ఏడాదికి ఒకసారి రమదాన్ నెలలో ఉపవాసాలను అల్లాహ్ విధిగా చేశాడు, దానిని ఇస్లామ్ యొక్క మూల స్థంబాలలో ఒకటిగా చేశాడు. "ఓ విశ్వాసులారా! ఉపవాసం మీకు విధిగా నిర్ణయించబడింది, ఏ విదంగానైతే మీ పూర్వీకులకు విధిగా నిర్ణయించబ ఉండెనో బహుశా మీరు దైవభీతిపరులై ఉంటారని!" (బఖరా : 183)

ఇస్లాంలో ఉపవాసం యొక్క అర్ధం : ఫజర్ యొక్క సమయం ప్రవేశించే ముందు నుండి సూర్యాస్తమం వరకు అన్నపానీయాలు, సంభోగం మరియు ఉపవాసాన్ని రద్ధు చేసే అంశాల నుండి దూరంగా ఉండడం ద్వారా అల్లాహ్ ను ఆరాధించడాన్ని ఉపవాసం అంటారు.

తన దివ్యగ్రంధములో అల్లాహ్ ఇలా సెలవిస్తున్నాడు : రమదాన్ నెల! అందులో దివ్య ఖుర్ఆన్ మానవులకు మార్గదర్శకత్వంగా, అవతరింపజేయబడింది! మరియు అందులో సన్మార్గం చూపే మరియు సత్యాసత్యాలను వేర్పరచే, స్పష్టమైన ఉపదేశాలున్నాయి. కావున మీలో ఆ నెలను పొందిన వ్యక్తి ఆ నెలంతా (విధిగా) ఉపవాస ముండాలి. (బఖరా : 185)

ప్రవక్త (స) వారు ఇలా సెలవిచ్చారు : రమదాన్ నెల ప్రారంభమవడంతో స్వర్గం యొక్క ద్వారాలు తెరవబడతాయి, నరకం యొక్క ద్వారాలు మూసివేయబడతాయి మరియు షైతానులు సంకేళ్లలో బంధించివేయబడతారు. (బుఖారీ 3277, ముస్లిం 1079), తన దాసులు సద్కార్యాల వైపుకు మరలాడానికి మరియు చేడుకార్యాలకు దూరంగా ఉండడానికి అల్లాహ్ దీనిని సంసిద్ధం చేశాడు.

దైవప్రవక్త (స) వారు ఇలా ప్రవచించారు : ఎవరైతే రామదాన్ నెలలో విశ్వాసము మరియు పుణ్యార్జన సంకల్పముతో ఉపవాసముంతాడో అతని గత పాపాలన్నీ క్షమించివేయబడతాయి. (బుఖారీ 2104, ముస్లిం 760). మరో చోట ఇలా సెలవిచ్చారు : ఎవరైతే రామదాన్ నెలలో విశ్వాసము మరియు పుణ్యార్జన సంకల్పముతో రాత్రి పూట తహజ్జుద్ నమాజు ఆచరిస్తాడో అతని గత పాపాలన్నీ క్షమించివేయబడతాయి. (బుఖారీ 2009, ముస్లిం 759).

ఈ రేయిలో చేసే ఆరాధనలు మరియు పుణ్యకార్యాలకు వేయి నెలల ఆచరణలకు సమానమైన పుణ్యం లభిస్తుంది అని అల్లాహ్ తన దివ్యగ్రంధములో సెలవిచ్చాడు :"ఆ ఘనత గల రాత్రి వేయి నెలల కంటే శ్రేష్ఠమైనది"(అల్-ఖద్ర్: 3). ఈ పవిత్రమైన రాత్రి రమదాను నెలలోని చివరి పది రోజులలో ఎప్పుడు ఉండబోతుందో ఎవరికీ తెలియదు, విశ్వాసము మరియు పుణ్యార్జానా సంకల్పముతో ఈ రేయిని పొందుకుంటే మాత్రం ఆ వ్యక్తి యొక్క గత పాపాలన్నీ క్షమించి వేయబడతాయి.

దైవప్రవక్త (స) వారు ఇలా ప్రవచించారు : ఒక ఉపవాసికి రెండు ఆనందాలు ఉంటాయి : ఒకటి అతడు ఉపవాసం విరమించేటపుడు రెండవది అతడు తన ప్రభువును కలసినపుడు. (బుఖారీ 1904, ముస్లిం 1151).

ఎందుకంటే ఉపవాసం అనేది ఒక ప్రత్యేక ఆరాధన, ఈ ఉపవాసం ద్వారా ఒక దాసుడు తన ప్రియమైన వాటిని విడిచిపెట్టడం ద్వారా, అనుమతించబడిన కోరికలను అణచిపెట్టడం ద్వారా, తన ప్రభువు ఆజ్ఞను పాటించడం ద్వారా మరియు ఆయన నిషేదించిన వాటికి దూరంగా ఉండటం ద్వారా తన ప్రభువుకు దగ్గరయ్యే మార్గము.

అల్లాహ్ యొక్క ఆజ్ఞ నిమిత్తం ఒక ఉపవాసి తనకు అనుమతి ఉన్నవాటి నుండి దూరంగా ఉండటం కారణంగా, అది అవిధేయత మరియు పాపాలకు చెందిన తన కోరికలను అదుపు చేయడానికి కావలసిన శక్తిని అందిస్తుంది.

ఎందుకంటే ఉపవాసం అనేది లేమి మరియు ఆకలి బాధ అనుభవాల కలయిక. ఉపవాసం అనేది జీవితంలో ఈ రెండు అంశాల విషయంలో బాధపడుతున్న బీదవారి బాధను అర్ధం చేసుకునేటట్లు చేస్తుంది, ఈ బాధను అర్ధం చేసుకోవడం కారణంగా ఆ వ్యక్తి వారి కష్టాన్ని తీర్చడానికి, వారికి ఆపన్న హస్తం అందించడానికి ముందుకు వస్తాడు.