നമസ്‌കാരത്തിന് വേണ്ടി നിന്ന് ഇരു കൈകളും വിരലുകൾ നീട്ടി ഉള്ളംകൈകൾ ഖിബ്‌ലക്ക് അഭിമുഖമാക്കി ചുമലിന് അല്ലെങ്കിൽ ചെവിക്കുറ്റികൾക്ക് നേരെ ഉയർത്തിക്കൊണ്ട് "അല്ലാഹു അക്ബർ" എന്ന് പറയണം.

3- തക്ബീറിന് ശേഷം കൈകൾ ഇടതിന് മുകളിൽ വലത് വരുന്ന രീതിയിൽ അവന്റെ നെഞ്ചിൽ വെക്കണം. എല്ലാ നിറുത്തത്തിലും ഇപ്രകാരമാണ് വെക്കേണ്ടത്.

10. ശേഷം ആദ്യ തക്ബീറിൽ ചെയ്‌തത്‌ പോലെ ചുമലിന് നേരെയോ അല്ലെങ്കിൽ അതിന് മുകളിലോ കൈകൾ ഉയർത്തി ഉള്ളം കൈകൾ പരത്തി ഖിബ്‌ലക്ക് അഭിമുഖമാക്കി വെച്ച് കൊണ്ട് റുകൂഇന് വേണ്ടി തക്ബീർ ചൊല്ലുക.

തലയും പുറവും സമ നിരപ്പിൽ വരുന്ന നിലക്ക് വിരലുകൾ വിടർത്തി കൈകൾ കാൽമുട്ടുകളിൽ വെച്ചു കൊണ്ട് ഖിബ്‌ലക്ക് അഭിമുഖമായി കുമ്പിടുക. എന്നിട്ട് سبحان ربي العظيم (സുബ്ഹാന റബ്ബി അൽ അദീം) എന്ന് പറയുക. ഇങ്ങനെ ഒരു പ്രാവശ്യം പറയൽ നിർബന്ധവും മൂൺ തവണ ആവർത്തിക്കൽ പുണ്യകരവുമാണ്. അല്ലാഹുവിനെ മഹത്വപ്പെടുത്താനും ഔന്നിത്യപ്പെടുത്താനുമുള്ള സന്ദർഭമാണ് റുകൂഅ്.

കൈകൾ മുമ്പ് ഉയർത്തിയ രൂപത്തിൽ ഉയർത്തിക്കൊണ്ട് അവൻ ഇമാമോ അല്ലെങ്കിൽ ഒറ്റക്ക് നമസ്‌കരിക്കുന്നവനോ ആണെങ്കിൽ سمع الله لمن حمده (സമിഅല്ലാഹു ലിമൻ ഹമിദഹു) എന്ന് പറയണം. ശേഷം എല്ലാവരും (റബ്ബനാ വ ലകൽ ഹംദ്) എന്ന് പറയണം.

13. അതിന് ശേഷം തക്ബീർ ചൊല്ലിക്കൊണ്ട് ഏഴ് അവയവങ്ങളിലായി നിലത്ത് സുജൂദ് ചെയ്യണം. ആ ഏഴ് അവയവങ്ങൾ നെറ്റി (മൂക്ക് ഉൾപ്പടെ), രണ്ട് കൈപത്തികൾ , രണ്ട് കാൽമുട്ടുകൾ , രണ്ട് കാൽപാദങ്ങൾ എന്നിവയാണ്. തന്റെ ഇരു കരങ്ങൾ പാർശ്വത്തിൽ നിന്നും തുടകൾ വയറിൽ നിന്നും ഇരു കാലുകൾ പരസ്പരവും അകറ്റി വെക്കൽ പുണ്യകരമാണ്. കൈകളുടെ ബാക്കി ഭാഗങ്ങൾ (കൈ പത്തികൾ ഒഴിച്ചുള്ള ഭാഗങ്ങൾ) നിലത്ത് നിന്നും ഉയർത്തി വെക്കേണ്ടതാണ്.

അല്ലാഹുവിനോട് പ്രാർത്ഥിക്കാനുള്ള ഏറ്റവും ശ്രേഷ്ഠമായ സന്ദർഭമാണ് സുജൂദ്. സുജൂദിൽ നിർബന്ധമായ ദിക്‌റിന് ശേഷം ഒരു മുസ്‌ലിമിന് ഇഹപര നന്മകളിൽ നിന്ന് താൻ ഉദ്ദേശിക്കുന്നത് അല്ലാഹുവോട് ചോദിക്കാവുന്നതാണ്. നബി(സ) പറഞ്ഞു: "ഒരു അടിമ തന്റെ രക്ഷിതാവിനോട് ഏറ്റവും സമീപസ്ഥനാകുന്നത് അവൻ സുജൂദിലായിരിക്കുമ്പോഴാണ്, അതിനാൽ നിങ്ങൾ പ്രാർത്ഥനകൾ അധികരിപ്പിക്കുക." (മുസ്‌ലിം 482)

15. ശേഷം തക്ബീർ ചൊല്ലിക്കൊണ്ട് രണ്ട് സുജൂദുകൾക്കിടയിലെ ഇരുത്തം ഇരിക്കണം. ആ ഇരുത്തത്തിൽ വലത് കാൽ നാട്ടി വെച്ച് ഇടത് കാലിന്മേൽ ഇരിക്കൽ പുണ്യകരമാണ്. ഇരു കൈകളും കാല്മുട്ടുകൾക്ക് സമീപമായി തുടകളുടെ മുൻഭാഗത്ത് വെക്കുകയും ചെയ്യുക.

