ప్రస్తుత విభాగం : model
పాఠం ఐచ్ఛిక ఉపవాసాలు (నఫిల్ ఉపవాసాలు)
అల్లాహ్ సంవత్సరానికి ఒక నెల రోజుల పాటు ఉపవాసాలను విధిగా నిర్ణయించాడు, అయితే ఎవరికైతే సామర్థ్యం మరియు అదనపు పుణ్యంపై ఆసక్తి ఉంటుందో అటువంటి వారు ఇతర రోజుల్లో కూడా ఉపవాసాలు ఉండాలని ప్రోత్సహించాడు. ఆ రోజులలో కొన్ని:
ఇది ముహర్రమ్ నెలలోని పదవ రోజు; ఇస్లామీయ కేలెండర్లోని మొదటి నెల. ఇదే రోజున అల్లాహ్ తన ప్రవక్త మూసా (అలైహిస్సలాం) వారిని ఫిరౌన్ నుండి రక్షించాడు. అందువల్ల మూసా (అలైహిస్సలాం) వారి విముక్తికి అల్లాహ్ కు కృతజ్ఞతగా మరియు మన దైవప్రవక్త ముహమ్మద్(స) వారు కూడా ఉపవాసం ఉన్నందున వారిని అనుసరిస్తూ ముస్లిములు ఈ రోజున ఉపవాసం ఉంటారు. ఆషూరా దినం ఉపవాసం గురించి దైవప్రవక్త ముహమ్మద్(స) వారిని అడిగినప్పుడు, వారు ఇలా సెలవిచ్చారు: "ఇది గతించిన ఒక సంవత్సరం పాపాలను తుడిచివేస్తుంది" (ముస్లిం 1162). దీనితో పాటు దీనికి ముందు రోజైన తొమ్మిదవ తేదీన కూడా ఉపవాసం ఉండటం ఉత్తమం. ఎందుకంటే దైవప్రవక్త ముహమ్మద్(స) వారు ఇలా సెలవిచ్చారు: "నేను వచ్చే ఏడాది వరకు జీవించి ఉంటే తప్పకుండా తొమ్మిదవ తేదీన కూడా ఉపవాసం ఉంటాను" (ముస్లిం 1134).
దుల్ హిజ్జా నెలలో తొమ్మిదవ రోజు. ఇస్లామీయ క్యాలెండర్లో పన్నెండవ నెల. ఈ రోజున, హజ్ యాత్రికులు అరఫా మైదానంలో సమావేశమై అల్లాహ్ ను వేడుకుంటారు, ఆయనను స్తుతిస్తారు మరియు నమాజులు చేస్తారు. ఇది సంవత్సరంలోనే ఉత్తమమైన రోజు. హజ్ లో ఉన్నవారు కాకుండా, ఈ రోజు ఉపవాసం ఉంచడం సున్నతు. దైవప్రవక్త(స) వారిని ఈ రోజు యొక్క ఉపవాసం గురించి అడిగినపుడు వారు (స) ఇలా సెలవిచ్చారు : "ఇది గత సంవత్సరం మరియు రాబోయే సంవత్సరం యొక్క (పాపాలను) క్షమించి వేస్తుంది" (ముస్లిం 1162).
షవ్వాల్ అనేది ఇస్లామీయ కేలెండర్లోని పదవ నెల. దైవప్రవక్త ముహమ్మద్(స) వారు ఇలా సెలవిచ్చారు: "ఎవరు రమదాన్ ఉపవాసాలు ఉండి, ఆ తర్వాత షవ్వాల్ నెలలో ఆరు ఉపవాసాలు ఉంటారో, వారు సంవత్సరం అంతా ఉపవాసం ఉన్నట్లు లెక్క" (ముస్లిం 1164).
అబూ హురైరా (ర) వారు ఇలా సెలవిచ్చారు: "నా ప్రాణ మిత్రులు (దైవప్రవక్త(స)) వారు నాకు మూడు విషయాలను వదిలిపెట్టవద్దని వసీయత్ (హితబోధ) చేశారు, నేను మరణించే వరకు వాటిని వదలను: అవి ప్రతి నెలలో మూడు రోజులు ఉపవాసం ఉండటం, దుహా నమాజ్ చదవటం మరియు విత్ర్ నమాజ్ పూర్తి చేసిన తర్వాతే నిద్రించడం" (బుఖారీ 1178, ముస్లిం 721).
اختر مستوى الشرح المناسب لك
يحتوي الدرس الآن على طبقات اختيارية تساعدك على المراجعة السريعة أو التعمق دون مغادرة الدرس.
- الملخص: نظرة سريعة في نحو دقيقة.
- الأساسي: محتوى الدرس الأصلي وهو المسار المعتمد للتقدم.
- المتعمق: تفاصيل إضافية اختيارية عند توفرها.
تقدمك وإكمال الدرس يعتمدان دائما على صفحات المستوى الأساسي.
