Model: हालको खण्ड
पाठ ठूलो अपवित्रता र स्नान
स्नान (गुस्ल) गर्नुपर्ने कारणहरू
१) वीर्य स्खलन भएमा
२) सम्भोग गरेमा
३) महिनावारी वा सुत्केरीको रगत आएमा
महिनावारी तथा सुत्केरी भएको बेलामा महिलाहरूका लागि सलाह (नमाज) पढ्न र रोजा राख्न दुबै माफ गरिएको छ। पवित्र भएपछि राख्न नसकेको रोजालाई कजा (पूरा) गर्नुपर्दछ, तर पढ्न नपाएको नमाजलाई कजा (पूरा) गर्नुपर्दैन।
महिनावारीको अवस्थामा सम्भोग
मुस्लिमले पवित्रताको नीयतले पूरै शरीर भिज्ने गरी शरीरमा पानी हाल्नु नै पवित्रताको लागि पर्याप्त हुन्छ।
तर नबी सल्लल्लाहु अलैहि वसल्लमको तरिका अनुसार स्नान गर्नु उत्तम हो, उहाँको तरिका अनुसार स्नान गर्दा पवित्रताको साथै पुण्य पनि मिल्छ। जब नबी सल्लल्लाहु अलैहि वसल्लमले स्नान गर्न सुरु गर्नु हुन्थ्यो तब उहाँले सबैभन्दा पहिले दुबै हातहरू धुनु हुन्थ्यो अनि बायाँ हातले गुप्ताङ्ग र शरीरको फोहोर सफा गर्नु हुन्थ्यो, त्यसपछि राम्रोसँग वजू गर्नु हुन्थ्यो अनि तीन पटक पानी लिएर टाउको धुनु हुन्थ्यो, अन्त्यमा पूरै शरीरलाई पखाल्नु हुन्थ्यो।
यदि कसैले सुन्नत अनुसार वजू गरेर नुहाउँछ र ठूलो पवित्रता प्राप्त गर्छ भने यो उसको वजूको लागि पनि पर्याप्त हुनेछ, स्नानको साथमा वजू गर्नु अनिवार्य त छैन। तर रसूल सल्लल्लाहु अलैहि व सल्लमको तरिका अनुसार विधिपूर्वक नुहाउनु नै सुन्नत र उत्तम तरिका हो।
