روژ نیول. دا مهال برخه
درس د رمضان روژه
په کال کې یو میاشت روژې نیول الله په مسلمانانو باندې فرض کړې،د رمضان میاشت،او دا يې د اسلام یو عظیم بنیاد او څلورم رکن ګرځولی،الله فرمايي:{يََا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُون} (البقرة: 183).ای مومنانو پتاسو باندې روژه فرض فرض ده لکه څنګه چې مخکې کسانو باندې فرض کړی شوی و،دې لپاره چې تقوی اختیار کړۍ.
په اسلام کې د روژې معنی:د سحر نه تر ماښام پورې د خوراک،څښاک،او جماع او نورو روژه ماتوونکو شیانو څخه اجتناب کول.
د رمضان د میاشت فضیلت
د رمضان میاشت په اسلامي کال کې نهمه میاشت ده،او دا په کال کې بهترینه میاشت ده،الله ورته ډیر فضایل ورکړي،چې بعضې په لاندې ډول دي:
(شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ) (البقرة:185). الله فرمايي:د رمضان په میاشت کې الله قران نازل کړی،د خلکو لپاره هدایت او واضحه دلایل،او رڼا،نو څوک چې د روژې میاشت وویني،نو روژه باید ونیسي.
نبي صلی الله علیه وسلم فرمايي:کله چې رمضان داخل شي،نو د جنت دروازې کولاو کړی شي،او د جهنم دروازې بندې کړی شي،او شیطانان بند کړی شي،الله دا میاشت د بنده ګانو لپاره مهیا کړې،چې په توجه سره د هغه په احکامو عمل وکړي،او منکرات پریږدي.
نبي صلی الله علیه وسلم فرمايي:څوک چې د ایمان په حالت کې د رمضان روژه ونیسي،او اجر یې ګنړې،ټول ګناهونه به ورته معاف شي،او فرمايي:څوک چې د ایمان په حالت کې تراویح او تهجد پدې میاشت کې وکړي،نو ټول ګناهونه به یې معاف شي.
الله پخپل کتاب کې خبر ورکړی چې پدې شپه کې نیک عمل کول د زرو میاشتو د عمل نه بهتر دی،هغه فرمايي:لیله القدر د زرو میاشتو نه افضل ده،او دا شپه د رمضان په اخیري لسو ورځو کې غیر معلوم ده،څوک چې پدې کې عبادت وکړي،د ایمان په حالت کې او اجر یې ګنړه،نو ټول مخکني ګناهونه به یې معاف شي.
د روژې فضیلت
په اسلام کې د روژې ډیر فضایل دي:بعضې په لاندې ډول دي:
۱.د ګناهونو معاف کیدل
څوک چې د ایمان په حالت کې روژه ونیسي،د الله د حکم د تابعدارۍ د وجې،د هغې د فضل د تصدیق،او د الله د اجر د طلب کولو په غرض،نو ټول مخکني ګناهونه به یې معاف شي،لکه رسول الله فرمايي:څوک چې د ایمان او ثواب په نیت روژه ونیسي نو ټول ګناهونه به يې معاف کړی شي.
نبي صلی الله علیه وسلم فرمايي: د روژه دار لپاره دوه خوشحالیاني دي،یو د ماښام روژه ماتي په وخت،بل د الله د ملاقات په وخت
۳.په جنت کې د ریان په نوم دی چې صرف روژه دار پدې سره جنت ته داخلیږي.
نبي صلی الله علیه وسلم فرمايي:په جنت کې د ریان په نوم باندې دروازه ده چې د قیامت په ورځ به روژه دار پدې داخلیږي،ددوۍ نه علاوه بل څوک نشي داخلیدی،وبه ویل شي:روژه دار چیرته دي؟هغوۍ به ودریږي،کله چې داخل شول،نو دروازه به بنده کړی شي،نو بل هیڅوک به نشي داخلیدی.
۴.الله د روژې د ثواب او بدلې نسبت د ځان طرفته کړی
الله یو کریم او سخي ذات دی او د چا ثواب چې د داسې ذات په ذمه کې وي نو باید خوشحاله شي چې الله ورله څه تیار کړي،نبي صلی الله علیه وسلم فرمايي:چې الله فرمایلي:د انسان ټول اعمال د هغه لپاره دي،مګر روژه زما لپاره ده،او زه ددې بدله ورکوم.
د روژې د فرضیت حکمتونه
الله روژه د ډیرو حکمتونو د وجې فرض کړې،دیني او دنیاوي حکمتونه پکښ شته بعضې په لاندې ډول دي:
ځکه روژه یو عبادت دی چې پدې سره انسان الله ته نژدې کیږي،په پریخودلو د هغو شیان چې ده ته خوښ دي،لکه مباح شهوات د الله د رضا او د حکم د تابعدارۍ د وجې پریخودل
ځکه کله چې روژه دار د مباح شیانو څخه د الله د حکم د وجې ځان بچ کوي،نو پدې سره هغه عادي وګرځي چې د شهواتو او ګناهونو څخه هم ځان بچ کړي.
ځکه په روژه کې انسان ته یو احسان وشي د ولږې او حرمان،او هغه فقیران رایاد کړي چې به زندګۍ کې د ډیرو نعمتونو څخه محرومه دي،نو د هغوۍ سره مدد شروع کړي.
