روژ نیول. دا مهال برخه
درس نفلي روژه
الله تعالی په ټول کال کې یوه میاشت روژې فرض کړي،البته که څوک قدرت لري نو د کال په نورو میاشتو کې نفلي روژې نیولی شي،پدې کې ډیر ثواب دی،او ددغه ورځو څخه چې روژه نیول پکښ مستحب دي:داد دي:
ددې نه مراد د محرم د لسم تاریخ روژه ده،او محرم په اسلامي کلینډر کې اولنۍ میاشت ده،دا هغه ورځ ده چې الله تعالی موسی علیه السلام ته نجات ورکړی و،نو مسلمان د الله شکر ادا کوي،چې هغه ته یې د فرعون څخه نجات وکړی و،او د رسول الله تابعداري مقصد ده چې کله د هغه نه پوښتنه وشوه چې ته د عاشورا د ورځې روژه ولې نیسې،نو هغه وفرمایل:پدې سره د تیر کال ګناهونه معاف کیږي،او ددې سره د نهم تاریخ روژه نیول هم مستحب دي،ځکه نبي صلی الله علیه وسلم فرمایي:که زه راروان کال ته پاتې شوم،نو د نهم تاریخ روژه به ونیسم.
د ذو الحجې د میاشتې د نهم تاریخ روژه،دا دولسمه میاشت ده پدې ورځ کې حاجیان په عرفه کې راجمع کیږي،او د الله څخه دعا ګانې کوي،هغه ته عاجزې کوي،او دا د کال په ورځو کې د ټولو نه بهتره ورځ ده،د عامو خلکو لپاره ددې روژه نیول مستحب دي،یعني د حاجیانو نه علاوه،د رسول الله نه ددې باره کې تپوس وشو،نو هغه وفرمایل:پدې سره ددوه کاله ګناهونه معاف کیږي.
شوال په اسلامې تقویم کې لسمه میاشت ده،رسول الله فرمايي:څوک چې د روژې میاشت پوره روژې ونیسي،او بیا ورپسې د شوال شپږ نو داسې شوه چې ټول کال یې روژه ونیوله.
د ابو هریره رضي الله عنه نه روایت دی،زما ملګري ماته ددرې کارونو وصیت کړی،چې د مرګ پورې یې نه پریږدم،په هره میاشت کې درې روژې نیول،د اشراق مونځ کول،او د خوب نه مخکې وتر کول.
