வருடத்தில் ஒரு மாதம் முழுதும் நோன்பு நோற்பதை அல்லாஹ் முஸ்லிம்களுக்கு கடமையாக்கியுள்ளான். அதுதான் புனித ரமழான் மாதமாகும். அதில் நோன்பு நோற்பதை இஸ்லாத்தின் மிகப் பெரும் தூண்களில் நான்காம் தூணாக ஆக்கியுள்ளான். அல்லாஹ் கூறுகின்றான் : “ஈமான் கொண்டோர்களே! நீங்கள் இறையச்சமுடையோர் ஆவதற்காக உங்களுக்கு முன் இருந்தவர்கள் மீது நோன்பு விதிக்கப்பட்டிருந்தது போல் உங்கள் மீதும்(அது) விதிக்கப்பட்டுள்ளது”. (பகரா : 183).

பஜ்ர் உதயமானதிலிருந்து- பஜ்ர் அதான் ஒலிக்கும் நேரம்- சூரியன் அஸ்தமிக்கும்- மஃரிப் அதான் ஒலிக்கும் நேரம்- வரை உண்ணல், பருகல், உடலுறவு கொள்ளல் மற்றும் சில விடயங்களைத் தவிரந்து கொள்வதன் மூலம் அல்லாஹ்வை வணங்குவதே இஸ்லாத்தில் நோன்பாகும்.

அதுதான் சங்கை மிக்க அல்குர்ஆனாகும். அல்லாஹ் கூறுகின்றான் : “ரமழான் மாதம் எத்தகையதென்றால் அதில் தான் மனிதர்களுக்கு (முழுமையான வழிகாட்டியாகவும், தெளிவான சான்றுகளைக் கொண்டதாகவும்; (நன்மை - தீமைகளைப்) பிரித்தறிவிப்பதுமான அல் குர்ஆன் இறக்கியருளப் பெற்றது; ஆகவே, உங்களில் எவர் அம்மாதத்தை அடைகிறாரோ, அவர் அம்மாதம் நோன்பு நோற்க வேண்டும்”. (பகரா : 185).

நபி (ஸல்) அவர்கள் கூறினார்கள் : "ரமழான் நுழைந்து விட்டால் சுவன வாயில்கள் திறக்கப்படுகின்றன. நரக வாயில்கள் மூடப்படுகின்றன. ஷைத்தான்கள் விலங்கிடப்படுகின்றனர்". (புஹாரி 3103, முஸ்லிம் 1079). பாவங்களைத் துறந்து நன்மைகளைச் செய்வதன் மூலம் அல்லாஹ்வை அடியார்கள் முன்னோக்கவே இவ்வேற்பாட்டை அவன் செய்துள்ளான்.

நபி (ஸல்) அவர்கள் கூறினார்கள் : "எவர் ரமழான் மாதத்தில் ஈமான் கொண்டவராகவும், நன்மையை எதிர்பார்த்தவராகவும் நோன்பு நோற்கிறாரோ அவருடை முன்னைய பாவங்கள் மன்னிக்கப்படுகின்றன". (புஹாரி 1910, முஸ்லிம் 760). மேலும் கூறினார்கள் : "எவர் ரமழான் மாதத்தில் ஈமான் கொண்டவராகவும், நன்மையை எதிர்பார்த்தவராகவும் இரவில் நின்று வணங்குகிறாரோ அவருடை முன்னைய பாவங்கள் மன்னிக்கப்படுகின்றன". (புஹாரி 1905, முஸ்லிம் 759).

அதுதான் லைலதுல் கத்ர் எனும் கண்ணியமிக்க இரவாகும். அதில் நற்செயல் புரிவது பல காலங்கள் நற்செயல் புரிவதை விடச் சிறந்ததாக அல்லாஹ் அறிவித்துள்ளான். "கண்ணியமிக்க இரவானது ஆயிரம் மாதங்களை விட சிறந்ததாகும்". (கத்ர் : 3). அந்த இரவில் ஈமான் கொண்டவராகவும், நன்மையை எதிர்பார்த்தவராகவும் இரவில் நின்று வணங்குபவருடை முன்னைய பாவங்கள் மன்னிக்கப்படுகின்றன. இது ரமழானின் இறுதிப் பத்து தினங்களில் ஒன்றாகும். அது எந்த இரவு என்பது சரியாக யாரும் அறியமாட்டார்கள்.

நபி (ஸல்) அவர்கள் கூறினார்கள் : "நோன்பாளிக்கு இரு மகிழ்ச்சிகள் உள்ளன. ஒன்று நோன்பு திறக்கும் போது, மற்றது தனது இரட்சகனை சந்திக்கும் போதாகும்.". (புஹாரி 1805, முஸ்லிம் 1151).

ஏனெனில் நோன்பு என்பது ஓர் அடியான் தனக்கு விருப்பமானதை விட்டு, இச்சைகளைக் கட்டுப்படுத்துவதன் மூலம் தனது இரட்சகளை நெருங்கும் ஒரு வணக்கமாகும்.

ஏனெனில் நோன்பாளி அல்லாஹ்வுக்குக் கட்டுப்பட்டு அனுமதிக்கப்பட்டதையே தவிர்ந்து கொள்வதானது அவனை தடுக்கப்பட்ட பாவங்களை விட்டும் தனது இச்சையைக் கட்டுப்படுத்த மிகப் பெரும் சக்தி பெற்றவனாக ஆக்குகின்றது.

ஏனெனில் பட்டினி, ஒன்று கிடைக்காமல் இருப்பது போன்றவற்றின் அனுபவம், மற்றும் நெடுங்காலமாக வறியவர்களாக இருப்போரை நினைவுகூர்வது போன்றன நோன்பில் கிடைக்கின்றது. எனவே மனிதன் தனது வறிய சகோதரர்களையும், அவர்கள் பட்டினி, தாகம் ஆகிய கசப்பான அனுபவங்களால் எவ்வளவு சிரமப்படுகின்றனர் என்பதை நினைவுகூர்ந்து அவர்களுக்கு உதவிக்கரம் நீட்ட முயற்சிக்கின்றான்.