നിലവിലെ വിഭാഗം
പാഠം വദീഅ (സൂക്ഷിക്കാൻ ഏൽപിച്ചത്)
count മറ്റ് വിദ്യാർത്ഥികൾ ഈ പാഠം പൂർത്തിയാക്കി
ലാഭം ഇല്ലാതെ മറ്റൊരാളുടെ അടുക്കൽ സൂക്ഷിക്കാൻ ഏൽപിച്ച വസ്തുവിനെയാണ് വദീഅ എന്ന് പറയുന്നത്. ഉദാഹരണമായി ഒരാൾ തന്റെ വാച്ച്, കാറ്, പണം മുതലായവ മറ്റൊരാളുടെ അടുക്കൽ സൂക്ഷിക്കാൻ ഏൽപ്പിക്കുന്നത് പോലെയുള്ളവ.
വദീഅയുടെ വിധി
വദീഅ നിയമമാക്കിയതിലെ യുക്തി
ഇതിനാലാണ് അല്ലാഹു വദീഅ അനുവദിച്ച് തന്നത്. ഒരു വശത്ത് സ്വത്ത് സംരക്ഷിക്കപ്പെടുമ്പോൾ മറു വശത്ത് സൂക്ഷിക്കാൻ ഏൽപിക്കപ്പെട്ടവന് അല്ലാഹുവിൽ നിന്നുള്ള പ്രതിഫലം നേടിയെടുക്കാനും സാധിക്കുന്നു. ഇതിൽ ആളുകൾക്ക് എളുപ്പവും അവശ്യ പൂർത്തീകരണത്തിനുള്ള സഹായവും ഉണ്ട്.
ഖുർആനും സുന്നത്തും ഇജ്മാഉം ഖിയാസും മുഖേനെ വദീഅ നിയമമാക്കപ്പെട്ടിരിക്കുന്നു. അല്ലാഹു പറയുന്നു: "വിശ്വസിച്ചേല്‍പിക്കപ്പെട്ട അമാനത്തുകള്‍ അവയുടെ അവകാശികള്‍ക്ക്‌ നിങ്ങള്‍ കൊടുത്തു വീട്ടണമെന്നു അല്ലാഹു നിങ്ങളോട്‌ കല്‍പിക്കുന്നു". (സൂ. നിസാഅ് 58).
അബൂ ഹുറയ്റ (റ) വിൽ നിന്നും, അദ്ദേഹം പറഞ്ഞു: റസൂൽ (സ) പറഞ്ഞിരിക്കുന്നു: " നിന്നെ വിശ്വസിച്ചവന് നീ അവന്റെ അമാനത്ത് തിരിച്ച് കൊടുക്കുക, നിന്നെ ഇങ്ങോട്ട് ചതിച്ചവനെ അങ്ങോട്ട് ചതിക്കരുത്." (അബൂ ദാവൂദ് 3535).
വദീഅ സ്വീകരിക്കുന്നതിന്റെ വിധി
വദീഅയുടെ അടിസ്ഥാന ഘടകങ്ങൾ
വദീഅയിൽ സൂക്ഷിക്കാൻ ഏൽപിക്കപ്പെട്ടവന്റെ മേൽ ഉത്തവാദിത്തം ഉണ്ടാകുന്ന സന്ദർഭങ്ങൾ
വദീഅ വിശ്വസിച്ചേല്പിച്ചവ (അമാനത്ത്) എന്ന ഗണത്തിൽ നിന്നും ഉത്തരവാദിത്തത്തിലേക്ക് മാറുന്ന സന്ദർഭങ്ങൾ
സൂക്ഷിക്കാൻ ഏല്പിക്കപ്പെട്ടവന്റെ അതിക്രമമോ അശ്രദ്ധയോ കൂടാതെ വദീഅ നശിച്ച് പോയാൽ അവൻ അതിന് ഉത്തരവാദിയല്ല. എന്നാൽ സുരക്ഷിതമായ സ്ഥലത്ത് സൂക്ഷിക്കൽ അനിവാര്യമാണ്. സൂക്ഷിക്കാൻ ഏല്പിച്ചവൻ അത് ക്രയവിക്രയം നടത്താൻ അനുവാദം നൽകിയാൽ അപ്പപ്പോഴത്‌ ഉത്തരവാദിത്തമുള്ള കടമായി മാറുന്നു.
സൂക്ഷിക്കാൻ ഏല്പിക്കപ്പെട്ടവന് അതിന്റെ വിഷയത്തിൽ ഭയം തോന്നുകയോ അല്ലെങ്കിൽ യാത്ര പോകാൻ ഉദ്ദേശിക്കുകയോ ചെയ്യുകയാണെങ്കിൽ വദീഅ അതിന്റെ ഉടമസ്ഥനോ അവന്റെ പ്രതിനിധിക്കോ തിരിച്ചേല്പിക്കൽ നിർബന്ധമാണ്. അതിനു കഴിയില്ലെങ്കിൽ ഭരണാധികാരി നീതിമാനാണെങ്കിൽ അയാളെ ഏൽപ്പിക്കണം. അത് സാധ്യമല്ലെങ്കിൽ, അത് ഉടമയ്ക്ക് കൈമാറാൻ വിശ്വസ്തനായ ഒരാളെ ഏൽപ്പിക്കണം.
ഒരാളുടെ പക്കൽ സ്വത്ത് സൂക്ഷിക്കാൻ ഏല്പിക്കപ്പെട്ടിട്ട് അവൻ അത് സുരക്ഷിത സ്ഥാനത്ത് നിന്ന് പുറത്തെടുക്കുകയോ വേർതിരിച്ചറിയാൻ കഴിയാതെ മറ്റൊന്നുമായി കൂട്ടി കലർത്തുകയോ ചെയ്ത് അത് നഷ്ടപ്പെട്ട് പോവുകയോ നശിച്ച് പോവുകയോ ചെയ്‌താൽ അപ്പോൾ അവനതിന് ഉത്തരവാദിയാണ്.
സൂക്ഷിക്കാൻ ഏല്പിക്കപ്പെട്ടവൻ വിശ്വാസയോഗ്യനാണ്, അവൻ അതിക്രമം കാണിക്കുകയോ അശ്രദ്ധ കാണിക്കുകയോ ചെയ്തില്ലെങ്കിൽ അവന് അതിൽ ഉത്തരവാദിത്തമില്ല, കൂടാതെ അവൻ അതിൽ അശ്രദ്ധ കാണിക്കുകയോ അവനെതിരെ വ്യക്തമായ തെളിവില്ലാതിരിക്കുകയോ ചെയ്യുന്ന സാഹചര്യത്തിൽ വദീഅ തിരിച്ച് കൊടുക്കുന്നതിലും അതിന്റെ നാശത്തിലും അവന്റെ സത്യ പ്രസ്‌താവന സ്വീകരിക്കപ്പെടും.
വദീഅ തിരിച്ച് കൊടുക്കുന്നതിന്റെ വിധി
വദീഅ ഒന്നിലധികം വ്യക്തികളുടേതാണെങ്കിൽ അവരിൽ ഒരാൾ വലിപ്പം, അളവ്, എണ്ണം എന്നിങ്ങനെ തന്റെ വിഹിതം ആവശ്യപ്പെടുകയാണെങ്കിൽ, അവന്റെ വിഹിതം മാത്രം അവന് നൽകപ്പെടും.
