එය මුහර්රම් මාසයේ දසවන දිනයයි. එම මාසය ඉස්ලාමීය දින දර්ශනයේ පළමු මාසය වේ. දෙවිඳාණන් විසින් මෝසස්තුමාණන් ෆිර්අවුන්ගෙන් ගලවා ගත් දිනය ද එය වේ. එය පෙරනිමිත කොට ගෙන අල්ලාහ්ට කෘතඥ වීම සඳහාත් නබි මුහම්මද් (සල්) තුමාණන් ව අනුගමනය කිරීම සඳහාත් එදින මුස්ලිම්වරු උපවාසයේ නිරත වෙති. ආෂූරා දින උපවාසය පිළිබඳ එතුමාණන්ගෙන් විමසූ අවස්ථාවක එතුමාණන් මෙසේ පිළිතුරු දෙන ලදී: එය පෙර වසර සඳහා ප්‍රතිකර්මයක් වනු ඇත. (මුස්ලිම් 1162) එබැවින් ඒ මාසයේ නමවන දින ද උපවාසය නිරත වීම සුන්නත් වේ. ඒ පිළිබඳ මෙසේ වාර්තා වේ: මා ඊළඟ අවුරුද්දෙහි ද ජීවත් ව සිටියා නම් නමවෙනි දින ද උපවාසය රකින්නෙමි. (මුස්ලිම් 1134)

එය ඉස්ලාමීය දින දර්ශනයේ දොළොස්වන මාසය වන දුල්-හිජ්ජා මාසයේ නවවන දිනයයි, හජ් වන්දනාකරුවන් අරෆාවෙහි රැස්වී සර්වබලධාරී දෙවියන්ට කන්නලව් කර උන් වහන්සේට ආයාචනා කරන දිනය මෙයයි. එය වසරේ හොඳම දිනය වන අතර හජ් වන්දනාකරුවන් නොවන අයට එදින උපවාසයේ නියැලීම සුන්නත් වේ. එදින උපවාසය පිළිබඳ නබිතුමාණන්ගෙන් විමසූ අවස්ථාවක එතුමාණන් මෙසේ පිළිතුරු දුන්හ: එය පෙර වසර හා ඉතිරිව ඇති වසර සඳහා ප්‍රතිකර්මයක් වනු ඇත.(මුස්ලිම් 1162)

ෂව්වාල් යනු දසවන ඉස්ලාමීය මාසයයි. ධර්ම දූතයාණන් මෙසේ පවසා ඇත: කවරෙකු රමළාන් මසෙහි උපවාසයෙහි නිරත වී ඉන් පසු අඛණ්ඩව දින හයක උපවාසයේ නිරත වන්නේ ද එය සදාකාලික උපවාසයකට සමානය.(මුස්ලිම් 1164)

අබූ හුරෙයිරා (රළි) තුමාණන් විසින් මෙසේ වාර්තා කරන ලදී: මාගේ මිතුරා -මා මිය යන තුරු මා හැර නොයන- කරුණු තුනක් මට නිර්දේශ කළේය: සෑම මසකම දින තුනක් උපවාසයේ නිරත වීම, ලුහා සලාතය සහ විත්ර් සලාතය ඉටු කර නිදා ගැනීම.යන කරුණු තුන වේ. (බුහාරි 1178/ මුස්ලිම් 721)