kutaan ammaa model
Barnoota hadas guddaafii dhiqannaa
dirqisiistota dhiqannaa
isiin waan yoo nama muslimaarratti argamte osoo hin salaanneefii hinxawaafne dhiqannaan dirqama isatti tahu, osoo hindhiqatin hadasa guddaatu isarra jira jedhama.
maniyyiin namarraa bahuu
karuma kamiinuu maniyyiin (bishaan hormaataa)namarraa yaauu, utaalaa kan mi'aa qabu.dhammaqiifii hirriibaan tahus. maniyyiin (bishaan hormaataa) dhangala'aa adii, furdaa yoroo fedhiin xumuramte dhangalauudha.
saalqunnamtii
saalqunnamti jechuun qaamni saalaa dhiiraa qaama saalaa dubartii keessa seenuudha osoo maniyyiin irraa dangalauullee baatee. mataan qaama saala dhiiraa uraa qaama saala dubartii keessa seenuun dhiqannaa dirqisiisuuf gayaadha.
3- dhiiyni heydiifii nifaasii dubartitti dhufuu.
heydiin dhiiga baattitti dubartitti dhufu, guyyaa torba kanturu, idauufii ir'isus nidandaya akkuma amala dubartiitiin, nifaasiin dhiiga dayuumsaati kan guyyaalee hedduu turu.
hanga yeroo dhiiyni itti jiruu san dubartii heydiifii nifaasii irraa laaffifama, salaataafii soomanas nidhiifti, soomana qadaa kafaltii salaata hinkafaltu.
dubartii heydiifii nifaasiin itti jirtu qunnamtii godhuu.
jaarsonni jaartiiwwan isaanii yeroo heydiifii nifaasiin itti jirtu qunnamtii saalaa itti godhuun dhoowwaadha. waan san hintahin itti qananiuun, akka walqaqqbuu waldhungachuufii kkf nihayyamama. dubartiin tuni yeroo dhiiyni irraacite qaama dhiqachuun dirqama. Rabbiin akkana jedhe "dubartii yeroo heydii irra achi hiiqaa, hanga qulqulleeffatanitti itti hindhihaatinaa, yeroo xahaaratan bakka Rabbiin isin ajajeen (bakka hormaataa tan duraatiin) itti dhufaa". baqaraa 222 hiikkaan yeroo xahaaratan jechuun yeroo dhiqatan jechuudha.
nama muslimaatiif niyyatee qaama guutuu dhiqannaan kanumaatu gaya.
irra guutuun dhiqannaa akka nabiin s.a.w. dhiqatetti dhiqachuudha. yogguu janaabarraa dhiqatu dura shanacha isaa dhiqata, eegasii qaama saalaa isaatiifii waan jiidhaan tuqame qaama isaarraa ni dhiqata, eegasii wuduu'a akka salaataa wadda'ata, eegasii mataa yoggu sadi dhiqata, eegasii qaama isaa guutuu dhiqata.
muslimni yoo janaabarraa qaama dhiqate kuni wuduu'arraa isaaf gaya. wuduuini dirqamaa hintahu garuu irra caalaan akkuma nabiin s.a.w. godhatetti wuduu'a godhata.
