పాఠం పెద్ద అపవిత్రత (హదసె అక్బర్) మరియు గుసుల్.

మీరు లాగిన్ కాలేదు

మీ పురోగతిని తెలుసుకోవడానికి మరియు పాయింట్లను సేకరించి పోటీల్లోకి ప్రవేశించడానికి ‘త’ వేదికలో ఇప్పుడే నమోదు చేయండి, నమోదు తర్వాత మీరు నేర్చుకున్న అంశాల ఎలక్ట్రానిక్ సర్టిఫికెట్ మీకు లభిస్తుంది.

ప్రవేశము

నమోదు

ప్రస్తుత విభాగం : model

పాఠం పెద్ద అపవిత్రత (హదసె అక్బర్) మరియు గుసుల్.

పాఠ్య సమాచారం

పెద్ద అపవిత్రత (హదసె అక్బర్) నుండి శుద్ధి పొందేందుకు ఇస్లాం ధర్మం స్నానాన్ని (గుసుల్) నిర్ణయించింది. ఈ పాఠంలో మీరు గుసుల్ తప్పనిసరి అయ్యే సందర్భాలను మరియు పెద్ద అపవిత్రత నుండి శుద్ధి పొందే విధానాన్ని తెలుసుకుంటారు.

లక్ష్యాలు

గుసుల్ తప్పనిసరి అయ్యే సందర్భాలను తెలుసుకోవడం.
పెద్ద అపవిత్రత నుండి శుద్ధి పొందే విధానాన్ని తెలుసుకోవడం.

ఈ పాఠం పూర్తి చేసిన మరో విధ్యార్ధి count :

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் Tagalog Uyƣurqə / ئۇيغۇرچە اردو Tiếng Việt 中文

గుసుల్ తప్పనిసరి అయ్యే సందర్భాలు

ఈ క్రింది విషయాలు సంభవించినప్పుడు, అతడు పెద్ద అపవిత్రత (హదసె అక్బర్) స్థితిలో ఉన్నట్లు పరిగణించబడతాడు. నమాజు మరియు తవాఫ్ నిర్వహించడానికి ముందు అతడు గుసుల్ చేయడం తప్పనిసరి.

1. వీర్య స్ఖలనం

ఏ విధంగా అయినా అయినా సరే, కామవాంఛతో వీర్యం బయటకు రావడం; ఇది మేల్కొని ఉన్నప్పుడు లేదా నిద్రలో ఉన్నప్పుడు ఏ సమయంలో జరిగినా గుసుల్ తప్పనిసరి అవుతుంది. వీర్యం అంటే కామవాంఛ అత్యున్నత స్థాయికి చేరుకున్నప్పుడు వెలువడే చిక్కని తెల్లని ద్రవం.

2.సంభోగం

సంభోగం (జిమా) : పురుషుడి జననేంద్రియం స్త్రీ జననేంద్రియములోకి ప్రవేశించడం. వీర్య స్ఖలనం జరగకపోయినప్పటికీ, పురుష జననేంద్రియము యొక్క ముందు భాగం (శిశ్నము) ప్రవేశిస్తేనే 'గుస్ల్' (స్నానం) అనివార్యం అవుతుంది.

3. బహిష్టు/ఋతుస్రావం (హైద్) మరియు ప్రసవానంతర రక్తం (నిఫాస్) వెలువడటం.

ఋతుస్రావం (హైజ్): ఇది స్త్రీలలో ప్రతి నెలా సహజంగా వెలువడే రక్తం. ఇది సాధారణంగా ఏడు రోజుల పాటు ఉంటుంది, అయితే స్త్రీల శారీరక తత్వాన్ని బట్టి ఈ రోజుల సంఖ్య పెరగవచ్చు లేదా తగ్గువచ్చు. ప్రసవానంతర స్రావం (నిఫాస్): ఇది ప్రసవం కారణంగా స్త్రీల నుండి వెలువడే రక్తం మరియు ఇది కొన్ని రోజుల పాటు కొనసాగుతుంది.

ఋతుస్రావంమరియు ప్రసవానంతర స్రావం స్థితిలో ఉన్న స్త్రీల నమాజు మరియు ఉపవాసం.

ఋతుస్రావం మరియు ప్రసవానంతర స్రావం స్థితిలో రక్తం వెలువడే సమయంలో స్త్రీలకు ఉపశమనం కల్పించబడింది. ఆ సమయంలో వారు నమాజు మరియు ఉపవాసాలు చేయనవసరం లేదు. వారు శుద్ధి పొందిన తర్వాత విడిచిపెట్టిన ఉపవాసాలను పూర్తి చేయాలి (ఖజా చేయాలి), కానీ నమాజులను పూర్తి చేయనవసరం లేదు.

