ప్రస్తుత విభాగం : model
![](/storage/thumbnails/compressed/YkyQGILuPzq9OmIjJ2Vd3ApMbz5qqR1MwCxqZ7GO.jpg)
పాఠం ఒకరి వద్ద మన వస్తువు ఉంచడాన్ని వదీఅ అంటారు
ధనాన్నిగానీ, ఒక వస్తువుని కానీ జాగ్రత్త చేసే నిమిత్తం ఎటువంటి బదులు లేకుండా ఒకరిదగ్గర ఉంచడం. ఉదాహరణకు ఒక గడియారమో లేదా వాహనమో లేదా డబ్బు వగైరా.
![](/storage/pages/WpqPII2IpA4RFFyrwioIorMwF176WWDW4H8crypz.jpg)
వదీఅ గురించిన ధార్మిక నియమాలు
వదీఅ అనేది అనుమతి, సమ్మతం కలిగిన అంశం, ఇరుపక్షాలకు ఎప్పుడు కోరుకుంటే అప్పుడు దీని ఒప్పందాన్ని రద్దు చేసుకునే హక్కు ఉంటుంది, యజమాని తన వస్తువును తిరిగి ఇవ్వమని అడిగినపుడు తప్పనిసరిగా ఇవ్వవలసి ఉంటుంది, అలాగే ఆ వస్తువును తన దగ్గర ఉంచిన వ్యక్తి దానిని తిరిగి ఇచ్చేయాలనుకున్నపుడు దాని యజమాని దానిని స్వీకరించాలి, ఈ వదీఅ అనేది ఒకరికి తోడ్బాటు, సహకారం, సదాచారణ మరియు దైవభీతికి చెందిన అంశము.
వదీఅను ధర్మబద్దం చేయాయడంలోని వివేచనము
కొన్ని కారణాల వల్ల ఒకరికి తన డబ్బును భద్రంగా దాచుకునే పరిస్తితి ఉండకపోవచ్చు, దీనికి కారణం దాయడానికి సరైన ప్రదేశం లేకపోవడం, అనారోగ్యం, భయం వంటి ఇతర కారణాలు ఉండవచ్చు. ఈ పరిస్థితుల్లో వేరొకరు ఆ డబ్బును భద్రపరిచే సమర్ధత కలిగి ఉండవచ్చు.
వదీఅ ద్వారా సొమ్మును భద్రపరచడం, ఒకరి విలువైన వాటిని భద్రపరచడం ద్వారా పుణ్యాలను సంపాదించడం, ఈ వెసులుబాటు కారణంగా జనులకు తమ వ్యవహారాలలో సౌలభ్యంగా ఉండడం మరియు వారి అవసరాలు తీరడంలో తోద్బాటు అవడం వంటి ప్రయోజనాల కారణంగా అల్లాహ్ దీనిని అనుమతించాడు.
వదీఅ అనేది ధర్మసమ్మతమైనది, దైవగ్రంధం, దైవప్రవక్త(స) మరియు ధర్మపండితుల ఏకాభిప్రాయం మరియు సారూప్య అంశముతో పోల్చి, విశ్లేషించి రూపొందించే ధార్మిక నియమ విధానము అనుసారంగా కూడా ఇది అనుమతించబడిన అంశము. తన దివ్య వచనములో అల్లాహ్ ఇలా సెలవిస్తున్నాడు : పూచీలను (అమానాత్ లను) తప్పక వాటికి అర్హులైన వారికి అప్పగించండనీ అల్లాహ్ మిమ్మల్ని ఆజ్ఞాపిస్తున్నాడు. [అన్-నిసా: 58].
అబూ హురైరా (ర) వారి ఉల్లేఖనం : దైవ ప్రవక్త (స) వారు ఇలా ప్రబోదించారు: నీకు నమ్మి అప్పగించిన అప్పగింతను నువు అతడికి తిరిగి ఇవ్వు, మరియు ఇవరైతే నీ పట్ల మోసం చేశాడో అతడి పట్ల నువు మోసం చేయకు. (అబూ దావూద్ 3535).
