बन्न सक्छ । अबू-मूसा अल्-अश्अरी (रजियल्लाहु अन्हु) ले बयान गरेका छन्: राती मदीनामा एउटा घर जल्यो त रसूल सल्लल्लाहु अलैहि वसल्लमलाई यसको जानकारी गराइयो अनि उहाँले भन्नुभयो: "यो आगो तिमीहरूको शत्रु हो, त्यसैले सुत्ने समय यसलाई निभाई देऊ ।" (बुखारी: 6294) र अर्को हदीस मा छ : "सुत्नुअघि आगोलाई निभाउने गर, बल्दै गरेको नछोड ।" (बुखारी: ६२९३, मुस्लिम: २०१५)

१. हावाको व्यवस्थापनमा सर्वशक्तिमान अल्लाहको क्षमता र हिक्मतलाई मनन् गर्न सक्नुहुन्छ; तातो र चिसो, बिस्तारै चल्ने र आँधीबेहरी सहितको, उत्तरी र दक्षिणी, वर्षाको साथमा वा बिना वर्षाको हावा इत्यादि । अल्लाहले भन्नुभएको छ: {إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنْفَعُ النَّاسَ وَمَا أَنْزَلَ اللَّهُ مِنَ السَّمَاءِ مِنْ مَاءٍ فَأَحْيَا بِهِ الْأَرْضَ بَعْدَ مَوْتِهَا وَبَثَّ فِيهَا مِنْ كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالْأَرْضِ لَآيَاتٍ لِقَوْمٍ يَعْقِلُونَ} (البقرة: 164]). अर्थः "निश्चय नै आकाश र धर्तीको सृष्टि, रातले दिनलाई र दिनले रातलाई पछ्याउने क्रम, मानिसहरूका लागि लाभदायक सामग्रीहरू लिएर समुद्रमा हिँड्ने डुङ्गाहरू, आकाशबाट अल्लाहले बर्साएका पानी जसबाट उहाँले मुर्दा भूमिलाई जीवित पार्नुहुन्छ, विभिन्न किसिमको जीव-जन्तु, विभिन्न दिशामा हावा चल्नु तथा आकाश एवं पृथ्वीबीच नियन्त्रणमा राखिएका बादलमा बुद्धिमान मानिसहरूका लागि निशानीहरू छन् ।" (बकरह: १६४)

अब्दुल्लाह बिन जुबैर (रजियल्लाहु अन्हु) को हदीसमा छ, उहाँ बादलको गर्जन सुनेपछि कुराकानी गर्न बन्द गर्नुहुन्थ्यो अनि यो दुआ पढ्नु हुन्थ्योः "سبحان الذي يُسَبِّحُ اﻟﺮﻋﺪ ﺑﺤﻤﺪﻩ. ﻭاﻟﻤﻼﺋﻜﺔ ﻣﻦ ﺧﻴﻔﺘﻪ"، उच्चारणः "सुब्हा नल्लजी युसब्बे हुर्राअ्दो बिहम्देहि वल-मलाएकतु मिन खी फतेहि” यो शब्द कुर्आनमा पनि छ, अल्लाहले भन्नुभएको छ: {وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَنْ يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ} (الرعد: 13). अर्थः "बिजुलीको गर्जन र फरिश्ताहरू अल्लाहको डरले उहाँको प्रशंसाका साथ पवित्रताको गुणगान गर्छन् । उहाँ जसमाथि चाहनुहुन्छ चट्याङ्गले बर्बाद पार्नुहुन्छ । काफिरहरू अल्लाहको बारेमा वाद-विवाद गर्छन् । उहाँ सर्वशक्तिमान हुनुहुन्छ ।" (अर्रअद: 13)

अल्लाहले वर्षालाई धन्य (मोबरक) भन्दै भन्नुभएको छ: {وَنَزَّلْنَا مِنَ السَّمَاء مَاء مُّبَـارَكاً} (سورة ق: 9)، अर्थः "हामीले आकाशबाट बर्कतउक्त (मोबरक) पानी वर्षायौं ।" (काफ: ९) पानी पर्दा गर्नेपर्ने कुरा- १- आफ्नो शरीरका केही भागलाई खोल्नु ताकी वर्षाले छुन सकोस्, अनस (रजियल्लाहु अन्हु) ले बयान गरेका छन्, हामी रसूल सल्लल्लाहु अलैहि वसल्लमको साथमा थियौं र पानी पर्न थाल्यो, उहाँले आफ्नो कपडा हटाउनु भयो यहाँसम्म त्यहाँ वर्षाले छोयो । यसरी किन गर्नुभयो सोध्दा उहाँले जवाफ दिनुभयो: "किनभने यो पानी भर्खरै आफ्नो सृष्टिकर्ताबाट आएकोले ।" (मुस्लिम: ८९८)

2- दुआ गर्नु, वर्षाको समयमा दुआ स्वीकार हुन्छ भन्ने कुरा असर (मौकुफ हदीस) बाट प्रमाणित छ ।

यदि अविरल वर्षाले गर्दा हानिको डर छ भने, दुवै हात उठाएर निम्नलिखित दुआ गर्नु मुस्तहब हो: "اللَّهُمَّ حَوَالَيْنَا وَلاَ عَلَيْنَا، اللَّهُمَّ عَلَى الآكَامِ وَالظِّرَابِ، وَبُطُونِ الأَوْدِيَةِ، وَمَنَابِتِ الشَّجَرِ". उच्चारणः 'अल्लाहुम्म हवा लैना वला अलैना, अल्लाहुम्म अलल-आकामि वज्जराबि व बुतूनुल-औदि यति व मना बितिश-श ज रि ।" (बुखारी: 1014 र मुस्लिम: 897) अर्थ: हे अल्लाह, हाम्रो वरिपरि वर्षा होस्, तर हाम्रो विरुद्धमा नहोस्, हे अल्लाह, पहाडहरू, चट्टानहरू, उपत्यकाहरू र रूखहरूको टुप्पाहरूमा होस् ।