inni guyyaa 10ffaa ji'a muharrami. ji'a tokkoffaa akka lakkoofsa islaamaatti. inni guyyaa Rabbiin nabi muusaa fir'owna jalaa nagaya baase. muslimni muusaan fir'oowna jalaa nagaya bahuu san galata Rabbii galchuuf soomana akkasuma ergamaa Rabbii hordofuuf. nabiin nisoomanee yeroo soomana aashuuraarraa gaafatame akki jedhe "dilii waggaa dabartee namarraa haqa". muslim 1162 isa dura guyyaa 9ffaa soomanuun barbaachisaadha.akkasuma nabiin akki jedhe "yoo bara dhufu eege saglaffas nan soomana". muslim 1134

inni guyyaa saglaffaa ji'a zulhijjaati, ji'a 12ffaa akka lakkoofsa islaamaatti, guyyaa kana isa keessa hujjaajni beytii Rabbii arafatti walgayan, Rabbi kadhatan, isatti waywaatan, inni irra caalaa guyyaa waggaati, warri hajitti hinjirre soomanuutu barbaachisa. nabiin soomana guyyaa arafaarraa gaafatamee akki jedhe "waggaa dabarteefii dhuftus araarama namaaf taha". muslim 1162

shawwaal ji'a 10ffaa lakkoofsa islaamaati, nabiin s.a.w. akki jedhe "namni ramadaana soomanee shawwaalirraa jaha itti aanse akka nama waggaa soomaneeti isaaf taha.".muslim 1164

abii hureyrarraa odeeffamee "jaalalleen kiyya nabiin s.a.w. waa sadi naaf dhaame, isii tana hanga du'utti hindhiisu: ji'a hunda guyyaa sadi soomanuu, salaata duhaa, witrii salaatee rafuu". bukhaarii 1178. muslim 721