వదీఅను స్వీకరించడములోని నియమాలు
భద్రంగా ఉంచగలను అనే నమ్మకం ఉన్న వ్యక్తి వదీఅను అంగీకరించడం అనేది హర్షించదగ్గ విషయం, ఈ పనిలో ఒకరి పట్ల సహకారం, సదాచారణ మరియు అల్లాహ్ పట్ల భయభక్తులు ఉన్నాయి, అలాగే దీనిని భద్రపరచడం కారణంగా ఆ వ్యక్తి పుణ్యాలకు కూడా అర్హుడవుతాడు.
వదీఅలోని కీలక అంశాలు
వస్తువును భద్రపరిచే వ్యక్తి ఆ వస్తువు గురించి బాధ్యత వహించే సందర్భాలు
వదీఅ అనేది సాధారణంగా ఒకరివద్ద ఉంచబడిన వస్తువు నుండి ఒక బాధ్యత వహించవలసిన వస్తువుగా మారే సందర్భం.
.
భద్రపరిచే వ్యక్తి తన ప్రయాణం కారణంగా ఆ వస్తువు యొక్క భద్రత విషయంలో భయం ఏర్పడినపుడు దాని యజమానికి తిరిగి ఇచ్చేయాలి లేదా మరొక వ్యక్తికి అప్పజెప్పాలి, అలా కూడా చేయలేని సందర్భములో అధికారి వద్ద ఉంచాలి, అయితే అతడు న్యాయబద్దుడై ఉండాలి, అలా కూడా లేని పక్షములో నమ్మకస్తుడైన వ్యక్తికి ఆపజెప్పి దీనిని యజమానికి అప్పజెప్పాలని బాధ్యత ఇవ్వాలి.
![](/storage/pages/2H7yjay3V6cylqot9k5Z8XzokZOMArPkGQTqnqk3.jpg)
.
వస్తువును భద్రపరచిన వ్యక్తి నమ్మకంగా దానిని కాపాడవలసిన వ్యక్తి, అయితే దాని పట్ల అతను జవాబుదారీ కలిగి ఉండడు, కానీ ఒకవేళ దాని పట్ల అతడు నిర్లక్ష్యంగా వ్యవహరిస్తే గనక దాని పట్ల బాధ్యత వహించవలసి ఉంటుంది, దాని పట్ల అతడు నిర్లక్ష్యం చేశాడు అని స్పష్టంగా తెలిస్తే తప్ప ఒకవేళ అది నాశనం అయినా కూడా భద్రపరచిన వ్యక్తి దానిని నేను నష్టపరచలేదని దైవ ప్రమాణము చేస్తే ఆ వస్తువును యజమాని స్వీకరించవచ్చు.
వదీఅను తిరిగి ఇవ్వడంలోని నియమాలు
అప్పగించి ఉంచబడిన వస్తువు అనేది దానిని భద్రపరిచే వ్యక్తి వద్ద ఉండే ఒక పూచీవంటిది, దానిని అడిగినపుడు తిరిగి ఇవ్వడం తప్పనిసరి, దానిని అడిగిన తరువాత ఎటువంటి కారణం లేకుండా ఇవ్వకపోతే దాని పూచీ అనేది నిర్వీర్యమయి పోతుంది. తన దివ్యవచనములో అల్లాహ్ ఇలా సెలవిస్తున్నాడు : పూచీలను (అమానాత్ లను) తప్పక వాటికి అర్హులైన వారికి అప్పగించండని ఆజ్ఞాపిస్తున్నాడు. [అన్-నిసా: 58].
ఒక వేల ఈ వస్తువు ఒకరికన్నా ఎకువ వారికి చెందినదై ఉండి, వారిలో ఒకరు తన హక్కును అడిగినపుడు అతని హక్కును తూచి లేదా కొలచి అతని భాగాన్ని ఇవ్వవలసి ఉంటుంది.