16. രണ്ട് സുജൂദുകൾക്കിടയിലുള്ള ഇരുത്തത്തിൽ ربِّ اغفر لي (റബ്ബിഗ്ഫിർലീ) എന്ന് പറയണം. ഇങ്ങനെ മൂന്ന് പ്രാവശ്യം അവർത്തിക്കൽ പുണ്യകരമാണ്.

17. ശേഷം ആദ്യം ചെയ്‌തത്‌ പോലെ വീണ്ടും സുജൂദ് ചെയ്യുക.

20. രണ്ടാം റക്അത്തിലെ രണ്ടാം സുജൂദിന് ശേഷം സുജൂദുകൾക്കിടയിൽ ഇരുന്നത് പോലെ തശഹുദിന് വേണ്ടി ഇരിക്കുകയും ആ ഇരുത്തത്തിൽ വലത് കയ്യുടെ ചൂണ്ട് വിരൽ ഖിബ്‌ലക്ക് നേരെ ചൂണ്ടി കൊണ്ട് التحيات لله والصلوات والطيبات، السلام عليك أيها النبي ورحمة الله وبركاته، السلام علينا وعلى عباد الله الصالحين، أشهد أن لا إله إلا الله، وأشهد أن محمدا عبده ورسوله (അത്തഹിയ്യാത്തു ലില്ലാഹി വ സ്വലവാത്തു വ ത്വയ്യിബാത്തു, അസ്സലാമു അലൈക്ക അയ്യുഹന്നബിയ്യു വ റഹ്മതുല്ലാഹി വ ബറകാത്തുഹു, അസ്സലാമു അലൈനാ വഅലാ ഇബാദില്ലാഹി സ്വാലിഹീന്‍. അശ്ഹദു അന്‍ലാ ഇലാഹ ഇല്ലല്ലാഹു വ അശ്ഹദു അന്ന മുഹമ്മദന്‍ അബ്ദുഹു വ റസൂലുഹു) എന്ന് പറയുകയും വേണം.

22. പിന്നീട് അവസാന റക്അത്തിലെ രണ്ടാം സുജൂദിന് ശേഷം അവസാനത്തെ തശഹുദിന് വേണ്ടി ഇരിക്കണം. വലത് കാൽ നാട്ടിവെച്ച് ഇടത് കാൽപാദം അതിന് അടിയിലൂടെ കടത്തി ആസനം നിലത്ത് ഉറപ്പിച്ചാണ് ഇരിക്കേണ്ടത്. എന്നിട്ട് ആദ്യ തശഹുദിൽ ചൊല്ലിയത് പോലെ ചൊല്ലുകയും ചെയ്യുക.

23. ശേഷം (അസ്സലാമു അലൈകും വ റഹ്മതുല്ലാഹ്) എന്ന് പറഞ്ഞു കൊണ്ട് വലത് ഭാഗത്തേക്ക് മുഖം തിരിക്കണം. ശേഷം അതെ പോലെ തന്നെ പറഞ്ഞു കൊണ്ട് ഇടത് ഭാഗത്തേക്കും മുഖം തിരിക്കണം. സലാം വീട്ടുന്നതിലൂടെ ഒരു മുസ്‌ലിം തന്റെ നമസ്‌കാരത്തിൽ നിന്നും പിരിഞ്ഞു. നബി(സ) പറഞ്ഞു: " അതിന്റെ ഇഹ്‌റാം തക്ബീർ ആണ്, അതിന്റെ തഹല്ലുൽ (ഒഴിവാകൽ) സലാമുമാണ്" (അബൂ ദാവൂദ് 61, തുർമുദി 3) അഥവാ നമസ്‌കരത്തിലേക്ക് പ്രവേശിക്കുന്നത് തക്ബീർ കൊണ്ടും അത് അവസാനിപ്പിക്കുന്നത് സലാം കൊണ്ടുമാണെന്ന് സാരം.

സൂറത്തുൽ ഫാതിഹ അറബിയിൽ തന്നെ പഠിക്കാൻ അവൻ അങ്ങേയറ്റത്തെ പരിശ്രമം നടത്തണം, കാരണം അതില്ലാതെ നമസ്കാരം ശരിയാവുകയില്ല. അപ്രകാരം തന്നെ നമസ്കാരത്തിൽ ചൊല്ലൽ നിർബന്ധമായ തക്ബീർ, സുബ്ഹാന റബ്ബീ അൽ അദീം , സമിഅല്ലാഹു ലിമൻ ഹമിദഹ്, റബ്ബനാ ലക്കൽ ഹംദ്, സുബ്‌ഹാന റബീ അൽ അഅ് ലാ, റബ്ബിഗ്ഫിർലീ, തശഹുദ്, നബി(സ)യുടെ മേലുള്ള സ്വലാത്ത്, അസ്സലാമു അലൈകും വ റഹ്മതുല്ലാഹ് തുടങ്ങിയ ദിക്റുകളും മനഃപാഠമാക്കാൻ അവൻ അതിയായി പരിശ്രമിക്കേണ്ടതുണ്ട്.

തന്റെ നമസ്‌കാരം കൃത്യമാക്കാൻ വേണ്ടി അവൻ തനിക്ക് സാധിക്കുന്നത്ര ജമാഅത്തായി നമസ്കരിക്കാൻ ശ്രമിക്കണം. കാരണം ഒരു പരിധി വരെ മഅ്മൂമിന്റെ പോരായ്മകൾ പരിഹരിക്കാൻ ഇമാമിന് സാധിക്കുന്നു.