Ipinag-utos ng Allah sa mga Muslim na mag-ayuno ng isang buwan sa isang taon, na siyang pinagpalang buwan ng Ramadan, at ginawa itong ikaapat na haligi sa mga haligi ng Islam at ang mga dakilang gusali nito. Sinabi ng Allah na Kataas-taasan: {O kayong mga naniwala, ipinag-utos sa inyo ang pag-aayuno, tulad ng pagka-utos sa mga yaong nauna sa inyo, baka sakaling magkaroon kayo ng takot}. (Al-Baqarah: 183).

Ang kahulugan ng pag-aayuno sa Islam: Ang pagsamba sa Allah sa pamamagitan ng pagpigil at pag-iwas sa pagkain, pag-inom, at pakikipagtalik, at iba pang mga bagay na nakasisira (sa pag-aayuno) mula sa pagsikat ng tunay na Fajr (bukang-liwayway) - na siyang oras ng pagtawag sa pagdarasal sa Fajr (pagdarasal sa madaling araw) - hanggang sa paglubog ng araw - na siyang oras ng pagtawag sa Maghrib (pagdarasal sa paglubog ng araw). -

Sinabi ng Allah na Kataas-taasan: {Ang buwan ng Ramadan kung saan ibinaba dito ang Qur’an, bilang patnubay para sa mga tao at malinaw na mga patunay ng patnubay at pamantayan, kaya sinuman ang nakasaksi sa inyo ng buwan ay kailangang pag-ayunuhan niya ito}. (Al-Baqarah: 185).

Sinabi niya ﷺ: "Kapag pumasok ang Ramadan, binuksan ang mga pintuan ng Paraiso, at isinara ang mga pintuan ng Impiyerno, at ikinadena ang mga demonyo." (Al-Bukhari: 3103 – Muslim: 1079). Sa katunayan, inihanda ito ng Allah para sa kanyang mga alipin na harapin siya sa pamamagitan ng pagsasagawa ng mga gawaing pagsunod at pagtalikod sa mga kasamaan.

Sinabi ng Propeta ﷺ: "Sinuman ang nag-ayuno sa Ramadan nang may pananampalataya at pag-asa ng gantimpala, patatawarin sa kanya ang mga nauna niyang kasalanan." (Al-Bukhari: 2104 – Muslim: 760). At sinabi pa niya: "Sinuman ang nagtataguyod sa Ramadan nang may pananampalataya at pag-asa ng gantimpala, patatawarin sa kanya ang mga nauna niyang kasalanan." (Al-Bukhari: 2009 – Muslim: 759).

Ang Gabi kung saan ay ipinabatid ng Allah sa Kanyang Aklat na ang isang mabuting gawa dito ay higit na mabuti kaysa sa gawa sa loob ng sanlibong buwan, sinabi ng (Allah na) kataas-taasan: {Ang Gabi ng Pagpapasya ay higit na mainam kaysa sa isang libong buwan}. (Al-Qadr: 03). at ito ay isang gabi na hindi natukoy (kung anong saktong petsa nito) mula sa mga gabi ng huling sampung araw ng ramadhan, sinuman ang nagtaguyod nito nang may pananampalataya at pag-asa ng gantimpala, patatawarin sa kanya ang mga nauna niyang kasalanan.

Tulad ng sinabi niya ﷺ: "Ang taong nag-aayuno ay may dalawang kagalakan: Isang kagalakan sa oras ng kanyang pagkain, at isang kagalakan sa oras na makaharap niya ang kanyang Panginoon." (Al-Bukhari: 1904 – Muslim: 1151).

At iyon ay dahil sa ang pag-aayuno ay isang gawain ng pagsamba kung saan ang alipin ay naglalapit sa kanyang Panginoon sa pamamagitan ng pagtalikod sa kanyang mga minamahal at pagsupil sa kanyang mga pagnanasa sa pinahihintulutang bagay. bilang pagsunod sa kautusan ng kanyang panginoon at pag-iwas sa mga ipinagbabawal niya.

Sapagka't ang pagpigil ng isang nag-aayuno sa mga bagay na pinahihintulutan bilang pagpapatupad sa utos ng Allah na Kataas-taasan, ay ginagawa siyang higit na may kakayahan sa pagpigil sa kanyang mga pagnanasa mula sa mga pagsuway at kasalanan.

At iyon ay dahil sa ang pag-aayuno ay mayroong pagsasanay dito na madama ang paghihirap dahil sa kawalan at gutom, at pag-alala sa mga mahihirap na nagdurusa sa kawalan sa kanilang buhay, kaya maaalala ng isang alipin ang kanyang mga kapatid na mahihirap at kung paano sila nagdurusa sa dalawang bagay ang labis na gutom at uhaw, kaya't magsisikap siya sa pagbibigay ng tulong at suporta sa kanila.