నెలసరి సమయంలో సంభోగంలో పాల్గొనడం

నెలసరి మరియు ప్రసవానంతర రక్తస్రావం సమయంలో పురుషులు తమ భార్యలతో లైంగిక కలయికలో పాల్గొనకూడదు. అయితే, సంభోగం కాకుండా ఇతర సరసాల ద్వారా వారు సుఖాన్ని పొందవచ్చు. రక్తస్రావం ఆగిపోయిన తర్వాత స్త్రీలు తప్పనిసరిగా గుసుల్ చేయాలి. అల్లాహ్ ఇలా సెలవిచ్చాడు: (ఋతుసమయంలో స్త్రీలకు దూరంగా ఉండండి. వారు శుద్ధతను పొందే వరకు వారిని సమీపించకండి. వారు శుద్ధతను పొందినప్పుడు (స్నానం చేసినప్పుడు), అల్లాహ్ మీకు ఆదేశించిన విధంగా వారి వద్దకు వెళ్ళండి) (అల్ బఖరా: 222). ఇక్కడ "వారు శుద్ధతను పొందినప్పుడు" అంటే వారు గుసుల్ చేసినప్పుడు అని అర్థం.

లైంగిక అశుద్ధత లేదా పెద్ద అశుద్ధత నుండి శుద్ధిని ఎలా పొందాలి?

ఒక విశ్వాసి శుద్ధి(తహారా) సంకల్పముతో శరీరమంతటినీ నీటితో కడగడం సరిపోతుంది.

దైవప్రవక్త ముహమ్మద్(స) వారి గుస్ల్ (స్నాన) విధానం:

స్నానంలో (గుస్ల్) అత్యంత పరిపూర్ణమైన పద్ధతి ఏమిటంటే, దైవప్రవక్త ముహమ్మద్(స) వారు ఆచరించినట్లుగా స్నానం చేయడం. ఒకవేళ ఎవరైనా లైంగిక అశుద్ధత నుండి శుద్ధి పొందాలని తలచుకుంటే, వారు మొదట తమ అరచేతులను కడుక్కోవాలి. ఆ తర్వాత తమ మర్మావయవాలను మరియు లైంగిక అశుద్ధత అంటుకున్న భాగాలను కడుక్కోవాలి. ఆపై పూర్తిస్థాయిలో వుదూ చేయాలి. తర్వాత తలపై మూడు సార్లు నీళ్లు పోసుకుని కడుక్కోవాలి, ఆపై మిగిలిన శరీరాన్నంతటినీ కడగాలి.

గుసుల్ చేసిన తర్వాత వుదూ చేయవలసిన అవసరం ఉందా?

ఒక లైంగిక అశుద్ధత (జనాబత్) నుండి స్నానం (గుస్ల్) చేసినట్లయితే, అది అతనికి వుదూకు కూడా సరిపోతుంది. స్నానంతో పాటు విడిగా వుదూ చేయడం తప్పనిసరి కాదు. అయితే, దైవప్రవక్త ముహమ్మద్(స) వారి సున్నత్ ప్రకారం వుదూతో కూడిన స్నానం చేయడం అత్యుత్తమమైన పద్ధతి.

మీరు విజయవంతంగా మీ పాఠాలను పూర్తి చేశారు

పరీక్ష మొదలుపెట్టండి

భాష మార్పు

నేర్చుకుంటూ ఉండండి

Recently viewed

Recent Members

పాఠాలు

పాఠాలు

మీరు లాగిన్ కాలేదు

ప్రస్తుత విభాగం : model

పాఠం పెద్ద అపవిత్రత (హదసె అక్బర్) మరియు గుసుల్.

పాఠ్య సమాచారం

లక్ష్యాలు

గుసుల్ తప్పనిసరి అయ్యే సందర్భాలు

1. వీర్య స్ఖలనం

2.సంభోగం

3. బహిష్టు/ఋతుస్రావం (హైద్) మరియు ప్రసవానంతర రక్తం (నిఫాస్) వెలువడటం.

ఋతుస్రావంమరియు ప్రసవానంతర స్రావం స్థితిలో ఉన్న స్త్రీల నమాజు మరియు ఉపవాసం.

నెలసరి సమయంలో సంభోగంలో పాల్గొనడం

లైంగిక అశుద్ధత లేదా పెద్ద అశుద్ధత నుండి శుద్ధిని ఎలా పొందాలి?

దైవప్రవక్త ముహమ్మద్(స) వారి గుస్ల్ (స్నాన) విధానం:

గుసుల్ చేసిన తర్వాత వుదూ చేయవలసిన అవసరం ఉందా?

మీరు విజయవంతంగా మీ పాఠాలను పూర్తి చేశారు