طهارت ( پاکوالی ) دا مهال برخه
درس لویه بي اودسي او د هغې نه غسل کول
هغه شیان چې په هغې سره غسل واجبیږي:
دا هغه څه دي چې کله يو مسلمان ته ورپيښ شي نو د لمانځه او طواف کولو نه مخکي د پاکوالي په موخه په هغه غسل کول واجب دي، او د غسل کولو نه مخکي هغه ته ويل کيږي چې په ده باندي لويه بي اودسي ده.
۱. مني خارجيدل:
په ټوپ او خوند سره د منۍ وتل چې په هره طريقه او هر وخت کي وي که په ويښه وي يا په خوب کې وي نو غسل کول ورباندي واجب دي، مني هغه سپيني او ټينګي اوبه دي کومې چې د سخت خوند او شهوت په وخت د انسان نه خارجيږي.
۲. جماع کول:
جماع کول: مراد د جماع نه هغه دادی چې د سړي د اندام مخصوصه سر د ښځې په شرمګاه کې ننوځي اګر که انزال د مني ونه شي يواځې په شرمګاه کې د اندام مخصوصه د سر په ننوتلو سره په انسان غسل واجبیږي، د الله پاک وينا ده: {وإِنْ كُنْتُمْ جُنُبًا فَاطَّهَّرُوا} (المائدة: 6). که تاسې د جنابت په حالت کې یاستئ نو ځانونه ښه پاک کړې.
۳. په زنانه د حیض يا نفاس راتلل:
حیض: هغه طبیعي وينه ده کومه چې په ښځې هره مياشت راځي، او تر اوه ورځو پورې لګ زیات ياکم د ښځو د طبيعت سره سم دوام لري، او نفاس هغه وينه ده کومه چې په ښځه باندي د ماشوم د پيدائش په وخت جاري کيږي او ډيرې ورځې دوام لري.
د ښځې چې کله د حیض مهواري او يا د ماشوم د پيدائش په وخت د نفاس وينه راشي نو د حیض او نفاس په وخت دوي ته اسلامي شريعت آساني ورکړي او د دوې نه يې په دې وخت لمونځ او روژه بښلي دي، خو چې کله د حیض يا نفاس نه ښځه پاکه شي نو د روژو قضايې به راوړي او هر چې قضا شوی لمونځ دي د هغې قضايې راوړل ورباندي نشته.
د ښځې سره د حیض مهوارۍ په وخت جماع کول:
د ښځو سره د حیض مهوارۍ په وخت جماع کول حرام دي مګر د خپلو ښځو نه د جماع نه پرته نور خوندونه اخستلی شي، او کله چې ښځې د حيض مهواري نه پاکي شي نو غسل کولو رباندي واجب دي، د الله پاک وينا ده: (فَاعْتَزِلُوا النِّسَاءَ فِي الْمَحِيضِ وَلَا تَقْرَبُوهُنَّ حَتَّى يَطْهُرْنَ فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ اللهُ) (البقرة: 222) نو په حیض كې د ښځو له جماع نه په ډَډَه شئ، او دوى ته مه نژدې كېږئ (د جماع لپاره) تر هغه پورې چې پاكې شي، نو كله چې ښې پاكې شي (غسل وكړي)، بیا له دوى سره جماع كوئ، په هغه ځاى كې چې الله تاسو ته حكم كړى دى ( چې کله ښې پاکي شي ) معناداده چې غسل وکړي.
د مسلمان لپاره دا بسنه کوي چې د پاکۍ نيت وکړي او خپل ټول بدن په اوبو سره ووينځي.
په غسل کولو کې پوره طریقه د نبي کريم صلی الله علیه وسلم ده مسلمان بايد د هغې تابعداري وکړي: هغه دا چې کله د غسل کولو نيت وکړي نو خپل لاسونه تر مړوندونو پورې ووینځي بیا خپله شرمګاه او هغه ګندګي کومه چې د جنابت د وجي نه رامينځ ته شوي وي هغه ووينځي، بیا په بشپړه توګه اودس وکړي، بیا خپل سر درې ځل په اوبو ووينځي بیا خپل ټول بدن ووينځي.
کله چې مسلمان د جنابت نه غسل وکړي نو دا غسل کول يې د اودس کولو نه بسنه کوي بیرته د غسل کولو سره ورباندی د اودس کول واجب نه دي خو غوره داده چې مسلمان داسي غسل وکړي چې اودس په هغې شامل وي لکه څنګه چې د نبي کريم صلی الله علیه وسلم غسل کولو وو.
